Apple करणार धमाका! iPhone, आयपॅड, मॅकसह 20 हून अधिक नवे प्रोडक्ट्स लाँच होण्याची शक्यता, यूजर्सना मिळणार सरप्राईज

नवीन आयफोन, आयपॅड किंवा दुसरं कोणतं प्रोडक्ट खरेदी करण्याचा विचार करताय? थांबा, थोडा धीर धरा. कारण कंपनी येत्या काही महिन्यांत अनेक नवीन प्रोडक्ट्स लाँच करणार आहे. या आगामी प्रोडक्ट्सची यादी देखील समोर आली आहे.

• Apple चाहत्यांसाठी गुडन्यूज!
• एका वर्षात 20 हून अधिक प्रोडक्ट्स लाँच होण्याची शक्यता
• 2026 अ‍ॅपल कंपनीसाठी गेमचेंजर ठरण्याची अपेक्षा

टेक जायंट कंपनी अ‍ॅपल यावर्षी मोठा धमाका करण्याच्या तयारीत आहे. नुकत्याच समोर आलेल्या रिपोर्टनुसार, कंपनी यावर्षी 20 हून अधिक नवीन गॅझेट्स लाँच करण्याची शक्यता वर्तवण्यात आली आहे. कंपनी त्यांच्या आयफोन, आयपॅड, मॅक्स आणि वॉचेसमध्ये रेग्यूलर अपग्रेड सादर करू शकते. इतकंच नाही तर कंपनी एकदम नवीन गॅझेट्स देखील लाँच करण्याची शक्यता आहे.

Republic Day 2026: या खास पद्धतीने साजरा करा यंदाचा प्रजासत्ताक दिन, Google Gemini ने बनवा परफेक्ट फोटो

लीक्सनुसार, कंपनी एक स्मार्ट होम हब, एक फोल्डेबल आयफोन आणि एक कमी किंमतीत उपलब्ध असणारा मॅकबुक देखील लाँच करणार असल्याचे सांगितलं जात आहे. MacRumors रिपोर्ट्सनुसार, 2026 अ‍ॅपल कंपनीसाठी गेमचेंजर ठरण्याची अपेक्षा आहे. यावर्षी कंपनी कोणते गॅझेट्स लाँच करणार आहे, याची यादी समोर आली आहे. तथापी कंपनीने याबाबत अद्याप अधिकृत घोषणा केली नसली तरी देखील यूजर्समध्ये प्रचंड उत्सुकता निर्माण झाली आहे. (फोटो सौजन्य – Pinterest)

Apple 2026 डिव्हाईसची यादी (अपेक्षित)

आयफोन

आयफोन 17

आयफोन 18 प्रो

आयफोन 18 प्रो मॅक्स

फोल्डेबल आयफोन

आयपॅड

• आयपॅड Air (M4 चिप)
• मानक आयपॅड (A18 / A19 चिप)
• आयपॅड mini (A19 Pro / A20 Pro चिप)

मॅक

• मॅकबुक प्रो (एम5 प्रो / एम5 मॅक्स)
• मॅकबुक एअर (एम5)
• कमी किमतीचे मॅकबुक (ए18 प्रो चिप)
• मॅक स्टुडिओ (अपडेटेड)
• स्टुडिओ डिस्प्ले (अपडेटेड)
• मॅक मिनी (एम5 चिप)

स्मार्ट होम

• अ‍ॅपल स्मार्ट होम हब (6-7 इंच डिस्प्ले)
• होमकिट सुरक्षा कॅमेरे

अ‍ॅपल वॉच

• अ‍ॅपल वॉच सिरीज 12
• अ‍ॅपल वॉच अल्ट्रा 4

ऑडिओ

• एअरपॉड्स प्रो 3

इतर / अ‍ॅक्सेसरीज

• अ‍ॅपल टीव्ही (अपग्रेड केलेला चिप)
• होमपॉड मिनी (सुधारित आवाज + सिरी)
• एअरटॅग (लांब श्रेणी)
• अ‍ॅपल ग्लासेस (अफवा)
• फेस आयडी डोअरबेल (अफवा)

Motorola Signature vs OnePlus 15: डिस्प्ले, कॅमेरा, परफॉर्मंसमध्ये कोणी मारली बाजी? कोणता प्रिमियम स्मार्टफोन ठरणार बेस्ट?

सोशल मीडियावर व्हायरल होत असलेल्या रिपोर्ट्समध्ये सांगण्यात आलं आहे की, कंपनी जानेवारी ते जून महिन्यादरम्यान काही प्रोडक्ट्स लाँच करण्याची शक्यता आहे. याचा अर्थ असा आहे की, कंपनी यावर्षीच्या पहिल्या सहा महिन्यांत आयफोन 17e पासून नवीन मॅकबुक प्रोपर्यंत काही प्रिमियम डिव्हाईस लाँच करू शकते. जुलै ते डिसेंबर दरम्यान, कंपनी त्यांचे नवीन आयफोन, नवीन अ‍ॅपल वॉच आणि कदाचित त्यांचा पहिला फोल्डेबल आयफोन देखील सादर करू शकते.