तुमच्या पगारातून कापलेले ESIC चे पैसे जमा झालेत का? स्मार्टफोनवर लगेच पाहा

PF: खासगी कंपनीत काम करणाऱ्या कर्मचाऱ्यांच्या पगारातून ESI चे पैसे कापले जातात. मात्र, कंपनीने हे पैसे सरकारकडे जमा केले आहेत की नाही, हे आता UMANG App वरून तपासता येते. अ‍ॅपमध्ये ESIC च्या Employee Centric Services विभागातील View Contribution पर्याय निवडून 10 अंकी IP नंबर आणि OTP टाकावा लागतो.

प्रायव्हेट कंपनीत काम करणाऱ्या लोकांच्या पगारातून दर महिन्याला ESI चे पैसे कापले जातात. स्लिपवर ESI म्हणून 200-300 रुपये कापलेले दिसतात पण ते पैसे कंपनी खरच सरकारकडे भरते का, हा प्रश्न अनेकांना पडतो. बऱ्याच वेळा कंपनी पैसे कापून घेते पण पुढे भरतच नाही. मग भविष्यात दवाखान्यात जायची वेळ आली की प्रॉब्लेम येतो.आता यासाठी ऑफिसच्या चकरा मारायची गरज नाही. केंद्र सरकारच्या UMANG App वरून तुम्ही घरबसल्या तुमचा ESI चा हिशोब बघू शकता. फक्त दोन मिनिटाचे काम आहे. PF

UMANG App वर ESI कसे बघायचे?

UMANG म्हणजे सरकारच्या सगळ्या सेवा एका जागी मिळणारे App आहे. यातच ESIC ची सेवा पण दिली आहे. ही माहिती बऱ्याच लोकांना माहितच नाही.सगळ्यात आधी तुमच्या मोबाईलमध्ये Play Store वरून UMANG App डाऊनलोड करून घ्या. त्यात मोबाईल नंबर टाकून रजिस्टर करा. हे एकदाच करायचे आहे.

App ओपन केल्यानंतर वरती सर्च बारमध्ये ESIC असे टाईप करा. तिथे तुम्हाला Employee Centric Services नावाचा ऑप्शन दिसेल, त्यावर क्लिक करा. आत गेल्यावर View Contribution हा पर्याय निवडा.आता तुमचा 10 अंकी ESI नंबर म्हणजेच IP Number टाका. हा नंबर तुमच्या सॅलरी स्लिपवर किंवा कंपनीने दिलेल्या ESI कार्डवर असतो. नंबर टाकल्यानंतर तुमच्या मोबाईलवर OTP येईल, तो टाकून सबमिट करा.झाले. तुमच्या समोर तुमचा पूर्ण ESI चा इतिहास उघडेल.

Nothing Smart Glasses: चष्माच बनेल AI असिस्टंट! ChatGPT सोबत ‘ही’ कंपनी आणतेय स्मार्ट ग्लासेस

काय-काय दिसेल?

तुम्ही वर्ष आणि कालावधी निवडला की कंपनीने तुमच्यासाठी किती दिवस काम दाखवले, तुमचा पगार किती दाखवला आणि दर महिन्याला किती पैसे भरले याची पावती दिसेल. कोणत्या चलान नंबरने पैसे भरले हे पण दिसेल. तुम्हाला हवे असेल तर ही फाईल PDF मध्ये डाऊनलोड पण करता येते. कंपनीने पैसे कापून न भरल्यास ते लगेच समजेल. अनेक ठिकाणी हाच घोळ होतो.

हेल्थ पासबुक आणि e-Pehchan कार्ड

UMANG App शिवाय तुम्ही ESIC च्या अधिकृत IP Portal वरून पण ही माहिती घेऊ शकता. तिथे लॉगीन केल्यानंतर तुम्हाला तुमचे e-Pehchan Card आणि Health Passbook डाऊनलोड करता येते. याचा फायदा काय? तर दवाखान्यात जाताना खरे कार्ड सोबत नेण्याची गरज नाही. मोबाईलमध्ये असलेले डिजिटल कार्ड दाखवले तरी कॅशलेस उपचार मिळतात. खूप लोकांना हे माहित नसते आणि ते कार्डसाठी धावपळ करतात.

Apple ने लाँच केला पहिला स्मार्ट डिस्प्ले HomeView! फेस रिकग्निशन फीचरने सुसज्ज… जाणून घ्या किंमत आणि डिटेल्स

ESI चे गणित काय असते?

नियम असा आहे की ज्यांचा महिन्याचा पगार 21,000 रुपयांच्या आत आहे त्यांना ESI लागू होते. यात तुमच्या पगारातून फक्त 0.75% कापले जाते आणि कंपनीकडून 3.25% भरले जाते. मिळून एकूण 4% सरकारकडे जाते.या 4% मध्ये तुम्हाला पूर्ण कुटुंबासाठी दवाखान्याची सुविधा, औषधे, आणि गरज पडली तर पगार पण मिळतो. त्यामुळे हे छोटे पैसे नाहीत, तुमच्या हक्काचे पैसे आहेत.जर तुम्ही प्रायव्हेट जॉब करत असाल तर आजच एकदा तुमची स्लिप काढा, त्यावरचा IP नंबर घ्या आणि UMANG App वर जाऊन चेक करा. दोन मिनिट लागतील पण तुमचे पैसे सुरक्षित आहेत की नाही हे कळेल. फसवणूक होण्यापासून वाचायचे असेल तर ही सवय दर दोन-तीन महिन्याला एकदा चेक करण्याची लावून घ्या.