सध्याचे डिजिटल युग बघता आता इंटरनेट हा आपल्या आयुष्याचा एक अविभाज्य भाग बनला आहे. काही दिवसांपूर्वीच Jio, Airtel आणि Vi कंपन्यांनी आपल्या रिचार्ज प्लॅनच्या किमती वाढवल्या आणि यांनतर BSNL सक्रिय होऊ लागले. सध्या BSNLया वेळेला स्वतःसाठी एक विशेष संधी म्हणून पाहत आहे आणि देशभरात आपली सेवा सुधारण्यात गुंतलेली आहे. याच पार्शवभूमीवर मिळालेल्या माहितीनुसार, आता BSNL ने देशभरात त्यांचे 15,000 नवीन 4G टॉवर्स लाइव्ह केले आहेत.
भारतातील ही सरकारी दूरसंचार कंपनी लोकांना कमी खर्चात सुपरफास्ट कनेक्टिव्हिटी देण्यासाठी देशभरात 4G टॉवर्स बसवत आहे. आता BSNL ने भारतातील 15 हजाराहून अधिक मोबाईल साइट्सवर 4G टॉवर स्थापित केले आहेत. BSNL ने आपल्या सोशल मीडिया हँडलद्वारे ही माहिती दिली आहे, ज्यामध्ये असे सांगण्यात आले आहे की, आत्मनिर्भर भारत कार्यक्रमांतर्गत त्यांनी देशात 15000 नवीन 4G साइट्स तयार केल्या आहेत.
एवढेच नाही तर, कंपनीने आता देशात 5G म्हणजेच BSNL 5G सेवेची चाचणी करण्यास सुरुवात केली आहे. BSNL या सक्रिय पावलांमधून देशातील खासगी दूरसंचार कंपन्यांशी स्पर्धा करण्याचा प्रयत्न करत आहे. आम्ही तुम्हाला सांगतो की, जुलै महिन्यात Jio, Airtel आणि Vodafone-Idea ने त्यांच्या प्रीपेड आणि पोस्टपेड रिचार्ज प्लॅनच्या किंमती 20-25 टक्क्यांनी वाढवल्या होत्या, ज्यामुळे यूजर्स निराश झाले होते, कारण त्यांचे रिचार्ज प्लॅन्सच्या किमती आता अगदी गगनाला भिडल्या आहेत.
हेदेखील वाचा – आधार कार्ड हरवल्यांनंतर काय करावे? चिंता करू नका, फक्त ‘या’ स्टेप्स फॉलो करा
यानिमित्ताने आता BSNL ने आपला प्रचार वाढवला आहे आणि स्वस्त रिचार्ज प्लॅनचे आमिष दाखवून लोकांना आकर्षित करण्याचा प्रयत्न करत आहे. BSNL चा हा प्लॅन आता यशस्वी होत असताना दिसत आहे. कारण अवघ्या एका महिन्यात लाखो नवीन ग्राहक त्यात कंपनीत सामील झाले आहेत. भारतीय दूरसंचार ग्राहकांचे BSNL कडे आकर्षित होत असलेले ओळखून,BSNL ने देशभरात आपल्या सेवा सुधारण्याच्या आणि आणखी नवीन ग्राहक जोडण्याच्या प्रक्रियेला आता गती दिली आहे.
