Will Axar Patel be The New Captain of Delhi Capitals A Big Revelation Before IPL 2025 Mega Auction
Axar Patel Delhi Capitals Captain IPL 2025 : IPL 2025 मेगा लिलावापूर्वी दिल्ली कॅपिटल्सने एकूण चार खेळाडूंना कायम ठेवले होते. अक्षर पटेल, ट्रिस्टन स्टब्स, अभिषेक पोरेल आणि कुलदीप यादव अशी या 4 खेळाडूंची नावे आहेत. लिलावाची तारीख जवळ येत आहे आणि ऋषभ पंतच्या सुटकेनंतर दिल्ली फ्रँचायझी कोणत्या खेळाडूला कर्णधार बनवू शकते हा सर्वात मोठा प्रश्न आहे. आता एक मीडिया रिपोर्ट समोर आला आहे, ज्यामध्ये अक्षर पटेलला दिल्लीचा कर्णधार बनवल्याचा दावा करण्यात आला आहे.
दिल्ली कॅपिटल्सला मिळणार नवीन कर्णधार
मीडिया रिपोर्ट्सनुसार, आगामी हंगामात अक्षर पटेल दिल्ली कॅपिटल्सचे कर्णधारपद स्वीकारू शकतो. आठवा की आयपीएल 2024 मध्ये, जेव्हा ऋषभ पंतला स्लो ओव्हर-रेटमुळे RCB विरुद्धच्या सामन्यातून तीन वेळा निलंबित करण्यात आले होते, तेव्हा अक्षर पटेलने पंतच्या जागी दिल्लीचे नेतृत्व केले होते. आगामी हंगामासाठी अक्षर पटेलला 16.5 कोटी रुपयांमध्ये कायम ठेवण्यात आले आहे. त्यामुळे दिल्लीने कायम ठेवलेला तो सर्वात महागडा खेळाडू आहे. हे देखील एक संकेत आहे की दिल्ली फ्रँचायझी अक्षरवर विश्वास ठेवण्यास तयार आहे.
अक्षर पटेल दिल्लीचा बनला स्टार
अक्षर पटेल 2019 पासून दिल्ली कॅपिटल्सकडून खेळत आहे. त्याने DC फ्रँचायझीचे प्रतिनिधित्व करताना एकूण 82 सामने खेळले आहेत, ज्यात त्याच्या नावावर 967 धावा आणि 62 विकेट्स आहेत. दिल्लीकडून खेळताना त्याने आयपीएलमध्ये सर्वाधिक यश मिळवले आहे. याआधी पंजाब किंग्जकडून 68 सामन्यात 686 धावा करण्यासोबतच त्याने 61 विकेट्सही घेतल्या होत्या.
पहिला अष्टपैलू खेळाडू
अक्षर पटेलला दिल्ली कॅपिटल्सचे कर्णधारपद मिळाल्यास तो आयपीएलमध्ये दिल्ली संघाचे नेतृत्व करणारा भारताचा पहिला अष्टपैलू खेळाडू ठरेल. जेम्स होप्स आणि जेपी ड्युमिनी हे दोन अष्टपैलू खेळाडू आहेत ज्यांनी दिल्लीचे कर्णधारपद भूषवले आहे परंतु आजपर्यंत कोणत्याही भारतीय अष्टपैलू खेळाडूने असे केले नाही. वीरेंद्र सेहवाग, गौतम गंभीरसारखे फलंदाज आणि झहीर खानसारख्या दिग्गज गोलंदाजांनीही डीसीची जबाबदारी स्वीकारली आहे. मात्र अक्षर हा अष्टपैलू खेळाडू असल्याने कर्णधारपदाची जबाबदारी स्वीकारून इतिहास रचू शकतो.
दिल्लीने ऋषभ पंतला कायम ठेवण्याच्या यादीतून केले बाहेर
आयपीएल २०२५ च्या चर्चाना उधाण आलं आहे, भारताचा विकेटकिपर आणि फलंदाज रिषभ पंतने ट्विट केले होते आणि सोशल मीडियावर कॉमेंट्सचा वर्षाव झाला होता. अलीकडेच, ऋषभ पंत आणि दिल्ली कॅपिटल्सच्या व्यवस्थापनातील मतभेदाच्या बातम्यांनी सर्वांचे लक्ष वेधून घेतले होते. मीडिया रिपोर्ट्सनुसार, दिल्लीने ऋषभ पंतला कायम ठेवण्याच्या यादीतून बाहेर ठेवले आहे. संघाने अक्षर पटेल, कुलदीप यादव, ट्रिस्टन स्टब्स आणि अभिषेक पोरेल यांना कायम ठेवण्याचा निर्णय घेतला आहे, परंतु अद्याप या यादीची पुष्टी झालेली नाही. दरम्यान, आता इंडियन प्रीमियर लीग २०२५ च्या संदर्भात नवीन अपडेट समोर आली आहे. असे सांगण्यात आले आहे की दिल्ली कॅपिटल्स संघाचा कर्णधार असलेल्या श्रेयस अय्यरवर दिल्ली संघाची नजर असेल.
ऋषभ पंतने केवळ दिल्ली कॅपिटल्स फ्रँचायझीकडे कर्णधारपदाची मागणी केली नाही तर कोचिंग स्टाफच्या निवड प्रक्रिये संदर्भात त्याला हातभार लावायचा होता. पण दिल्ली संघाचे व्यवस्थापन पंतच्या कामगिरीवर आणि कर्णधारपदावर खूश नाही. त्यामुळे संघाने पंतला कायम न ठेवण्याचा निर्णय घेतला आहे. रिषभ पंतच्या सुटकेचा निर्णय एका रात्रीत घेण्यात आलेला नसून, हे मतभेद अनेक दिवसांपासून सुरू असल्याचेही सांगण्यात आले.
हेही वाचा : विराट कोहली ते ऋतुराज गायकवाड; IPL 2025 मधील सर्व 10 संघांचे संभाव्य कर्णधार
.png "Videos"){kind=small}
