GTA 6 लाँचपूर्वीच Rockstar Games वर सायबर अटॅक! डेटा लीक करण्याची दिली धमकी; काय आहे संपूर्ण प्रकरण? जाणून घ्या

अगदी काही दिवसांत GTA 6 लाँच केले जाणार आहे. मात्र यापूर्वीच एक मोठी घटना घडली आहे. रॉकस्टार गेम्स पुन्हा एकदा सायबर अटॅकचे शिकार झाले आहे. यापूर्वी कंपनीला धमकी देखील देण्यात आली आहे.

• रॉकस्टार गेम्स पुन्हा एकदा सायबर अटॅकचा बळी ठरले असून ‘ShinyHunters’ हॅकर ग्रुपने थर्ड पार्टी सिस्टमद्वारे डेटा ऍक्सेस केल्याचा दावा केला आहे.
• हॅकर्सनी कंपनीला धमकी देत सांगितले आहे की, त्यांच्या मागण्या पूर्ण न झाल्यास चोरी केलेला डेटा सार्वजनिक केला जाईल.
• रॉकस्टार गेम्सने या घटनेचा यूजर्सवर मोठा परिणाम होणार नसल्याचे सांगितले असले तरी सायबर तज्ज्ञांनी याला गंभीर सुरक्षा इशारा मानले आहे.

जगातील सर्वात प्रसिद्ध आणि लोकप्रिय गेम सीरीज ग्रँड थेफ्ट ऑटो (GTA 6) चे डेवलपर Rockstar Games, वर पुन्हा एकदा सायबर अटॅक झाला आहे. रॉकस्टार गेम्स पुन्हा एकदा डेटा ब्रीच (डेटा चोरी) चे शिकार झाले आहे. मिळालेल्या माहितीनुसार, एका हॅकर ग्रुपने कंपनीच्या काही डेटामध्ये अनधिकृत प्रवेश केला आहे. तसेच सायबर गुन्हेगारांनी रॉकस्टार गेम्सला धमकी दिली आहे की, जर त्यांच्या मागण्या पूर्ण झाल्या नाहीत तर कंपनीचा डेटा सार्वजनिक केला जाईल. GTA 6 लाँचिंगमुळे ही कंपनी गेल्या बऱ्याच दिवसांपासून चर्चेत आहे आणि अशाचवेळी सायबर अटॅकची घटना समोर आली आहे.

स्मार्टफोन यूजर्सची Privacy धोक्यात? फोन वापरत नसतानाही Apple आणि Google ट्रॅक करतायत डेटा? अहवालात मोठा खुलासा

रॉकस्टार गेम्स काय म्हणाले?

रॉकस्टार गेम्सने या संपूर्ण घटनेवर प्रतिक्रिया दिली आहे. त्यांनी सांगितलं आहे की, त्यांच्या सिस्टिमवर या घटनेचा कोणताही परिणाम झाला नाही. हे केवळ मर्यादित माहितीशी संबंधित प्रकरण आहे.  (फोटो सौजन्य – Pinterest)

सायबर गुन्हेगारांना कसे मिळाले यश?

रिपोर्ट्सनुसार, ‘ShinyHunters’ नावाच्या एका हॅकर्स ग्रुपने दावा केला आहे की, त्यांनी एक थर्ड पार्टी एनालिटिक्स कंपनी ‘Anodot’ द्वारे रॉकस्टार गेम्सच्या डेटा एक्सेस मिळवला आहे. या डेटाचा वापर रॉकस्टार गेम्सद्नारे क्लाउड कॉस्ट आणि डेटा मॉनिटरिंगसाठी केला जात होता. सर्वात महत्त्वाची गोष्ट म्हणजे हॅकर्सच्या ग्रुपने यावेळी रॉकस्टारच्या मुख्य सर्वरवर थेट निशाणा साधला नाही, तर यावेळी थर्ड पार्टी सिस्टमद्वारे हा डेटा एक्सेस करण्यात आला आहे. या संपूर्ण प्रकरणानंतर हॅकर्स ग्रुपने धमकी दिली आहे की, जर कंपनीने हॅकर्सच्या मागण्या मान्य करत मर्यादित वेळेपर्यंत पैसे दिले नाहीत तर चोरी करण्यात आलेला सर्व डेटा सार्वजनिक स्वरुपात लिक केला जाईल. जर खरंच असे झाले तर कंपनीला मोठ्या प्रमाणात नुकसान सहन करावं लागू शकतं.

हॅकर्स ग्रुपने दिली धमकी?

हॅकर्सच्या ग्रुपने रॉकस्टार गेम्सला एक डेडलाइन देखील दिली होती. जर या वेळेपर्यंत रॉकस्टार गेम्सने कोणतीही प्रतिक्रिया दिली नाही तर संपूर्ण डेटा सार्वजनिक स्वरुपात लीक केला जाईल. तसेच हॅकर्सच्या ग्रुपने असं देखील सांगितलं आहे की, जर कंपनीने त्यांची मागणी पूर्ण केली नाही तर कंपनीसाठी डिजिटल समस्यां’सारख्या अधिक समस्या निर्माण केल्या जाऊ शकतात. तर या संपूर्ण प्रकरणावर प्रतिक्रिया देतान रॉकस्टार गेम्सने सांगितलं आहे की, जो डेटा एक्सेस झाला आहे, त्यामध्ये कंपनीची अनावश्यक माहिती आहे आणि याचा यूजर्सवर कोणताही परिणाम होणार नाही आणि कंपनीच्या कामकाजावर देखील कोणताही मोठा परिणाम होणार नाही. मात्र, सायबर तज्ज्ञ या घटनेकडे एक गंभीर सायबर सुरक्षा इशारा म्हणून पाहत आहेत.

आता फीचर फोनवरूनही करता येणार पेमेंट! Jio आणि Bank of Baroda ची भागिदारी यूजर्ससाठी ठरणार फायदेशीर, नवं अ‍ॅप केलं लाँच

रॉकस्टार गेम्सवर यापूर्वी देखील सायबर अटॅक झाले आहेत. 2022 मध्ये कंपनीच्या अंतर्गत सिस्टीममधून GTA 6 चे अनेक गेमप्ले फुटेज आणि कोड लीक लीक करण्यात आले होते. यामुळे जगभरात खळबळ उडाली होती. तसेच, डिसेंबर 2023 मध्ये GTA 6 चा पहिला ऑफिशियल ट्रेलर देखील वेळेपूर्वीच लीक झाला होता. ज्यामुळे रॉकस्टार गेम्सला देखील ट्रेलर वेळेपूर्वीच रिलीज करावा लागला. 19 नोव्हेंबर 2026 रोजी GTA 6 रिलीज केला जाणार असल्याचे सांगितलं जात आहे. हा गेम PS5 आणि Xbox Series S/X वर लाँच केला जाईल. या सततच्या सायबर हल्ल्यांमुळे गेमिंग उद्योगातील डेटा सुरक्षेबद्दल गंभीर प्रश्न निर्माण झाले आहेत.