लक्झरी ट्रेंड आता तुमच्या बजेटमध्ये! भारतीय कंपनी लाँच करणार सर्वात स्वस्त फोल्डेबल स्मार्टफोन, फीचर्स आणि किंमतीचा खुलासा

AI+ Nova Flip Leaks: फोल्डेबल स्मार्टफोन म्हटलं की डोळ्यासमोर येत महागडा स्मार्टफोन आणि जास्तीची किंमत... पण आता असं होणार नाही, कारण आता भारतीय टेक कंपनी बजेट किंमतीत फोल्डेबल स्मार्टफोन लाँच करणार आहे.

• भारतीय स्मार्टफोन कंपनीची कमाल!
• स्वस्त फोल्डेबल स्मार्टफोनचे फीचर्स आणि किंमत उघड
• फोल्डेबल आता फक्त श्रीमंतांसाठी नाही!

इंडियन स्मार्टफोन कंपनी NxtQuantum AI+ ने काही महिन्यांपूर्वी भारतात सर्वात स्वस्त 5जी स्मार्टफोन लाँच केला होता. हा स्मार्टफोन AI+ Nova या नावाने लाँच करण्यात आला होता. हा स्मार्टफोन 6000 रुपयांच्या सुरुवातीच्या किंमतीत लाँच करण्यात आला होता. हा भारतातील सर्वात स्वस्त 5जी स्मार्टफोन होता. यानंतर आता कंपनी लवकरच त्यांचा दुसरा स्वस्त स्मार्टफोन देखील लवकरच लाँच करणार आहे. AI+ Nova स्मार्टफोनच्या लाँचिगनंंतर आता कंपनी त्यांच्या आगामी स्मार्टफोनच्या लाँचिंगची तयारी करत आहे. कंपनीने त्यांच्या आगामी स्मार्टफोनचा टिझर देखील सोशल मीडियावर शेअर केला आहे. NxtQuantum AI+ ने असा दावा केला आहे की, आगामी स्मार्टफोन सर्वात अफोर्डेबल फोल्डेबल स्मार्टफोन असणार आहे. फोल्डेबल फोन Nova Flip या नावाने लाँच केला जाणार आहे. हा स्मार्टफोन लाँच होण्यापूर्वीच त्याबाबत काही अपडेट्स समोर आले आहेत.

Instagram Update: इंस्टाग्राम यूजर्सना धक्का! कंपनीने केला मोठा बदल, हॅशटॅगच्या संख्येवर आली मर्यादा

AI+ Nova Flip कधी लाँच होणार?

AI+ चा सर्वात अफोर्डेबल फोल्डेबल स्मार्टफोन 2026 च्या पहिल्या तिमाहित लाँच केला जाण्याची शक्यता आहे. येणाऱ्या वर्षात कंपनीच्या आणखी काही योजना देखील आहेत. त्यामुळे 2026 मध्ये भारतातील स्मार्टफोन मार्केटमध्ये अनेक मोठे धमाके होणार आहेत. कंपनीच्या अपकमिंग स्मार्टफोनच्या यादीमध्ये Nova Pro, Nova Ultra आणि Nova Flip स्मार्टफोन्सचा समावेश आहे. कंपनीने फोल्डेबल फोनचा टिझर Nova Flip या नावाने शेअर केला आहे. त्यामुळे आगामी स्मार्टफोन देखील याच नावाने लाँच केला जाणार याती काही शंकाच नाही. (फोटो सौजन्य – X) 

See more

Flip the script with #NovaFlip. Stay tuned. Reshare to experience the product!#AiPlusSmartphone #NxtQuantumOS #ComingSoon #NovaFlip #FliptheFuture pic.twitter.com/fL5AYlX6uw — Ai+ Smartphone (@aiplus_official) December 16, 2025

आगामी अफोर्डेबल फोल्डेबल स्मार्टफोन अँड्रॉईडवर आधारित कंपनीच्या स्पेशल ऑपरेटिंग सिस्टम NxtQuantum OS वर आधारित आहे. कंपनीचं असं म्हणणं आहे की, हे सॉफ्टवेअर कंपनीने खास फोल्डेबल स्मार्टफोन्ससाठी तयार केले आहे. याच्या मदतीने यूजर्स अनेक अ‍ॅप्स आणि फीचर्स डिव्हाईस फोल्ड असल्यानंतर देखील वापरू शकणार आहेत. त्यामुळे आगामी स्मार्टफोन यूजर्ससाठी अतिशय खास ठरणार आहे.

AI+ Nova Flip मध्ये कास असणार खास?

AI+ Nova Flip च्या टिझरमध्ये या फोनच्या बॅक पॅनलची झलक पाहायला मिळत आहे. यामध्ये स्लीक फोल्डेबल हिंज आणि साइड-माउंटेड पावर बटन देण्यात आले आहे. कंपनीने या फोनमध्ये डुअल कॅमेरा सेटअप देखील दिवा आहे. या स्मार्टफोनचे डिझाईन काही प्रमाणात Oppo Find N सीरीज सारखे आहे. नोवा फ्लिप स्मार्टफोनमध्ये कंपनीने नोटिफिकेशन आणि क्विक विजेट्ससाठी छोटी कव्हर स्क्रीन देखील दिला आहे. यासोबतच फोनच्या प्रायमरी फोल्डेबल डिस्प्लेमध्ये सेल्फीसाठी पंच होल कटआउट मिळणार आहे. टिझर ईमेजवरून फोनच्या डिझाईनबाबत माहिती मिळत आहे. स्मार्टफोनचे बरेच स्पेसिफिकेशन्स अद्याप अधिकृतपणे जाहिर करण्यात आले नाही.

19 मिनिटे…40 मिनिटे… सोशल मीडियावर व्हायरल होत असलेले ते व्हिडिओ खरे की खोटे? असे ओळखा Deepfake Video

AI+ Nova Flip ची किंमत किती असणार?

AI+ त्यांचा आगामी स्मार्टफोन Nova Flip अफोर्डेबल किंमतीत लाँच करण्याची योजना आखत आहे. त्यामुळे Nova Flip स्मार्टफोन 40,000 रुपयांच्या सुरुवातीच्या किंमतीत लाँच केला जाण्याची शक्यता वर्तवली जात आहे.