BSNL Recharge Plan: नव्या वर्षानिमित्त टेलिकॉम कंपनीची खास ऑफर! या प्लॅन्समध्ये यूजर्सना फ्री मिळणार 100GB डेटा, असा घ्या फायदा

BSNL कंपनी पुन्हा एकदा त्यांच्या यूजर्ससाठी एक नवीन ऑफर घेऊन आली आहे. या ऑफरमध्ये यूजर्सना 100GB डेटा फ्री मिळणार आहे. कंपनी त्यांच्या काही प्रीपेड प्लॅनमध्ये जास्तीच डेटा ऑफर करत आहे. या ऑफरबाबत आता जाणून घेऊया.

• नवीन वर्ष आणि ख्रिसमसच्या निमित्ताने एक नवीन ऑफर लाँच
• अधिकृत एक्स अकाऊंटवर पोस्ट करत दिली माहिती
• 23 हून अधिक ओटीटी अ‍ॅप्सचा अ‍ॅक्सेस

भारत संचार निगम लिमिटेड म्हणजेच BSNL या सरकारी टेलिकॉम कंपनीने नवीन वर्ष आणि ख्रिसमसच्या निमित्ताने एक नवीन ऑफर लाँच केली आहे. कंपनीची ही खास ऑफर प्रीपेड युजर्ससाठी आहे. कंपनी त्यांच्या काही प्रीपेड प्लॅनमध्ये जास्तीचा डेटा ऑफर करत आहे. कंपनी BiTV वाल्या प्रीपेड प्लॅनमध्ये युजर्सना 100GB फ्री डेटा ऑफर करत आहे. याशिवाय युजर्सना 400 हून अधिक लाईव्ह टीव्ही चॅनल्स आणि ओटीटी अ‍ॅप्सचे फ्री सब्सक्रिप्शन देखील ऑफर करत आहे. सरकारी टेलिकॉम कंपनी BSNL ने त्यांच्या या नवीन ऑफरबाबत अधिकृत एक्स अकाऊंटवर देखील पोस्ट करत माहिती शेअर केली आहे.

Xiaomi Watch 5: स्मार्टवॉच मॉनिटर करणार मसल हेल्थ! EMG सेन्सरने बदलणार फिटनेस गेम, Xiaomi च्या नव्या डिव्हाईसची सर्वत्र चर्चा

BSNL ची खास ऑफर

BSNL India ने त्यांच्या अधिकृत एक्स अकाऊंटवर BiTV प्लानमध्ये मिळणाऱ्या ऑफरबाबत माहिती दिली आहे. ही ऑफर 24 डिसेंबरपासून सुरू झाली असून 31 जानेवारी 2026 पर्यंत सुरू राहणार आहे. या प्लॅनमध्ये युजर्सना फ्री चॅनलसह डेटा देखील ऑफर केला जाणार आहे. BSNL BiTV प्लॅनबद्दल बोलायचं झालं तर या प्लॅनची किंमत 251 रुपये आहे. या प्लॅनमध्ये युजर्सना 400 हून अधिक लाईव्ह टीव्ही चॅनेलचा अ‍ॅक्सेस दिला जाणार आहे. यामध्ये अनेक प्रीमियम टीव्ही चॅनेलचा समावेश आहे. यासोबतच यामध्ये 23 हून अधिक ओटीटी अ‍ॅप्सचा अ‍ॅक्सेस दिला जाणार आहे. ज्यामध्ये जियो हॉटस्टार, सोनी लिव इत्यादींचा समावेश आहे. (फोटो सौजन्य – Pinterest)

See more

Christmas ends.
BSNL Christmas Carnival Plan continues! Enjoy 100GB high-speed data, unlimited calls, free BiTV entertainment and 30 days validity – all at just ₹251. Recharge smart via #BReX 👉 https://t.co/41wNbHpifE#BSNL #ChristmasCarnival #BSNLOffers #BSNLOffer #FreeBiTV… pic.twitter.com/jCzakRTNH7 — BSNL India (@BSNLCorporate) December 26, 2025

फ्री डेटा ऑफर

BSNL ने नवीन वर्षाच्या निमित्ताने काही खास प्रीपेड प्लॅनसह फ्री डेटा ऑफर करण्याची घोषणा केली आहे. युजर्सना कंपनीच्या निवडक 2GB आणि 2.5GB डेली डेटा वाल्या प्लॅनमध्ये अनुक्रमे 2.5GB आणि 3GB डेली डेटा ऑफर केला जाणार आहे. कंपनीने त्यांच्या STV 225, STV 347, STV 485 आणि PV 2399 वाल्या प्लॅनमध्ये ही ऑफर दिली आहे. 225 रुपयांचा प्लॅन 30 दिवसांच्या व्हॉलिडिटीसह ऑफर केला जातो. या प्लॅनमध्ये युजर्सना आता रोज 2.5GB ऐवजी 3GB डेटा मिळणार आहे. यामध्ये युजर्सना पूर्ण भारतात अनलिमिटेड कॉलिंग आणि फ्री नॅशनल रोमिंगसह डेली 100 फ्री SMS चा लाभ मिळणार आहे.

राक्षसी बॅटरीसह लाँच झाले हे स्मार्टफोन्स! 100W फास्ट चार्जिंग सपोर्ट आणि 6.83-इंच डिस्प्ले… जाणून घ्या किंमत आणि फीचर्स

BSNL च्या 347, 485 आणि 2399 रुपयांच्या प्लॅनमध्ये युजर्सना आता 2GB डेली डेटाऐवजी 2.5GB डेटा ऑफर केला जाणार आहे. या प्लॅनमध्ये अनलिमिटेड कॉलिंग, फ्री नॅशनल रोमिंग आणि डेली 100 फ्री एसएमएस देखील ऑफर केले जाणार आहे. 347 रुपयांच्या प्लॅनची व्हॅलिडीटी 50 दिवस, 485 रुपयांच्या प्लॅनची व्हॅलिडीटी 72 दिवस आणि 2399 रुपयांच्या प्लॅनची व्हॅलिडीटी 365 दिवस आहे.