Denza D9 and Z9 GT: भारतात डेंझा D9 आणि Z9 GT इलेक्ट्रिक कार लाँच! किंमत 90 लाखांपासून सुरु, 1,140 hp पॉवरची कारही दाखल

भारतात 90 लाख रुपयांपासून बीवायडीच्या डेंझा ब्रँडच्या 2 इलेक्ट्रिक कार लाँच झाल्या आहेत. यातील Z9 GT तब्बल 1,140 hp पॉवर देते आणि केवळ 2.7 सेकंदांत 100 kmph वेग पकडते. पण या कारची खासियत फक्त वेग नाही!

Denza D9 Z9 GT Electric Cars India Launch (फोटो सौजन्य-AI एआय)

Follow Us:

Follow Us:

• डेंझा D9 इलेक्ट्रिक MPV भारतात 90 लाख रुपये एक्स-शोरूम किमतीत लाँच झाली आहे.
• डेंझा Z9 GT मध्ये 1,140 hp पॉवर आणि 1,210 Nm टॉर्क देणारी 3 मोटर्स आहेत.
• Z9 GT फक्त 2.7 सेकंदांत 100 kmph वेग पकडते, तर रेंज 670 km आहे.

भारतीय लक्झरी EV मार्केटमध्ये Denza D9, Denza Z9 GT, Denza Electric Cars, BYD India आणि Electric Cars India या नव्या नावांची एन्ट्री झाली आहे. BYD ऑटोच्या डेंझा या प्रीमियम कार ब्रँडने भारतात D9 इलेक्ट्रिक MPV आणि Z9 GT इलेक्ट्रिक कार लाँच केली आहे. या दोन्ही कार चीनमधून CBU मार्गाने आयात केल्या जाणार आहेत. डेंझा D9 ची एक्स-शोरूम किंमत 90 लाख रुपये, तर Z9 GT ची किंमत 1.57 कोटी रुपये ठेवण्यात आली आहे.

दोन्ही मॉडेल्स आंतरराष्ट्रीय मार्केटमध्ये इलेक्ट्रिक आणि प्लग-इन हायब्रिड व्हर्जनमध्ये मिळतात. पण भारतात सध्या फक्त इलेक्ट्रिक व्हर्जन आणण्यात आले आहे. कंपनीकडून या कारसोबत 11 kW होम चार्जर आणि 6 वर्षे किंवा 1,50,000 km ची वॉरंटी दिली जात आहे.

भारत मोबिलिटी एक्स्पो 2027 मध्ये मारुती सुझुकीच्या 2 नवीन कारचा ग्लोबल डेब्यू होण्याची शक्यता!

डेंझा D9 इलेक्ट्रिक MPV

डेंझा D9 ही 7 सीटर लक्झरी MPV असून तिची लांबी 5,250 mm आणि व्हीलबेस 3,110 mm आहे. यात 2+2+3 सीटिंग लेआउट मिळते. दुसऱ्या रोमधील कॅप्टन सीट्समध्ये मसाज, व्हेंटिलेशन, हीटिंग आणि इलेक्ट्रिक अॅडजस्टमेंटची सुविधा आहे. याशिवाय हॉट आणि कोल्ड रेफ्रिजरेटर, वायरलेस चार्जिंग आणि इलेक्ट्रिक लेग रेस्टही दिले आहेत.

यात 115.07 kWh LFP बॅटरी आणि फ्रंट इलेक्ट्रिक मोटर मिळते. ही मोटर 456 hp पॉवर आणि 365 Nm टॉर्क देते. कार 8.5 सेकंदांत 0 ते 100 kmph वेग पकडते. कंपनीच्या NEDC दाव्यानुसार, एका चार्जमध्ये 730 km रेंज मिळते.

SUV ची क्रेझ असतानाही भारतात MPV मार्केटची मोठी झेप! 4 वर्षांत विक्री जवळपास दुप्पट

डेंझा Z9 GT इलेक्ट्रिक कार

डेंझा Z9 GT मध्ये 3 इलेक्ट्रिक मोटर्स आणि 122.49 kWh LFP बॅटरी दिली आहे. यामुळे 1,140 hp पॉवर आणि 1,210 Nm टॉर्क मिळतो. ही कार अवघ्या 2.7 सेकंदांत 0 ते 100 kmph वेग गाठते. तिचा टॉप स्पीड 270 kmph आहे. NEDC नुसार रेंज 670 km आहे.

या कारमध्ये एअर सस्पेन्शन, रिअर व्हील स्टिअरिंग, क्रॅब-वॉक मोड आणि 20-स्पीकर डेव्हिएलेट साउंड सिस्टीम मिळते. दोन्ही कार 9 मिनिटांत 10% ते 97% चार्ज होऊ शकतात, पण त्यासाठी लागणारे बीवायडी फ्लॅश चार्जर्स भारतात सध्या अव्हेलेबल नाहीत.

Web Title: Denza d9 z9 gt electric cars launched india price auto news marathi ar

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com