World News :रशियन ड्रोन पाडण्यासाठी युक्रेनची AI गन सज्ज;‘Geran-5’लाही केलं लक्ष्य

World News : युक्रेनने AI आणि मशीन-व्हिजनवर आधारित रोबोटिक गन टरेटच्या मदतीने रशियाचे जेट-इंजिन ड्रोन पाडल्याचा दावा केला आहे. Geran-5 सारख्या वेगवान ड्रोनला रोखण्यासाठी कीव्हमध्ये १२ हून अधिक टरेट तैनात करण्यात आल्या असून आणखी टरेट बसवण्याची तयारी आहे.

• AI स्वतः शोधते आणि ड्रोनवर साधते निशाणा
• कीव्हमध्ये १२ टरेट तैनात
• वेगवान ड्रोनमुळे युक्रेनसमोर नवे आव्हान

World News :रशिया-युक्रेन युद्धात ड्रोनविरोधातील लढाई आता कृत्रिम बुद्धिमत्तेपर्यंत पोहोचली आहे. युक्रेनने रशियाच्या वेगवान जेट-इंजिन ड्रोनना रोखण्यासाठी AI-आधारित रोबोटिक गन टरेट तैनात केली असून, या प्रणालीने रशियाचे ड्रोन पाडण्यात यश मिळवल्याचा दावा युक्रेनच्या हवाई दलाने केला आहे. विशेष म्हणजे, या टरेटने Geran-5 सारख्या जेट-चालित ड्रोनलाही लक्ष्य केले आहे.

World News : युक्रेनच्या हल्ल्यांनी रशियाच्या तेल उद्योगाला मोठा धक्का; ५१% शुद्धीकरण क्षमता ठप्प

AI स्वतः शोधते आणि ड्रोनवर साधते निशाणा

या रोबोटिक टरेटमध्ये मशीन व्हिजन आणि आर्टिफिशियल इंटेलिजन्स चा वापर करण्यात आला आहे. प्रणाली हवेत येणारे लक्ष्य ओळखते, त्याचा मागोवा घेते आणि गनला लक्ष्याच्या दिशेने अचूकपणे वळवते. यामुळे मानवी ऑपरेटरवरील ताण कमी होतो आणि वेगाने येणाऱ्या ड्रोनविरोधात प्रतिक्रिया देण्याचा वेळ कमी होतो. युक्रेनच्या हवाई दलाचे प्रवक्ते युरी इहनात यांनी सांगितले की, AI मुळे मानवी चुका कमी करून जेट ड्रोनविरोधातही ही यंत्रणा वापरणे शक्य झाले आहे.

Elon Musk: ‘इन्स्टाग्रामवरील टिप्पणी, जोडीदारांशी ब्रेकअप आणि कामाच्या ठिकाणचे वाद…’; एलॉन मस्क यांच्या वैयक्तिक आयुष्यात वादळ

कीव्हमध्ये १२ टरेट तैनात

युक्रेनचे राष्ट्राध्यक्ष वोलोदिमिर झेलेन्स्की यांनी ४ ऑक्टोबरला सांगितले होते की, कीव्हमध्ये अशा १२ हून अधिक टरेट तैनात करण्यात आल्या आहेत. आणखी आठ टरेट कीव्ह परिसरात बसवण्याची तयारी सुरू आहे. काही यंत्रणा पूल आणि महत्त्वाच्या पायाभूत सुविधांच्या आसपास तैनात करण्यात येत आहेत. मात्र, या टरेटची कार्यक्षमता तुलनेने कमी अंतरापुरती मर्यादित आहे, कारण त्यामध्ये मशीन गन हे प्रमुख शस्त्र आहे.

Big Breaking: फ्रान्समध्ये विद्यार्थ्यांचा उद्रेक; शाळा बंद, रस्त्यावर आंदोलन

वेगवान ड्रोनमुळे युक्रेनसमोर नवे आव्हान

रशियाने अलीकडच्या काळात पारंपरिक Shahed ड्रोनसोबत जेट-इंजिन असलेल्या वेगवान ड्रोनचा वापर वाढवला आहे. हे ड्रोन अधिक वेगाने आणि वेगळ्या उंचीवर उड्डाण करत असल्याने त्यांना रोखणे युक्रेनच्या हवाई संरक्षणासाठी अधिक कठीण ठरत आहे. त्यामुळे महागड्या क्षेपणास्त्रांवर पूर्णपणे अवलंबून न राहता AI टरेट, इंटरसेप्टर ड्रोन आणि इतर स्वस्त संरक्षण प्रणालींचा वापर वाढवण्याचा प्रयत्न युक्रेन करत आहे.