फोटो सौजन्य - Social Media
सॅमसंगने भारतातील कॉर्पोरेट वापरकर्त्यांसाठी गॅलॅक्सी S24 आणि S24 अल्ट्राचा एंटरप्राइज एडिशन लॉन्च केला आहे. या स्मार्टफोनसह तीन वर्षांची डिव्हाइस वॉरंटी, नॉक्स सिक्युरिटी सूटचे एक वर्षाचे सबस्क्रिप्शन, आणि सात वर्षांचे OS अपडेट्स मिळतील. S24 ची सुरुवातीची किंमत ₹78,999 असून, हे डिव्हाइसेस व्यावसायिकांसाठी दीर्घकालीन समाधान देतात.
नवीन एंटरप्राइज एडिशनमध्ये डिफेन्स-ग्रेड सुरक्षितता आहे. नॉक्स सूटच्या 12 महिन्यांच्या सबस्क्रिप्शनसह, IT अॅडमिन्सना डिव्हाइसेस सुरक्षितपणे व्यवस्थापित करण्याची सुविधा मिळते. 7 वर्षांचे सिक्युरिटी पॅच अपडेट्स डिव्हाइसचे मालवेअर आणि सायबर हल्ल्यांपासून संरक्षण करतात. गॅलॅक्सी S24 अल्ट्रामध्ये 12GB RAM आणि 256GB स्टोरेज, तर S24 मध्ये 8GB RAM आणि 256GB स्टोरेज क्षमता आहे. हे डिव्हाइसेस सातत्यपूर्ण पॅच व्यवस्थापन आणि स्थिर कार्यक्षमतेसाठी डिझाइन करण्यात आले आहेत.
या डिव्हाइसेसमध्ये लाईव्ह ट्रान्सलेट, इंटरप्रिटर, आणि नोट असिस्ट यांसारखी AI वैशिष्ट्ये उपलब्ध आहेत. ट्रान्सक्रिप्ट असिस्टद्वारे आवाजाचे मजकूरात रूपांतर होते. व्यवसायातील संवाद अधिक परिणामकारक करण्यासाठी ही वैशिष्ट्ये उपयुक्त आहेत. गॅलॅक्सी S24 आणि S24 अल्ट्रा Samsung.com व सॅमसंग कॉर्पोरेट प्लस पोर्टलवर उपलब्ध आहेत. वापरकर्त्यांना दीर्घकालीन डिव्हाइस सपोर्ट आणि व्यवसाय कार्यक्षमतेची खात्री दिली जाते.
“सॅमसंगचे एंटरप्राइज एडिशन गॅलॅक्सी एस२४ अल्ट्रा आणि गॅलॅक्सी एस२४ भारतातील झपाट्याने डिजिटाइज होत असलेल्या व्यवसाय वातावरणामध्ये विश्वसनीय, सुरक्षित व व्यवस्थापन करता येण्याजोग्या डिवाईसेससाठी वाढत्या मागणीची पूर्तता करतात. डेटा सुरक्षितता, दीर्घकालीन डिवाईस सपोर्ट आणि जलद अंमलबजावणीची खात्री देत हे डिवाईसेस एंटरप्राइजेजना सक्षम करतात आणि व्यवसाय प्रमुखांना त्यांच्या मोबाइल ताफ्यांबाबत उत्तम दृश्यमानता, नियंत्रण व आत्मविश्वास देतात. आमचा व्यसायांना तंत्रज्ञानाचा विनासायासपणे, सुरक्षितपणे व शाश्वतपणे फायदा घेण्यास, तसेच भारताच्या एंटरप्राइज व्यवसाय विकासाला चालना देण्यास सक्षम करण्याचा मनसुबा आहे,” असे सॅमसंग इंडियाच्या एंटरप्राइज बिझनेसचे उपाध्यक्ष आकाश सक्सेना म्हणाले.
सॅमसंगच्या एंटरप्राइज एडिशन डिव्हाइसने आधुनिक व्यावसायिक गरजा पूर्ण करण्यासाठी तंत्रज्ञान, सुरक्षा, आणि दीर्घकालीन अपडेट्सचा उत्कृष्ट मेळ साधला आहे.
किंमत आणि कुठे खरेदी करता येईल?
कॉर्पोरेट आणि संस्थात्मक ग्राहक Samsung.com आणि सॅमसंग कॉर्पोरेट+ पोर्टल www.samsung.com/in/corporateplus येथे एंटरप्राइज एडिशन एस२४, एस२४ अल्ट्रा आणि शक्तिशाली गॅलॅक्सी एक्सकव्हर७ स्मार्टफोन्स खरेदी करू शकतात.
