फोटो सौजन्य – सोशल मिडीया
वर्ल्ड चॅम्पियनशिप ऑफ लीजेंड्स (WCL) २०२५ मध्ये रविवारी होणारा इंडिया चॅम्पियन्स आणि पाकिस्तान चॅम्पियन्स यांच्यातील सामना रद्द करण्यात आला आहे. या सामन्याबाबत भारतात सोशल मीडियावर प्रचंड संताप व्यक्त करण्यात आला. पहलगाम दहशतवादी हल्ल्यानंतर लोक पाकिस्तानसोबतच्या क्रिकेट सामन्यावर टीका करत होते. नंतर, भारतातील अनेक वरिष्ठ खेळाडूंनी सामना खेळण्यास नकार दिला, ज्यामुळे तो रद्द करावा लागला. पण जर नॉकआउटमध्ये दोन्ही संघांमधील सामन्याची परिस्थिती उद्भवली तर काय?
सेमीफायनल किंवा फायनलमध्ये अशी परिस्थिती उद्भवली तर काय? पाकिस्तान चॅम्पियन्स संघाचे मालक कामिल खान यांनी म्हटले आहे की ही टी-२० स्पर्धा त्याच्या नियोजित वेळापत्रकानुसारच होईल, त्यात कोणताही बदल होणार नाही. खानने दावा केला की जर रविवारी सामना रद्द झाला तर पाकिस्तानला २ गुण मिळतील कारण भारतीय संघाने सामन्यातून माघार घेतली आहे. तो म्हणाला की नियमांनुसार, त्याचा संघ २ गुणांना पात्र आहे.
WCL चा अंतिम सामना २ ऑगस्ट २०२५ रोजी खेळवला जाईल. या स्पर्धेत भारतीय चॅम्पियन्सचा पहिला सामना पाकिस्तान चॅम्पियन्स विरुद्ध होणार होता परंतु अनेक वरिष्ठ भारतीय खेळाडूंनी माघार घेतल्याने हा सामना रद्द करण्यात आला. पाकिस्तान हॉकी संघ भारत दौऱ्यावर येणार असल्याची बातमी आयोजकांनी आल्यानंतर भारत आणि पाकिस्तानमधील सामना राखून ठेवल्याचे आयोजकांचे म्हणणे आहे.
तथापि, शिखर धवनचा दावा आहे की त्याने ११ मे रोजीच आयोजकांना कळवले होते की तो पाकिस्तानविरुद्ध खेळणार नाही. हरभजन सिंग, इरफान पठाण, सुरेश रैना, युवराज सिंग यांच्यासह अनेक खेळाडूंनी पाकिस्तानविरुद्ध खेळण्यास स्पष्ट नकार दिला होता. या स्पर्धेचा पहिला हंगाम इंडिया चॅम्पियन्सने जिंकला होता. त्यानंतर त्यांनी अंतिम सामन्यात पाकिस्तानला हरवले.
या स्पर्धेमध्ये 18 सामने खेळवल्या जाणार आहेत आत्तापर्यंत या स्पर्धेचे चार सामने झाले आहेत यामध्ये पाकिस्तान विरुद्ध इंग्लंड यांच्यामध्ये सामना खेळवण्यात आला होता हा सामना पाकिस्तानच्या संघाने जिंकला होतात तर वेस्ट इंडिज विरुद्ध साऊथ आफ्रिका यांच्यामध्ये झालेल्या सामन्यात साउथ आफ्रिकेच्या संघाने जिंकला होता. एक सामना रद्द करण्यात आला तर दुसरा सामना हा निर्णय राहिला. या स्पर्धेमध्ये सहा संघ सहभागी झाले आहेत. सध्या चार सामन्यानंतर पाकिस्तानचा संघ हा अव्वल स्थानावर आहे तर साऊथ आफ्रिकेचे संघ दुसऱ्या स्थानावर आहे. तिसऱ्या स्थानावर इंग्लंडचा संघ तर चौथा स्तनावर ऑस्ट्रेलियन संघ आहे. पाचव्या आणि सहाव्या स्थानावर अनुक्रमे वेस्टइंडीज आणि भारत आहेत.
.png "Videos"){kind=small}
