Virat Kohli Century: रांचीत विराटचा धमाका! ५२ वे वनडे शतक झळकावत रचला इतिहास, तेंडुलकरचा विश्वविक्रम मोडला

Virat Kohli: विराट कोहलीचे हे वनडे क्रिकेटमधील ५२ वे शतक आहे. यापूर्वी, आंतरराष्ट्रीय क्रिकेटमध्ये एकाच फॉरमॅटमध्ये सर्वाधिक शतके करण्याचा विक्रम सचिन तेंडुलकरच्या नावावर होता.

• विराट कोहलीने रचला इतिहास!
• शतक ठोकून सचिन तेंडुलकरचा ‘हा’ विश्वविक्रम मोडला
• वनडेत ५२ शतके पूर्ण

IND vs SA 1st ODI: भारत आणि दक्षिण आफ्रिका यांच्यातील वनडे मालिकेचा (IND vs SA) पहिला सामना रांची येथील JSCA आंतरराष्ट्रीय स्टेडियममध्ये खेळला जात आहे. या सामन्यात टीम इंडियाचा स्टार फलंदाज विराट कोहली (Virat Kohli) याने शतक झळकावून एक नवा इतिहास रचला आहे. तो आता आंतरराष्ट्रीय क्रिकेटमध्ये एका विशिष्ट फॉरमॅटमध्ये सर्वाधिक शतके ठोकणारा फलंदाज ठरला आहे. या कामगिरीसह त्याने महान फलंदाज सचिन तेंडुलकरचा विक्रम मोडीत काढला आहे. या सामन्यात कोहलीने १०२ चेंडूत आपली शानदार शतकी खेळी पूर्ण केली.See more

A leap of joy ❤️💯 A thoroughly entertaining innings from Virat Kohli 🍿 Updates ▶️ https://t.co/MdXtGgRkPo#TeamIndia | #INDvSA | @IDFCFIRSTBank | @imVkohli pic.twitter.com/llLByyGHe5 — BCCI (@BCCI) November 30, 2025

सचिन तेंडुलकरचा ५१ शतकांचा विक्रम मोडीत

विराट कोहलीचे हे वनडे क्रिकेटमधील ५२ वे शतक आहे. यापूर्वी, आंतरराष्ट्रीय क्रिकेटमध्ये एकाच फॉरमॅटमध्ये सर्वाधिक शतके करण्याचा विक्रम सचिन तेंडुलकरच्या नावावर होता. सचिनने आपल्या कारकिर्दीत टेस्ट फॉरमॅटमध्ये ५१ शतके (Test Centuries) झळकावली होती. या सामन्यात शतक ठोकून विराट कोहलीने सचिन तेंडुलकरचा हा विक्रम मोडीत काढला आहे.

हे देखील वाचा: Rohit Sharma World Record: रोहित शर्माने इतिहास रचला! शाहिद आफ्रिदीचा ‘हा’ मोठा विश्वविक्रम मोडला

मायदेशात अर्धशतके (५०+ स्कोअर) करण्याचाही विक्रम नावावर

विराट कोहलीने या शतकासह आणखी एक मोठा विक्रम आपल्या नावावर केला आहे. वनडे आंतरराष्ट्रीय क्रिकेटमध्ये आपल्या मायदेशात (भारतात) सर्वाधिक वेळा पन्नासपेक्षा अधिक धावा (Fifty Plus Scores) करण्याचा विक्रम आता कोहलीच्या नावावर झाला आहे.  कोहलीचा हा भारतात या फॉरमॅटमधील ५९ वा पन्नासपेक्षा अधिक धावांचा स्कोअर आहे. या यादीत त्याने सचिन तेंडुलकरला मागे टाकले, ज्याने मायदेशात ५८ वेळा पन्नासपेक्षा अधिक धावांची खेळी केली होती. या यादीत दक्षिण आफ्रिकेचा जॅक कॅलिस (४६) आणि ऑस्ट्रेलियाचा रिकी पॉन्टिंग (४५) यांचाही समावेश आहे.

रोहित-कोहलीची १३६ धावांची भागीदारी

सामन्याबद्दल बोलायचे झाल्यास, यशस्वी जैस्वाल आणि रोहित शर्मा भारताकडून सलामीला उतरले होते. पहिल्या विकेटसाठी या दोघांनी २५ धावांची भागीदारी केली. जयस्वाल (१६ चेंडूंत १८ धावा) बाद झाल्यानंतर रोहित शर्माला साथ देण्यासाठी विराट कोहली तिसऱ्या क्रमांकावर फलंदाजीसाठी आला. रोहित आणि विराट कोहली यांनी या सामन्यात शानदार फलंदाजी करत १३६ धावांची महत्त्वपूर्ण भागीदारी केली. रोहित शर्मा ५१ चेंडूंत ५७ धावा करून बाद झाला.

हे देखील वाचा: मुंबई इंडियन्सने सोडल्यानंतर अर्जुन तेंडूलकर याने केला मैदानावर कहर! फलंदाजांना केलं स्तब्ध