आता थेट 3 वर्षे रिचार्जची नो चिंता! Jio च्या नव्या प्लॅनने सर्वांनाच केल चकित, किंमत पाहून उडतील होश

Jio 3 Years Validity Recharge Plan: जिओने एक नवा प्लॅन सादर केला आहे, ज्याची व्हॅलिडीटी तब्बल 3 वर्षांची आहे. या प्लॅनमध्ये कॉलिंग, इंटरनेटसह इतर अनेक फायदे मिळणार आहेत. या प्लॅनची किंमत ऐकून थक्क व्हाल.

• जिओच्या प्लॅनमध्ये यूजर्सना तब्बल 3 वर्षांची व्हॅलिडीटी मिळणार
• रिचार्जमध्ये विविध डिजीटल सेवा देखील ऑफर केल्या जाणार
• 3- ईअर अनलिमिटेड कनेक्टिव्हिटी प्लॅनची किंमत 10,000 रुपये

दर महिन्याला मोबाईल रिचार्जची तारीख लक्षात ठेवणं आणि त्यानंतर नव्या रिचार्जची प्लॅनची निवड करणं अनेक यूजर्ससाठी मोठं आव्हान ठरतं. सर्वात मोठी समस्या तर अशावेळी निर्माण होते, जेव्हा आपल्या रिचार्ज प्लॅनची व्हॅलिडीटी संपते आणि आपल्याला माहिती देखील नसतं. तुम्हाला देखील अशा समस्यांचा सामना करावा लागतो का? तर आता चिंता करू नको.

एक क्लिक अन् होऊ शकतं मोठं नुकसान! अशी ओळखा स्कॅमर्सनी बनवलेली बनावट वेबसाईट, वाचा सविस्तर

जिओने सादर केला नवा रिचार्ज प्लॅन

भारतातील आघाडीची टेलिकॉम कंपनी जिओने त्यांच्या यूजर्ससाठी असा एक रिचार्ज प्लॅन सादर केला आहे, ज्याची व्हॅलिडिटी तब्बल 3 वर्षांची आहे. होय, आता जिओच्या प्लॅनमध्ये यूजर्सना तब्बल 3 वर्षांची व्हॅलिडीटी मिळणार आहे. जिओने एक नवा प्लॅन सादर केला आहे. या दिर्घकाळ व्हॅलिडिटी असलेल्या प्लॅनमध्ये केवळ कॉलिंग आणि डेटाच नाही तर इतर फायदे देखील मिळणार आहे. रिचार्जमध्ये विविध डिजीटल सेवा देखील ऑफर केल्या जाणार आहेत. (फोटो सौजन्य – AI Created) 

जिओ प्लॅनची किंमत

जिओने सादर केलेल्या 3- ईअर अनलिमिटेड कनेक्टिव्हिटी प्लॅनची किंमत 10,000 रुपये ठेवण्यात आली आहे. या प्लॅनची विशेषत: म्हणजेच त्याची व्हॅलिडिटी. या प्लॅनमध्ये यूजर्सना तब्बल 3 वर्षांची व्हॅलिडिटी मिळणार आहे. यामुळे यूजर्सना वारंवार रिचार्ज करण्याची आवश्यकता नाही. एकदा रिचार्ज केल्यानंतर 3 वर्षांपर्यंत फायदे ऑफर केले जाणार आहेत. या प्लॅनमध्ये अनलिमिटेड 5G डेटासह रोज 2.5GB हाय-स्पीड डेटा ऑफर केला जाणार आहे. याशिवाय कोणत्याही नेटवर्कवर अनलिमिटेड व्हॉईस कॉलिंग आणि दररोज 100 एसएमएसची सुविधा देखील मिळणार आहे.

कधी उपलब्ध होणार नवा प्लॅन?

जिओने सादर केलेला हा नवीन रिचार्ज प्लॅन 7 नोव्हेंबर 2026 पासून उपलब्ध असणार आहे. यूजर्स हा प्लॅन ‘मायजिओ’ ॲप आणि जिओच्या अधिकृत वेबसाइट, Jio.com द्वारे खरेदी करू शकतील. याव्यतिरिक्त, हा प्लॅन कंपनीच्या जिओ स्टोअर्स, किरकोळ विक्री केंद्रांमधून आणि इतर रिचार्ज माध्यमांतूनही खरेदी केला जाऊ शकतो.

फक्त 35 रुपयांत मनोरंजनाची मेजवानी! Vi चा नवा प्लॅन यूजर्ससाठी ठरणार फायदेशीर, डेटासह मिळणार या सुविधा

प्लॅनमध्ये हे दमदार फायदे

कंपनीने सादर केलेल्या या प्लॅनमध्ये इंटरनेट आणि कॉलिंगव्यतिरिक्त एंटरटेनमेंट आणि क्रिएटिविटीसंबंधित सुविधा देखील ऑफर केली जाणार आहे. यामध्ये जिओहॉटस्टार मोबाईल+ हॉलीवूडचा अ‍ॅक्सेस मिळणार आहे. यासोबतच यूजर्सना 12 महिन्यांसाठी कॅन्व्हा प्रो लाईटचे सबस्क्रीप्शन देखील मिळणार आहे. यामध्ये प्रीमियम डिझाईन टेम्पलेट्स आणि डिझाईनिंग टूल्सचा वापर करण्याची देखील संधी मिळणार आहे. तसेच, फाईल्स, फोटो आणि डॉक्युमेंट्स सुरक्षित ठेवण्यासाठी जिओएआयक्लाऊडवर 50GB फ्री क्लाउड स्टोरेज देखील मिळणार आहे.