नकोसं झालंय नवं तंत्रज्ञान! तरूणांमध्ये कमी होतेय AI ची क्रेझ? विश्वासही झाला कमी? या कारणामुळे भडकले यूजर्स

आर्टिफिशियल इंटेलिजेंस (AI) बद्दल तरुणांमध्ये एकेकाळी प्रचंड आकर्षण होतं, पण आता त्याचं चित्र बदलताना दिसत आहे. नवीन रिपोर्टनुसार Gen Z मध्ये एआयबाबतचा विश्वास कमी होत असून, उत्साहाऐवजी नाराजी वाढत आहे.

• Gen Z मध्ये एआयबाबतचा विश्वास कमी होत असून, उत्साहाची जागा हळूहळू नाराजी घेत आहे.
• डिपफेक, फसवणूक आणि चुकीच्या वापरामुळे एआयबद्दल भीती आणि अविश्वास वाढत आहे.
• भविष्यात नोकऱ्यांवर परिणाम होण्याच्या भीतीमुळे तरुणांमध्ये एआयविरोधी भावना वाढताना दिसत आहेत.

आर्टिफिशिअल इंटेलिजेंस म्हणजेच एआय भविष्याला नवीन स्वरुप देण्यासाठी तयारी करत आहे. एआयमुळे भविष्यात अनेक मोठे बदल होण्याची शक्यता वर्तवली जात आहे. सध्याच्या तरूणांमध्ये एआयची क्रेझ मोठ्या प्रमाणात आहे. छोट्या – छोट्या कामांसाठी वापरले जाणारे एआय तरूणांना भूरळ घालत असल्याचे पाहायला मिळत आहे. मात्र नुकतेच काही रिपोर्ट समोर आले आहेत, यामुळे आता एक वेगळीच चर्चा सुरु झाली आहे. असं सांगितलं जात आहे की, Gen Z यूजर्सचा आर्टिफिशियल इंटेलिजेंसवरून विश्वास कमी होत असल्याचे पाहायला मिळत आहे. यामुळे एकेकाळी वाढत असलेली एआयची क्रेझ आता कमी होत आहे.

Google ची मोठी घोषणा! Gemini AI अ‍ॅप आता macOS साठी लाँच, मॅक यूजर्सना मिळणार जबरदस्त फीचर्स

एआयमुळे होत असलेला बदल अनेकांना मान्य नाही. तर अनेकांनी या तंत्रज्ञानाबाबत चिंता देखील व्यक्त केली आहे. यामागे अनेक कारण आहेत. सर्वात पहिले कारण म्हणजे एआयचा वापर चांगल्या आणि वाईट अशा दोन्ही पद्धतींनी केला जात आहे. याची अनेक उदाहरण समोर आली आहे. डिपफेकपासून अगदी लोकांची फसवणूक करण्यापर्यंत वेगवेगळ्या पद्धतींनी एआय वापरला जातो. दुसरे कारण म्हणजे एआय सर्व कामं करू शकतात असा दावा नेहमीच केला जातो. म्हणजेच अगदी आर्टिकल लिहीण्यापासून गणितं सोडवण्यापर्यंत, एआय शिक्षकांपासून हॉटेलमधील मॅनेजरपर्यंत एआय सर्वकाही करू शकतो. यामुळेच भविष्यात नोकरीच्या संधी कमी होऊ शकतात आणि तरूणांच्या करीअरमध्ये अनेक अडचणी येऊ शकतात. याच कारणामुळे तरूणांमधील एआयची क्रेझ कमी होत असल्याचा दावा केला जात आहे.  (फोटो सौजन्य – Pinterest) 

सोशल मीडियावर सध्या अनेक व्हिडीओ व्हायरल होत असतात. यामधील काही व्हिडीओ एआयद्वारे तयार केले जातात तर काही व्हिडीओ ओरिजीनल असतात. मात्र एआयच्या वाढत्या प्रभावामुळे एआय व्हिडीओ आणि ओरिजीनल व्हिडीओ यांंच्यामधील फरक ओळखणं अतिशय कठीण झालं आहे. याचा राग अनेकांनी व्यक्त केला आहे. अनेकदा क्रिएटर्स बरीच मेहनत करून एखादा व्हिडीओ तयार करतात. मात्र जेव्हा त्यांचा व्हिडीओ व्हायरल होतो, तो एआय व्हिडीओ असल्याचा दावा अनेकांकडून केला जातो. यामुळे तरूणांमध्ये एआयबाबतचा द्वेष वाढत आहे. एकेकाळी तरूणांमध्ये एआयची क्रेझ मोठ्या प्रमाणात होती. एआयमुळे आपली कामं सोपी होत असल्याने अनेकांनी आनंद देखील व्यक्त केला होता. मात्र याचा गांभीर्याने विचार केल्यास खरी परिस्थिती लक्षात येते, ज्यामुळे तरूणांमधील AI ची क्रेझ आणि विश्वास कमी होत आहे.

आता घरबसल्या शोधा तुमच्या जवळील अधिकृत आधार केंद्र, हे नेविगेशन प्लेटफॉर्म्स करणार मदत! अशी आहे सोपी पद्धत

गॅलप, जीएसव्ही व्हेंचर्स आणि वॉल्टन फॅमिली फाउंडेशन यांनी नुकत्याच केलेल्या एका सर्वेक्षणात जनरेटिव्ह एआयबद्दल Gen Z चा दृष्टिकोन कसा आहे, याचा अभ्यास करण्यात आला आहे. सुमारे 48 टक्के यूजर्सचं असं म्हणण आहे की, कामाच्या ठिकाणी एआयचे फायदे कमी आणि नुकसान जास्त आहे. सुमारे 14 टक्के यूजर्समध्ये एआयबाबतचा उत्साह कमी झाला आहे. त्यांचा हा उत्साह रागात बदलला आहे. यामुळे तज्ज्ञांनी देखील चिंता व्यक्त केली आहे.