Flipkart Sale: स्मार्टफोन घ्यायचा मुहूर्त आलाय! बिग बिलियन डेज सेलमध्ये आकर्षक ऑफर्सचा पाऊस… डील्स पाहताच व्हाल खूश

Flipkart Big Billion Days Sale 2026: फ्लिपकार्टवर सुरु झालेल्या नवीन सेलमध्ये ग्राहकांना विविध स्मार्टफोन मॉडेल्स अत्यंत कमी किंमतीत खरेदी करण्याची संधी मिळणार आहे. फ्लिपकार्ट स्मार्टफोनच्या खरेदीवर विविध डिल्स ऑफर करत आहे.

• फ्लिपकार्टवर बिग बिलियन डेज सेल 9 ऑक्टोबरपासून सर्वांसाठी सुरु
• फ्लिपकार्ट सेलमध्ये होम अप्लायंसेज, होम एक्सेसरीजसोबतच स्मार्टफोनवर मोठं डिस्काऊंट
• महागडे स्मार्टफोन अत्यंत कमी किंमतीत खरेदी करण्याची संधी

Flipkart Big Billion Days Sale: ई कॉमर्स प्लॅटफॉर्म फ्लिपकार्टवर बिग बिलियन डेज सेल 9 ऑक्टोबरपासून सर्वांसाठी सुरु झाला आहे. फ्लिपकार्ट प्लस मेंबर्ससाठी हा सेल 24 तास आधीच सुरु झाला आहे. आजपासून हा सेल सर्व ग्राहकांसाठी सुरु करण्यात आला आहे. फ्लिपकार्ट सेलमध्ये ग्राहकांना होम अप्लायंसेज, होम एक्सेसरीजसोबतच स्मार्टफोन देखील अत्यंत कमी किंमतीत खरेदी करण्याची संधी मिळणार आहे. यावेळी सेलमध्ये स्मार्टफोनवर अधिक डिस्काऊंट ऑफर केलं जाणार आहे, ज्यामुळे ग्राहकांना महागडे स्मार्टफोन देखील अत्यंत कमी किंमतीत खरेदी करण्याची संधी मिळणार आहे. सेलमध्ये उपलब्ध असणाऱ्या काही स्मार्टफोन डिल्सबाबत आता जाणून घेऊया.

परदेशात प्रवास करताना रोमिंगची चिंता मिटणार! Airtel ने केली मोठी घोषणा, यूजर्सना असा होणार फायदा

आयफोन 17

फ्लिपकार्ट सेलमध्ये आयफोन 17 आता 79,999 रुपयांच्या किंमतीत उपलब्ध आहे. सप्टेंबरमध्ये झालेल्या दरवाढीनंतर कंपनीने या आयफोन मॉडेलची किंमत 99,900 रुपये केली होती. मात्र आता फ्लिपकार्ट सेलमध्ये हा आयफोन ऑफर्स आणि डिस्काऊंटसह कमी किंमतीत खरेदी करण्याची संधी मिळणार आहे. तसेच कंपनी या डिव्हाईसच्या खरेदीवर बँक ऑफर्स आणि एक्सचेंज बोनस देखील देत आहे. ज्यामुळे ग्राहकांना अधिक फायदा होऊ शकतो.  (फोटो सौजन्य – AI Created) 

आयफोन 15

जर तुम्ही आयफोन 15 खरेदी करण्याचा विचार करत असाल तर हा स्मार्टफोन फ्लिपकार्टवर 63,999 रुपयांच्या किंमतीत उपलब्ध आहे. खरं तर या आयफोन डिव्हाईसची एमआरपी 74,900 रुपये आहे. सहसा हा आयफोन 67,999 रुपयांपर्यंतच्या किंमतीत उपलब्ध होतो. मात्र आता या डिव्हाईसची किंमत आणखी कमी झाली आहे. आता फ्लिपकार्टवर ग्राहकांना आयफोन 15 चे 128GB व्हेरिअंट 63,999 रुपयांच्या किंमतीत खरेदी करण्याची संधी मिळणार आहे.

सॅमसंग गॅलेक्सी ए 36 5G

सॅमसंगच्या गॅलेक्सी A सीरीजमधील सॅमसंग गॅलेक्सी ए 36 5G स्मार्टफोन आता केवळ 25,999 रुपयांच्या किंमतीत खरेदीसाठी उपलब्ध आहे. या स्मार्टफोनची एमआरपी 39,499 रुपये आहे. ही किंमत फोनच्या 8GB रॅम आणि 128GB स्टोरेज व्हेरिअंटसाठी उपलब्ध आहे. या डिव्हाईसमध्ये 5000mAh बॅटरी आणि 50MP ट्रिपल कॅमेरा सेटअप सारखे फीचर्स मिळणार आहे.

ओप्पो ए 14 प्लस 5G

ओप्पोच्या या स्मार्टफोनमध्ये 8000mAh बॅटरी आणि 144Hz डिस्प्ले देण्यात आला आहे. हा स्मार्टफोन पूर्वी फ्लिपकार्टवर 29,999 रुपयांत उपलब्ध होता. मात्र आता या डिव्हाईसची किंमत 25,999 रुपये झाली आहे.

अरे देवा! तब्बल 6 हजार रुपयांनी वाढली Google Pixel 10a ची किंमत, आता खरेदीसाठी मोजावे लागणार इतके पैसे

पोको एक्स 8 5G

पोको स्मार्टफोनमध्ये 9000mAh बॅटरी आणि स्नॅपड्रॅगन 6एस जेन 4 प्रोसेसरसारखे फीचर्स ऑफर केले जाणार आहेत. हा स्मार्टफोन सेलमध्ये 24,999 रुपयांच्या किंमतीत उपलब्ध आहे. तर पूर्वी या स्मार्टफोनची किंंमत 26,999 रुपये होती.