दिवाळीत ऑनलाईन शॉपिंग करताय? सावधान… या 5 सायबर फ्रॉडमुळे रिकामं होऊ शकतं तुमचं अकाऊंट

दिवाळीत सेल आणि ऑफर्स सुरु होताच, सायबर गुन्हेगार देखील ॲक्टिव्ह होतात. या काळात लोकांना बनावट लिंक आणि मेसेज पाठवून त्यांची फसवणूक केली जाते. आता आम्ही तुम्हाला अशाच 5 फ्रॉड्सबद्दल सांगणार आहोत.

• सेल आणि ऑफर्सच्या काळातच सायबर गुन्हेगार संधी शोधून लोकांची फसवणूक करतात
• ऑनलाईन शॉपिंग करताना सावध राहणं अत्यंत गरजेचं
• सेल, ऑफर्स आणि डिस्काऊंटच्या काळात सायबर गुन्हेगार बनावट वेबसाईट तयार करतात

अवघ्या काही दिवसांत दिवाळी सुरु होणार आहे. दिवाळीनिमित्त अनेक ऑनलाईन शॉपिंग प्लॅटफॉर्मवर ऑफर्स आणि डिस्काऊंट मिळतं. यामुळे लोकं स्मार्टफोन, लॅपटॉप, कपडे, घरातील सजावटींच्या वस्तूंसह अनेक वस्तूंची ऑनलाईन खरेदी करतात. पण ऑनलाईन शॉपिंग करताना सावध राहणं अत्यंत गरजेचं आहे. कारण सेल आणि ऑफर्सच्या काळातच सायबर गुन्हेगार संधी शोधून लोकांची फसवणूक करतात आणि त्यांचे बँक अकाऊंट रिकामे करतात. आता आम्ही तुम्हाला 5 अशा सायबर फ्रॉडबद्दल सांगणार आहोत, ज्यामुळे लोकांची अगदी सहज फसवणूक केली जाऊ शकते.

शेकडो ईमेलमध्ये महत्त्वाचा मेल होतोय मिस? Gmail ची ही ट्रिक ठरेल फायदेशीर, मेल येताच वाजेल रिंगटोन

बनवाट शॉपिंग वेबसाईट

सेल, ऑफर्स आणि डिस्काऊंटच्या काळात सायबर गुन्हेगार बनावट वेबसाईट तयार करतात, ज्या हुबेहुब खऱ्या वेबसाईटसारख्या दिसतात. या बनावट वेबसाईट्सवर स्मार्टफोन, टिव्ही आणि इतर वस्तू अत्यंत कमी किंमतीत विकण्याचा दावा केला जातो. या ऑफर्स पाहून ग्राहक आकर्षित होतात आणि बनवाट वेबसाईटवरून सामान ऑर्डर करतात. पण पेमेंट केल्यानंतर वस्तू डिलीवर केली जात नाही किंवा डॅमेज प्रोडक्ट डिलीव्हर होते. यामुळे स्कॅम आणि फ्रॉडपासून सुरक्षा करण्यासाठी नेहमी कंपनीच्या अधिकृत वेबसाईटवरून खरेदी करा. (फोटो सौजन्य: Pinterest) 

सोशल मीडियावरील बनावट जाहिराती

दिवाशी सुरु होण्याआधीच सोशल मीडिया प्लॅटफॉर्म जसे इंस्टाग्राम आणि फेसबूक दिवाळीच्या नावाने विविध जाहिराती दिसतात. या जाहिरातींमध्ये ब्रँडेड प्रोडक्ट्सवर 70 ते 80 टक्के डिस्काऊंट ऑफर करण्याचा दावा केला जातो. तसेच शॉपिंगसाठी एक लिंक देखील दिली जाते. या लिंक ग्राहकांना बनावट वेबसाईटवर घेऊन जातात, जिथे ग्राहकांची फसवणूक केली जाऊ शकते. यामुळे कोणतीही वस्तू खरेदी करण्यापूर्वी संबंधित कंपनीच्या अधिकृत वेबसाईटवरील ऑफर्स तपासा.

क्यूआर कोड आणि फ्रॉड

दिवाळीपूर्वी सायबर गुन्हेगार दिवाळी गिफ्ट, कॅशबॅक किंवा इतर बक्षीसे जिंकण्यासाठी बनावट क्यूआर कोड तुम्हाला पाठवता. हे कोड स्कॅन करून तुम्हाला यूपीआय पिन एंटर करण्याचा पर्याय येतो. पिन एंटर करताच तुमचं अकाऊंट रिकामं होतं. लक्षात ठेवा की, पैसे रिसीव्ह करण्यासाठी कोणताही क्यूआर कोड नसतो, तसेच यूपीआय पिन देखील एंटर करावा लागत नाही.

फेक डिलीवरी आणि रिफंड स्कॅम

सायबर गुन्हेगार बनावट मेसेज करतात, ज्यामध्ये लिहीले असते की, तुमची ऑर्डर रद्द करण्यात आली आहे किंवा पार्सल वेळेत पोहोचू शकत नाही. यात डिलिव्हरीची वेळ बदलण्याची विनंती असू शकते, किंवा तुम्हाला परतावा (रिफंड) मिळवण्यासाठी एखादी लिंक पाठवली जाऊ शकते. अशा लिंक्सवर क्लिक करून तुम्हाला बँक डिटेल्स एंटर करण्यास सांगितलं जाऊ शकतं. यानंतर तुम्ही दिलेल्या माहितीचा वापर करून सायबर गुन्हेगार तुमची फसवणूक करू शकतात.

लूक प्रीमियम अन् फीचर्सही दमदार! Redmi चा नवा फोन पाहिलात का? लाँच होताच सुरु झाल्या चर्चा

फेक कॅशबॅक आणि गिफ्ट्स

दिवाळीच्या काळात, बक्षिसांच्या ऑफर्स, विशेष शॉपिंग बोनस किंवा कॅशबॅकच्या आमिषातून लोकांना लक्ष्य केले जाऊ शकते. फसवणूक करणारे लोक, ही बक्षिसे मिळवण्यासाठी, व्यक्तींना काही लिंकवर क्लिक करायला, बनावट फॉर्म भरायला किंवा ‘प्रोसेसिंग फी’ भरायला सांगू शकतात.