WCL 2025 : सेमीफायन सामन्यापूर्वी भारताचा मोठा निर्णय! WCL मध्ये पाकिस्तानविरुद्ध खेळण्यास दिला नकार; आता पुढे काय?

वर्ल्ड चॅम्पियनशिप ऑफ लीजेंड्स स्पर्धेत गुरुवारी होणाऱ्या पाकिस्तानविरुद्ध सेमीफायनल सामन्यात खेळण्यास इंडिया चॅम्पियन्सने नकार दिला आहे. यामुळे आता पाकिस्तानविरोधातील सेमीफायनल सामना रद्द होण्याची शक्यता आहे.

• वर्ल्ड चॅम्पियनशिप ऑफ लीजेंड्समध्ये पाकिस्तान विरुद्ध सेमीफायनल सामना खेळण्यास भारताचा नकार
• गुरुवारी पाकिस्तानविरुद्ध सेमीफायनल सामना खेळवण्यात येणार होता.
• याआधी देखल स्पर्धेतील लीग स्टेजमध्ये भारताकडून पाकिस्तानविरुद्ध खेळण्यास नकार

IND vs PAK : वर्ल्ड चॅम्पियनशिप ऑफ लीजेंड्समधील भारत विरुद्ध पाकिस्तान(India vs Pakistan)सेमीफायनल सामना अडचणीत सापडला आहे. सेमी फायनल इंडिया चॅम्पियन्सकडून पाकिस्तानविरुद्ध कोणत्याही प्रकारचा सामना खेळण्यास नकार देण्यात आला आहे. इंडिया चॅम्पियन्स आणि पाकिस्तान चॅम्पियन्स यांच्यात येत्या गुरुवारी सेमीफायनल सामना खेळवला जाणार होता. परंतु, आता त्याआधीच, भारतीय संघाच्या खेळाडूंनी हा सामना खेळण्यास नकार दर्शवला आहे.

इंडिया चॅम्पियन्सने मंगळवारी वेस्ट इंडिज चॅम्पियन्सना १३.२ षटकांत धुव्वा उडवून सेमीफायनलमध्ये दिमाखात प्रवेश केला होता. सेमीफायनलमध्ये पोहोचल्यानंतर भारताला पाकिस्तानशी दोन हात करावे लागणार होते. याआधी देखील, भारतीय संघाने लीग सामन्यात पाकिस्तानविरुद्ध खेळण्यास नकार दिला होता. ज्यामुळे भारत आणि पाकसितां यांच्यातील लीग स्टेज सामना रद्द करण्यात आला होता. कारण खेळाडू आणि स्पर्धेच्या मुख्य प्रायोजकांनी सामन्याबद्दल निषेध व्यक्त केला होता.

हेही वाचा : ICC T20 Rankings : अभिषेक शर्माने रचला इतिहास! आयसीसी रँकिंगमध्ये ‘या’ दिग्गजांनंतर ‘असा’ कारनामा करणारा तो पहिलाच..

एका मीडिया रिपोर्टनुसार, इझीमायट्रीप नावाच्या कंपनीकडून सेमीफायनल सामन्यापूर्वी स्वतःला वेगळे करण्यात आले आहे. EaseMyTrip ही या स्पर्धेच्या मुख्य प्रायोजकांपैकी एक कंपनी आहे. त्यांनी सांगितले की, “आम्ही दहशतवाद पसरवणाऱ्या देशासोबत एक देखील सामना खेळणार नाही. आम्ही टीम इंडिया चॅम्पियन्सचे वर्ल्ड चॅम्पियनशिप ऑफ लीजेंड्समध्ये उत्कृष्ट कामगिरी केल्याबद्दल खूप खूप अभिनंदन करतो. तुम्ही संपूर्ण देशाला गौरव मिळवून दिला आहे. पण पाकिस्तानविरुद्धचा आगामी सेमीफायनल सामना सोपा असणार नाही. क्रिकेट आणि दहशतवाद एकत्र जाऊ शकत नाहीत. इझीमायट्रीप, आम्ही भारतासोबत असून दहशतवाद पसरवणाऱ्या देशाशी चांगले संबंध निर्माण करण्याचा प्रयत्न करणाऱ्या कोणत्या देखील कार्यक्रमाचे समर्थन करत नाही.”या से

ट्रॅव्हल-टेक कंपनीचे सह-संस्थापक निशांत पिट्टी यांनी बुधवारी एका निवेदनात म्हटले की, “भारतातील लोकांनी म्हटले आहे आणि आम्ही त्यांचे ऐकत आहोत. WCL मध्ये भारत विरुद्ध पाकिस्तान सामन्याशी इझीमायट्रीप जोडले जाणार नाही. काही गोष्टी या खेळांपेक्षा देखील मोठ्या असतात. नेहमीच देश आधी, व्यवसाय नंतर.”

माजी भारतीय क्रिकेटपटू सुरेश रैना आणि शिखर धवन यांनी देखील म्हटले आहे की, ते पाकिस्तानविरुद्ध खेळणार नाहीत. धवनने यापूर्वीच पाकिस्तानविरुद्ध खेळण्यास नकार दर्शवला होता.

हेही वाचा : IND vs ENG : इंग्लंडला मोठा झटका! बेन स्टोक्ससह ‘हा’ मुख्य गोलंदाज ओव्हल कसोटीतुन बाहेर; भारताच्या जिंकण्याच्या आशा बळावल्या..