Women’s Chess World Champion : ‘अनेक तरुणींना प्रेरणा..’, बुद्धिबळ विश्वचषक विजेत्या दिव्याचे पंतप्रधान मोदींकडून अभिनंदन

जॉर्जियातील बटुमी येथे खेळल्या गेलेल्या २०२५ च्या FIDE विश्वचषक स्पर्धेत भारताच्या दिव्या देशमुखने विजय मिळवत विश्वचषक विजेतेपद पटकावले. दिव्याच्या या विजयानंतर, भारताचे पंतप्रधान नरेंद्र मोदी यांनी अभिनंदन केले आहे.

Prime Minister Narendra Modi congratulates Divya Deshmukh : महाराष्ट्राच्या १९ वर्षीय कन्या दिव्या देशमुखने जगात भारताची मान उंचावली आहे. नागपूरच्या दिव्या देशमुखने जॉर्जियातील बटुमी येथे खेळल्या गेलेल्या २०२५ च्या FIDE विश्वचषक स्पर्धेत विजय मिळवत इतिहास रचला आहे. या विजयासह दिव्याने विश्वचषक विजेतेपद पटकावले आहे. या स्पर्धेत तिने भारताच्याच ग्रँडमास्टर कोनेरू हम्पीला पराभूत केले आहे. या विजयाने दिव्यावर कौतुकाचा सर्व क्षेत्रातून वर्षाव होत आहे. दरम्यान दिव्याच्या या विजयानंतर, भारताचे पंतप्रधान नरेंद्र मोदी यांनी देखील तिचे अभिनंदन केले आहे.

हेही वाचा : Chess World Cup : महाराष्ट्राची लेक बनली ६४ घरांची ‘राणी’! कोनेरू हम्पीला पराभूत करून दिव्या देशमुख बनली बुद्धिबळ विश्वविजेती

पंतप्रधान नरेंद्र मोदी यांनी सोमवारी भारतीय बुद्धिबळपटू दिव्या देशमुखचे FIDE महिला विश्वचषकात विजय मिळवल्या अभिनंदन केले आहे. पंतप्रधान मोदी यांनी म्हटले आहे की, दोन उत्कृष्ट भारतीय खेळाडूंच्या सहभागाने हा एक ऐतिहासिक अंतिम सामना होता. मोदींनी ‘एक्स’ वर लिहिले की “दोन उत्कृष्ट भारतीय बुद्धिबळपटूंमधील ऐतिहासिक अंतिम सामना. २०२५ मध्ये FIDE महिला जागतिक बुद्धिबळ विजेता बनलेल्या तरुणी दिव्या देशमुखचा अभिमान आहे. या उल्लेखनीय कामगिरीबद्दल तिचे अभिनंदन. हे अनेक तरुणींना प्रेरणा देईल.”

हेही वाचा : PHOTOS : युवा गिलच्या नेतृत्वाखालील टीम इंडियाचा नवा कारनामा! 46 वर्षापूर्वीच्या ‘त्या’ विक्रमाशी साधली बरोबरी..

See more

A historic final featuring two outstanding Indian chess players!

Proud of the young Divya Deshmukh on becoming FIDE Women’s World Chess Champion 2025. Congratulations to her for this remarkable feat, which will inspire several youngsters.

Koneru Humpy has also displayed… pic.twitter.com/l7fWeA3qLw

— Narendra Modi (@narendramodi) July 28, 2025

दिव्याने सोमवारी जॉर्जियातील बटुमी येथे टायब्रेकरमध्ये अनुभवी देशबांधव असणाऱ्या कोनेरू हम्पीला हरवून विश्वविजेतेपद पटकावले. हा विजय म्हणजे तिच्या कारकिर्दीतील एक मोठा टप्पा आहे. पुढे मोदी म्हणाले की, “अंतिम फेरीत दिव्याची प्रतिस्पर्धी कोनेरू हम्पीनेही संपूर्ण चॅम्पियनशिपमध्ये अपवादात्मक कौशल्य दाखवले.” मोदी यांनी यावेळी दोन्ही खेळाडूंना त्यांच्या भविष्यातील प्रयत्नांसाठी शुभेच्छा दिल्या आहेत.

भारताने चीनची भिंत भेदून विजेतेपद मिळवले..

भारताच्या दोन्ही खेळाडूंनी चिनी भिंत तोडून अंतिम फेरीत प्रवेश केला. फिडे विश्वचषक नॉकआउट स्पर्धेच्या अंतिम फेरीत पोहोचण्यासाठी, ३८ वर्षीय कोनेरू हम्पी आणि १९ वर्षीय दिव्या देशमुख यांनी या स्पर्धेत अनेक चिनी खेळाडूंवर मात केली. महिला गटात चीन टॉप १०० मध्ये अव्वल स्थानावर आहे. चीनच्या १४ खेळाडूंनंतर, भारतातील ९ खेळाडू टॉप १०० मध्ये येतात. परंतु फिडे विश्वचषकामध्ये कोनेरू आणि दिव्या यांनी बलाढ्य मानल्या जाणाऱ्या चिनी खेळाडूंना पराभूत करत भारताचा दबदबा दाखवला.