सोमवार, 2 नोव्हेंबर 2026
लूक प्रीमियम अन् फीचर्सही दमदार! Redmi चा नवा फोन पाहिलात का? लाँच होताच सुरु झाल्या चर्चा
नवा रेडमी स्मार्टफोन चीनमध्ये 2,499 युआन म्हणजेच सुमारे 36 हजार रुपयांच्या किंमतीत लाँच करण्यात आला आहे. ही किंमत स्मार्टफोनच्या 12GB रॅम आणि 256GB स्टोरेज व्हेरिअंटसाठी आहे. ग्राहक हा स्मार्टफोन ब्लॅक, व्हाइट, सायन आणि पर्पल कलर ऑप्शनमध्ये खरेदी करू शकतात. (फोटो सौजन्य: X)
हा स्मार्टफोन भारतासह इतर ग्लोबल मार्केटमध्ये कधी लाँच केला जाणार, याबाबत अद्याप कोणतीही माहिती शेअर करण्यात आली नाही. असं सांगितलं जात आहे की, सध्या हा स्मार्टफोन केवळ चीनपुरता मर्यादित असणार आहे. हार्डवेअरच्या बाबतीत, रेडमी एम 100 प्रोचे स्पेसिफिकेशन्स जागतिक बाजारपेठेत उपलब्ध असलेल्या रेडमी नोट 14 प्रोसोबत बरेच मिळतेजुळते दिसतात. परिणामी, या फोनकडे रेडमी नोट मालिकेतीलच एक ‘रीब्रँडेड’ मॉडेल म्हणून पाहिले जात आहे.
स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, रेडमी एम 100 प्रो मध्ये 6.67 इंच कर्व्ड ओएलईडी डिस्प्ले देण्यात आला आहे. यासोबतच या स्मार्टफोनमध्ये 120Hz पर्यंत रिफ्रेश रेट सपोर्ट देखील मिळणार आहे. डिस्प्लेची पीक ब्राइटनेस 3000 निट्सपर्यंत जाऊ शकते. स्क्रीनच्या प्रोटेक्शनसाठी या स्मार्टफोनमध्ये कॉर्निंग गोरिला ग्लास विक्टस 2 देखील देण्यात आले आहे.
परफॉर्मंससाठी या स्मार्टफोनमध्ये मीडियाटेक डायमेन्सिटी 7300-अल्ट्रा प्रोसेसर मिळणार आहे. तसेच या स्मार्टफोनमध्ये 12GB पर्यंत एलपीडीडीआर4एक्स रॅम आणि 256GB यूएफएस 2.2 स्टोरेज देखील मिळणार आहे. हा स्मार्टफोन हायपरओएसवर आधारित आहे.
स्मार्टफोनमध्ये ट्रिपल कॅमेरा सेटअप आहे, जिथे ओआयएस सपोर्टवाला 50MP चा प्रायमरी कॅमेरा, 8MP चा अल्ट्रावाइड कॅमेरा आणि 2MP चा मॅक्रो कॅमेरा मिळणार आहे. तर स्मार्टफोनच्या समोरील बाजूला सेल्फी आणि व्हिडीओ कॉलिंगसाठी यामध्ये 20MP चा फ्रंट कॅमेरा मिळणार आहे.
डिव्हाईसमध्ये 45W वायर्ड फास्ट चार्जिंग सपोर्टसह 5500mAh बॅटरी मिळणार आहे. यासोबतच फोनमध्ये स्टीरियो स्पीकर्स, X-axis लीनियर मोटर, इन-डिस्प्ले फिंगरप्रिंट सेंसरसह IR ब्लास्टर आणि NFC सपोर्ट देखील मिळणार आहे. फोनमध्ये पाणी आणि धुळीपासून संरक्षणासाठी IP68 रेटिंग देखील मिळणार आहे.
Ans: रेडमी एम 100 प्रो स्मार्टफोन चीनमध्ये 2,499 युआन म्हणजेच भारतीय चलनानुसार सुमारे 36 हजार रुपये किमतीत लाँच झाला आहे. ही किंमत 12GB रॅम आणि 256GB स्टोरेज व्हेरिएंटसाठी आहे.
Ans: रेडमी एम 100 प्रो च्या भारतातील लाँचबाबत कंपनीने अद्याप अधिकृत माहिती दिलेली नाही.
Ans: या स्मार्टफोनमध्ये मीडियाटेक डाइमेंसिटी 7300-अल्ट्रा प्रोसेसर देण्यात आला आहे.
