शेकडो ईमेलमध्ये महत्त्वाचा मेल होतोय मिस? Gmail ची ही ट्रिक ठरेल फायदेशीर, मेल येताच वाजेल रिंगटोन

Gmail Tips: महत्त्वाच्या ईमेलसाठी एक वेगळे सेक्शन असते किंवा अशा ईमेलसाठी रिंगटोन वाजली असती तर किती बरं झालं असतं... असं तुम्हाला देखील वाटतं का? तुम्ही जिमेलच्या काही सेटिंग फॉलो करून ईमेलसाठी अलर्ट सेट करू शकता.

• शेकडो ईमेलमध्ये महत्त्वाच्या ईमेलकडे आपले दुर्लक्ष होते.
• स्पेसिफिक मेलसाठी अलर्ट सेट करू शकता
• महत्त्वाचा मेल येतात त्वरित रिंगटोन वाजेल आणि तुम्हाला माहिती मिळणार

Gmail Email Alerts: आपल्याला जिमेलवर रोज शेकडो ईमेल येतात. यातील बहुतेक ईमेलमध्ये जाहिराती असतात, जे आपल्या कामाचे असतात. काहीवेळेस या शेकडो ईमेलमध्ये महत्त्वाच्या ईमेलकडे आपले दुर्लक्ष होते. कोणत्याही ईमेलकडे दुर्लक्ष होऊ नये, यासाठी आपण सतत ईनबॉक्सवर नजर ठेऊ शकत नाही. अशावेळी तुम्ही एका सोप्या ट्रिकचा वापर करू शकता. जर तुम्ही एखाद्या महत्त्वाच्या ईमेलची वाट बघत असाल आणि या शेकडो ईमेल्सच्या गर्दीत या ईमेलकडे दुर्लक्ष होऊ नये असं तुम्हाला वाटत असेल तर तुम्ही स्पेसिफिक मेलसाठी अलर्ट सेट करू शकता. हा महत्त्वाचा मेल येतात त्वरित रिंगटोन वाजेल आणि तुम्हाला त्याबाबत माहिती दिली जाईल. (फोटो सौजन्य – AI Created) 

चार्जिंगची चिंता मिटणार? 9,000mAh बॅटरीसह नवा OnePlus स्मार्टफोन धुमाकूळ घालण्यासाठी सज्ज… वाचा फीचर्स

स्पेसिफिक मेलसाठी अलर्ट सेट करण्यासाठी फॉलो करा या स्टेप्स

• सर्वात आधी जीमेलवर लेबल क्रिएट करा. यासाठी लेबल पर्यायासमोर दिसणाऱ्या प्लस (+) साइनवर क्लिक करा. आता नाव लिहून लेबल क्रिएट करा.
• आता कंप्यूटरवर जिमेल ओपन करा.
• आता सर्च बारच्या उजव्या बाजूला दिसणाऱ्या फिल्टर पर्यायावर क्लिक करा.
• स्क्रीनवर दिसणाऱ्या From बॉक्समध्ये तो ईमेल एड्रेस मेंशन करा, ज्यावरील ईमेल तुमच्यासाठी महत्त्वाचे आहेत.
• आता क्रिएट फिल्टर पर्यायावर क्लिक करा.
• आता तुम्हाला अप्लाय द लेबल आणि अलवेज मार्क इट ॲज इंपॉर्टंट असे दोन पर्याय दिसतील.
• अप्लाय द लेबलमध्ये तुम्ही जे लेबल तयार केले आहे, त्याचे नाव दिसेल, त्याला सिलेक्ट करा. यानंतर अलवेज मार्क इट ॲज इंपॉर्टंट पर्याय देखील निवडा. आता क्रिएट फिल्टरवर टॅप करा.
• आता तुम्ही मेंशन केलेल्या इेमलवरून कोणताही मेल आला तर तो इनबॉक्ससोबतच तुम्ही क्रिएट केलेल्या लेबलमध्ये देखील दिसणार आहे.

एकदाच रिचार्ज करा अन् वर्षभर निश्चिंत राहा! हा आहे BSNLचा धमाकेदार प्लॅन, 365 दिवसांच्या व्हॅलिडीटीसह मिळणार हे फायदे

आता अलर्ट सेट करण्याची प्रोसेस जाणून घेऊ

• कंप्यूटरवर सर्च बारच्या बाजूला दिसणाऱ्या सेटिंग पर्यायवर क्लिक करा. सी ऑल सेटिंग पर्याय निवडा.
• जनरल पर्यायावर टॅप करा आणि खाली स्क्रोल करा.
• इथे तुम्हाला डेस्कटॉप नोटिफीकेशन दिसेल त्यावर क्लिक करा.
• इम्पॉर्टंट मेल नोटिफिकेशन्स ऑन वर क्लिक करा.
• इथे तुम्हाला मेल नोटिफिकेशन साऊंड पर्याय दिसेल. आता यादीमधून तुमची आवडती रिंगटोन निवडा.
• तुम्ही सेट केलेल्या विशिष्ट ईमेल आयडीवरून ईमेल येताच, ही रिंगटोन वाजेल; ज्यामुळे तुम्हाला समजेल की, तुम्ही ज्या ईमेलची वाट पाहत होतात, तो कदाचित आला असावा.