Airtel ने गाठला यशाचा नवा टप्पा, मुंबई आणि चेन्‍नईत लाँच केली SEA-ME-WE 6 केबल; जाणून घ्या सविस्तर
भारती एअरटेल लिमिटेडने एक नवा टप्पा गाठला आहे. मुंबई आणि चेन्‍नईत एसईए-एमई-डब्‍ल्‍यूई-६ केबल लाँच करण्यात आली आहे. भारती एअरटेल लिमिटेड या भारतातील आघाडीच्‍या टेलिकम्‍युनिकेशन्‍स सेवा प्रदाता कंपनीने मुंबई आणि चेन्‍नईमध्‍ये नवीन एसईए-एमई-डब्‍ल्‍यूई-६ (SEA-ME-WE 6) केबल लॉंच केली आहे. एसईए-एमई-डब्‍ल्‍यूई-६ म्हणजेच साऊथईस्‍ट एशिया-मिडल ईस्‍ट-वेस्‍ट युरोप-६ किंवा एमएमडब्‍ल्‍यू६ असं देखील म्हटलं जाऊ शकतं.
Facebook Update: फेसबुकच्या नियमांत मोठा बदल, इतक्या दिवसांनी डिलीट होणार युजर्सचे लाईव्ह व्हिडिओ
हे केबल लँडिंग सबकॉमने पूर्ण केले. लँडिंग सबकॉम हे एसईए-एमई-डब्‍ल्‍यूई-६ च्या अभियांत्रिकी, उत्पादन आणि स्थापनेसाठी जबाबदार असलेल्या सबसी फायबर ऑप्टिक केबल डेटा सिस्टम्सची अग्रगण्य पुरवठादार आहे. २१,७०० आरकेएम लांबीची ही सबमरीन केबल सिस्टम भारताला स्थिर केबल्सद्वारे इजिप्‍त व्यतिरिक्त सिंगापूर आणि फ्रान्स (मार्सेली)ला कनेक्‍ट करते. यासह, एअरटेलने जागतिक स्तरावर सबमरीन केबल सिस्टममध्ये वैविध्यपूर्ण क्षमतेसह आपली नेटवर्क उपस्थिती आणखी वाढवली आहे.
एअरटेल बिझनेसचे संचालक आणि मुख्‍य कार्यकारी अधिकारी शरत सिन्हा म्हणाले, ”एअरटेलमध्ये आम्ही ग्राहकांना सर्वोत्तम दर्जाच्या सेवा देण्याचा प्रयत्न करतो आणि ही नवीन गुंतवणूक व महत्त्‍वपूर्ण टप्पा आमच्या सुरक्षित, वैविध्यपूर्ण व स्केलेबल जागतिक नेटवर्कमध्ये आणखी सुधारणा करेल, अशी आम्हाला आशा आहे. आमच्या सुविधांमध्ये सर्वात मोठ्या केबल सिस्‍टम्‍स आणून आमची जागतिक कनेक्‍टीव्हिटी आणखी प्रबळ करताना आम्हाला आनंद होत आहे. हे लॉंच ५० देशांमध्ये ४,००,००० आरकेएमच्या आमच्या विद्यमान नेटवर्क क्षमतेशी संलग्‍न आहे. यामधून अधिक मार्ग, विविधता आणि क्षमतेसह जागतिक कनेक्‍टीव्हिटी व डेटासाठी डिजिटल इंडियाच्या वाढत्या मागणीला पूर्ण करण्याचा आमचा प्रयत्न आहे.”
मुंबई आणि चेन्नई येथे सुरू होणाऱ्या केबल एअरटेलच्या डेटा सेंटर शाखा,नेक्‍स्‍ट्रा बाय एअरटेसोबत पूर्णपणे एकत्रित केल्या जातील, ज्याचा उद्देश देशातील जागतिक हायपरस्केलर्स आणि व्यवसायांना आंतरराष्ट्रीय कनेक्टिव्हिटी आणि डेटा सेंटर सेवा प्रदान करणे आहे.
एअरटेल, एसईए-एमई-डब्‍ल्‍यूई-६ केबल सिस्टीम कन्सोर्टियमचा एक प्रमुख सदस्य आहे, त्याने कोर केबलमध्ये गुंतवणूक केली आहे आणि सिंगापूर, चेन्नई आणि मुंबई दरम्यान चार फायबर पेअर्सचे खाजगी नेटवर्क देखील सह-निर्मित केले आहे. ही केबल सिस्टीम 220 टीबीपी इतकी जागतिक क्षमता भारतात आणेल.
HP Laptop: गेमिंगची मजा आता आणखी वाढणार! HP ने भारतात लाँच केला नवा लॅपटॉप, किंमत वाचून फुटेल घाम
एअरटेलचे जागतिक नेटवर्क पाच खंडांमध्ये पसरलेले आहे. कंपनीने जागतिक स्तरावर ३४ केबल्समध्ये गुंतवणूक केली आहे, ज्यामध्ये अलिकडच्या काही केबल्समध्ये २ आफ्रिका, साऊथईस्‍ट एशिया-जपान केबल २ (एजेसी२) आणि इक्वियानो यांचा समावेश आहे. भारताला एपीएसी, युरोप, मध्य पूर्व आणि यूएस यांसारख्या प्रमुख प्रदेशांशी जोडणाऱ्या या केबल्स व्यतिरिक्त एअरटेलच्या जागतिक सबसी नेटवर्क गुंतवणुकीत आय२आय केबल नेटवर्क (आय२आयसीएन), युरोप इंडिया गेटवे (ईआयजी), आयएमईडब्‍ल्‍यूई, एसईए-एमई-डब्‍ल्‍यूई-४, एएजी, युनिटी, ईएएसएसवाय, गल्फ ब्रिज इंटरनॅशनल (जीबीआय) आणि मिडल ईस्‍ट नॉर्थ आफ्रिका सबमरीन केबल (एमईएनए केबल) सारख्या मोठ्या केबल सिस्‍टम्‍सचा समावेश आहे.
.png "Videos"){kind=small}
