WPL 2025 : दिल्ली कॅपिटल्स अव्वल स्थानावर, हरमनप्रीतच्या टोळीला पराभूत करून घेतली जागा, वाचा गुणतालिकेचे समीकरण

दिल्ली कॅपिटल्सने पॉइंट्स टेबलमध्ये अव्वल स्थान पटकावले आहे तर मुंबई इंडियन्सचा नेट रन रेटच्या आधारावर आणि कालच्या पराभवामुळे गुणतालिकेमध्ये खाली घसरला आहे.

महिला प्रीमियर लीग २०२५ पॉईंट टेबल : महिला प्रीमियर लीगमध्ये दिल्ली कॅपिटल्सचा सामना काल मुंबई इंडियन्सशी झाला. या सामन्यात दिल्लीने शानदार कामगिरी केली आणि ९ विकेट्सने विजय मिळवला. १२४ धावांच्या लक्ष्याचा पाठलाग करताना दिल्लीने केवळ एक विकेट गमावून लक्ष्य गाठले. या सामन्यात मुंबई संघ दिल्लीविरुद्ध काहीही करू शकला नाही. या विजयासह, दिल्ली कॅपिटल्सने पॉइंट्स टेबलमध्ये अव्वल स्थान पटकावले आहे तर मुंबई इंडियन्सचा नेट रन रेटच्या आधारावर आणि कालच्या पराभवामुळे गुणतालिकेमध्ये खाली घसरला आहे.

Champions Trophy 2025 : पीसीबीमुळे आयसीसी स्पर्धेचा खालावला दर्जा, अशा पद्धतीने वाळवली खेळपट्टी, Video Viral

दिल्लीने दाखवली आपली ताकद

१२४ धावांच्या लक्ष्याचा पाठलाग करताना दिल्लीची सुरुवात चांगली झाली. संघाने फक्त ९.५ षटकांत ८५ धावा जोडल्या होत्या. यादरम्यान, शेफाली वर्माने २८ चेंडूत ४३ धावांची खेळी केली. त्याने त्याच्या खेळीदरम्यान ४ चौकार आणि ३ षटकार मारले. तिच्या बाद झाल्यानंतर, मेग लॅनिंग आणि जेमिमा रॉड्रिग्ज यांनी संघाला विजय मिळवून दिला. दिल्लीकडून मॅगने ४९ चेंडूत ६० धावा केल्या. त्याने ९ चौकार मारले. तिच्याशिवाय जेमिमा रॉड्रिग्जने १० चेंडूत १५ धावा केल्या. मुंबईकडून अमनजोतने एकमेव विकेट घेतली.

त्याआधी, जेस जोनासेनच्या उत्कृष्ट गोलंदाजीच्या कामगिरीमुळे, दिल्ली कॅपिटल्सने मुंबई इंडियन्सला नऊ बाद १२३ धावांवर रोखले. त्याने चार षटकांत २५ धावा देत तीन विकेट्स घेतल्या. तिने फॉर्ममध्ये असलेल्या नॅट सायव्हर ब्रंट, कर्णधार हरमनप्रीत कौर आणि जी कमलिनी यांना बाद केले. त्याआधी दिल्लीने चांगली सुरुवात केली होती. सलामीवीर यास्तिका भाटिया (११) आणि हेली मॅथ्यूज (२२) यांनी संघाला चांगली सुरुवात करून दिली.

See more

🔙 to 🔙 For an excellent spell of 3/25, Jess Jonassen wins her second consecutive Player of the Match award 👏🙌 Scorecard ▶️ https://t.co/wVyWwYwJ0S#TATAWPL | #DCvMI | @DelhiCapitals | @JJonassen21 pic.twitter.com/BG9j4F940x — Women’s Premier League (WPL) (@wplt20) February 28, 2025

तिच्या बाद झाल्यानंतर, स्कीव्हर ब्रंटने तिचा समृद्ध फॉर्म कायम ठेवला आणि कर्णधार हरमनप्रीत (१८) सोबत तिसऱ्या विकेटसाठी ३८ धावांची भागीदारी केली. ११ व्या षटकात जोनासेनने हरमनप्रीतला बाद केले. यानंतर, मुंबईच्या विकेट सतत पडत राहिल्या आणि संघाला मोठी धावसंख्या उभारता आली नाही.

शेवटच्या स्थानावर म्हणजेच पाचव्या स्थानावर गुजरात जायंट्सचा संघ आहे, तर चौथ्या स्थानावर युपी वॉरियर्सचा संघ आहे. युपीचे पाच सामने झाले आहेत. यामध्ये त्यांनी दोन सामन्यांमध्ये विजय मिळवून चार गुणांसह चौथ्या स्थानावर आहे. रॉयल चॅलेन्जर्स बंगळुरूचा संघ तिसऱ्या स्थानावर आहे. आरसीबीच्या संघाने २ सामन्यांमध्ये विजय मिळवला आहे तर तीन सामन्यांमध्ये त्यांना पराभवाचा सामना करावा लागला आहे. मुंबई इंडियन्सचा संघ दुसऱ्या स्थानावर आहे तर कालच्या सामन्यांमध्ये विजय मिळवून दिल्ली कॅपिटल्सने पहिल्या स्थानावर कब्जा केला आहे.