बुधवार, 28 ऑक्टोबर 2026
Apple ची मोठी घोषणा! 'या' फोल्डेबल iPhone यूजर्सना मिळणार नवा फोन... काय आहे प्रकरण? जाणून घ्या
मोबाईलची छोटी स्क्रीन विसरा! आता थेट Apple TV वर पाहता येणार Instagram रिल्स; मेटाने केली घोषणा
काही रिपोर्ट्सनुसार, यूजर्सना डिव्हाईसच्या इनर डिस्प्लेवर क्रॅक दिसला आहे. काही प्रकरणे अशी देखील आहेत, ज्यामध्ये फोन पहिल्यांदा उघडल्यानंतर आणि काही वेळ वापरल्यानंतर यूजर्सना समस्यांचा सामना करावा लागला. या तक्रारींचे व्हिडीओ सोशल मीडियावर मोठ्या प्रमाणात व्हायरल झाले आहेत. आता अखेर ॲपलने देखील काही डिव्हाईसच्या स्क्रीनमध्ये येणाऱ्या या समस्यांचा स्विकार केला आहे. (फोटो सौजन्य: X)
समोर आलेल्या काही रिपोर्ट्सनुसार, फोनची स्क्रीन ज्या ठिकाणी फोल्ड होते, तिथे सर्वाधिक समस्या येत असल्याचे पाहायला मिळत आहे. डिव्हाईसच्या या भागाला सेंट्रल हिंज असं म्हटलं जातं. डिव्हाईसचा हा भाग अतिशय महत्त्वाचा असतो. कारण फोनची स्क्रीन वारंवार ओपन करणं आणि बंद केल्यानंतर याच ठिकाणी फोल्ड होते. हीच समस्या महागड्या आयफोन डुओमध्ये निर्माण झाल्याने यूजर्स चिंतेत आहेत. मात्र आता या समस्येचा सामना करणाऱ्या यूजर्सना दिलासा देत ॲपलने एक मोठी घोषणा केली आहे.
ॲपलने सांगितलं आहे की, त्यांनी अलीकडेच लाँच केलेल्या आयफोन डुओच्या काही युनिट्सच्या इनर डिस्प्लेमध्ये समस्या पाहायला मिळाल्या आहेत. कंपनीचं असं म्हणणं आहे की, सध्या ही समस्या काही डिव्हाईसमध्ये समोर आली आहे. मात्र अशा यूजर्सना दिलासा देण्यासाठी ॲपलने खराब डिव्हाईस रिप्लेस करून नवीन डिव्हाईस उपलब्ध करण्याची घोषणा केली आहे.
Siri झाली आणखी स्मार्ट! iPhone युजर्ससाठी Apple चं नवीन अपडेट रिलीज; मिळणार हे खास फीचर्स
जर तुमच्या आयफोन डुओच्या इनर स्क्रीनवर क्रॅक दिसत असेल किंवा डिस्प्लेमध्ये इतर कोणती समस्या येत असेल तर लवकरात लवकर ॲपल केअरला संपर्क साधा. कंपनीने बाधित यूजर्सना रिप्लेसमेंटसाठी संपर्क साधण्याचा सल्ला दिला आहे. मात्र, रिप्लेसमेंटच्या अटी आणि पात्रता ॲपल केअरद्वारे निश्चित केली जाईल.
Ans: दिलेल्या माहितीनुसार, काही iPhone Duo युनिट्सच्या इनर डिस्प्लेवर क्रॅक दिसत असल्याच्या तक्रारी समोर आल्या आहेत.
Ans: काही तक्रारींनुसार, फोनच्या स्क्रीनच्या मध्यभागी, म्हणजेच स्क्रीन फोल्ड होणाऱ्या हिंजजवळ समस्या दिसत आहे.
Ans: दिलेल्या वृत्तानुसार, Apple ने काही डिव्हाइसमध्ये डिस्प्लेची समस्या असल्याचे मान्य केले आहे.
