या राज्यात होणार आशियातील सर्वात मोठा AI Event! क्रिकेटर्सपासून अभिनेत्यांपर्यंत सर्व होणार सामिल, डिटेल्स जाणून घ्या

Asia’s Largest AI Event: महाराष्ट्र सरकार आणि टेक एंटरप्रेनर्स असोसिएशन ऑफ मुंबई (TEAM) यांच्या सहयोगाने मुंबई टेक वीक (MTW) ​​2025 चे आयोजन केले जाणार आहे. या इव्हेंटला अनेक दिग्ग्ज व्यक्ती हजर राहणार आहेत.

महाराष्ट्र सरकार आणि टेक एंटरप्रेन्योर्स असोसिएशन ऑफ मुंबई (TEAM) यांच्या सहयोगाने मुंबई टेक वीक (MTW) ​​2025 चे आयोजन करण्यात येणार आहे. हा कार्यक्रम 24 फेब्रुवारी ते 1 मार्च 2025 पर्यंत चालेल आणि याला आशियातील सर्वात मोठा AI-केंद्रित कार्यक्रम मानला जातो. हा आशियातील सर्वात मोठा एआय इव्हेंट असणार आहे, ज्याची पहिली आवृत्ती 2024 मध्ये यशस्वीरित्या आयोजित करण्यात आली होती, ज्याचे पंतप्रधान नरेंद्र मोदी यांनी देखील कौतुक केले होते. MTW 2025 चे उद्दिष्ट मुंबईला AI इनोव्हेशन आणि टेक्नॉलॉजीचे प्रमुख केंद्र बनवण्याचे आहे.

आता Gmail वरील ईमेल्स मराठीतही ट्रांसलेट करता येणार, आजच ‘ही’ सेटिंग करा

मुख्यमंत्री देवेंद्र फडणवीसही होणार सामील

या कार्यक्रमात टेक, सरकारी आणि विविध उद्योगातील प्रमुख नेते सहभागी होणार असल्याचे समजत आहे. प्रमुख वक्त्यांमध्ये केंद्रीय वाणिज्य आणि उद्योग मंत्री पीयूष गोयल, रेल्वे, माहिती आणि प्रसारण, इलेक्ट्रॉनिक्स आणि आयटी मंत्री अश्विनी वैष्णव, महाराष्ट्राचे मुख्यमंत्री देवेंद्र फडणवीस, टाटा सन्सचे अध्यक्ष एन. चंद्रशेखरन आणि रिलायन्स जिओ इन्फोकॉम लिमिटेडचे ​​अध्यक्ष आकाश अंबानी सामील आहेत.

TEAM चे प्रवक्ते म्हणाले, “आम्ही MTW 2025 सादर करण्यासाठी महाराष्ट्र सरकारसोबत भागीदारी करण्यास उत्सुक आहोत. हा कार्यक्रम मुंबईला भारतातील AI आणि इनोव्हेशनचे केंद्र म्हणून स्थापित करेल. या वर्षीचा कार्यक्रम मुंबईची दोलायमान टेक इकोसिस्टम स्थानिक उद्योगांमध्ये कसा बदल घडवून आणत आहे आणि AI-आधारित इनोव्हेशनद्वारे जागतिक प्रभाव कसा निर्माण करत आहे हे दाखवेल.”

दोन भागांमध्ये वाटला गेला आहे इव्हेंट

हा आठवडाभर चालणारा कार्यक्रम दोन भागात विभागला जाणार आहे. 24 ते 27 फेब्रुवारी दरम्यान मुंबईतील विविध ठिकाणी कार्यशाळा आणि हॅकाथॉनचा ​​समावेश असणारे उपग्रह कार्यक्रम होणार आहेत. तर, 28 फेब्रुवारी आणि 1 मार्च रोजी जिओ वर्ल्ड कन्व्हेन्शन सेंटर, बीकेसी येथे ‘मेगा डेज’ आयोजित केले जातील, ज्यामध्ये मुख्य भाषणे, पॅनल चर्चा, स्टँड-अप सादरीकरणे, फायरसाइड चॅट आणि नेटवर्किंग सेशन्स असतील.

Paytm Tips: QR कोडला होम स्क्रीनवर कसे ॲड करायचे? जाणून घ्या संपूर्ण प्रोसेस

क्रिकेटर्स आणि अभिनेतेही होणार सामील

राहुल द्रविड, चित्रपट निर्माता करण जोहर, अभिनेता सुनील शेट्टी आणि प्रभावशाली राज शमानी यांसारखे सांस्कृतिक आणि क्रीडा क्षेत्रातील दिग्गजही या कार्यक्रमात सहभागी होणार आहेत. ते AI ची संस्कृती, क्रिएटिव्हिटी आणि त्याचा खेळांवर होणारा प्रभाव ७यावर चर्चा करतील.