किती असणार पहिल्या फोल्डेबल iPhone ची किंमत? लाँचपूर्वीच समोर आली माहिती, वाचून तुम्हालाही बसेल धक्का

iPhone Foldable Price Leak: तुम्ही देखील आगामी आयफोनच्या लाँचिंगसाठी उत्सुक आहात का? लाँचिंगपूर्वीच कंपनीच्या आगामी फोनची किंमत लीक झाली आहे. याशिवाय काही फीचर्स देखील समोर आले आहेत. आयफोन अल्ट्रा हा कंपनीचा पहिला फोल्डेबल आयफोन असणार आहे.

• फोल्डेबल आयफोनमध्ये 7.8-इंचाचा मुख्य आणि 5.5-इंचाचा कवर डिस्प्ले मिळण्याची शक्यता आहे.
• परफॉर्मन्ससाठी A20 Pro चिपसेट, 12GB रॅम आणि सुमारे 5,000mAh बॅटरी मिळू शकते.
• किंमतीबाबत लीकनुसार फोनची सुरुवातीची किंमत सुमारे 2 लाख रुपये असू शकते आणि 9 सप्टेंबरला लाँच होण्याची शक्यता आहे.

टेक कंपनी ॲपलच्या पहिल्या फोल्डेबल आयफोनच्या लाँचिंगसाठी अवघे काही दिवस शिल्लक आहेत. आगामी आयफोनच्या लाँचिंगसाठी सर्वजण प्रचंड उत्सुक आहेत. आयफोनमध्ये कोणते फीचर्स दिले जाणार आहेत, फोल्डेबल डिव्हाईसची किंमत किती असणार आणि फोन नक्की कधी लाँच होणार असे अनेक प्रश्न यूजर्सच्या मनात आहेत. विशेषत: फोनच्या किंमतीबद्दल अनेक शक्यता वर्तवल्या जात आहेत. असे मानले जाते की, या आयफोनच्या आगमनामुळे फोल्डेबल फोन्सच्या शिपमेंट्समध्ये 20 टक्क्यांची वाढ होऊ शकते.

Jio Recharge Plan: टेलिकॉम कंपनीने सादर केले दोन नवे ओटीटी OTT Pass! फ्री सब्सक्रिप्शन आणि डेटासह मिळणार 5G अपग्रेड

इतर टेक कंपन्यांनी फोल्डेबल स्मार्टफोनच्या बाजारात आधीच आपले स्थान निर्माण केले आहे. मात्र हा ॲपलचा पहिला फोल्डेबल फोन आहे. त्यामुळे या फोनला ग्राहकांचा कसा प्रतिसाद मिळणार हे पाहणे अतिशय महत्त्वाचे ठरणार आहे. आगामी फोल्डेबल फोनमध्ये कोणते फीचर्स दिले जाणार आणि फोनची किंमत किती असणार आहे, याबाबत आता जाणून घेऊया.  (फोटो सौजन्य: Pinterest) 

डिस्प्ले आणि डिझाईन

समोर आलेल्या काही लीक्सनुसार, आयफोन अल्ट्रामध्ये 7.8 इंचाचा मुख्य आणि 5.5 इंचाचा कवर डिस्प्ले मिळू शकतो, जो एका टॅब्लेटसारखा अनुभव ऑफर करणार आहे. अनफोल्ड झाल्यानंतर आयफोनची जाडी 4.5mm राहू शकते. ॲपलने डिस्प्लेवर सुरकुत्या पडणार नाहीत यासाठी मोठ्या प्रमाणावर काम केले आहे आणि फोन लाँच झाल्यावर त्याचे परिणाम दिसून येतील. रिपोर्ट्सनुसार, ॲपलने यासाठी अनेक संरचनात्मक सुधारणा केल्या आहेत; यामध्ये नव्याने डिझाइन केलेला ‘लिक्विडमेटल’ बिजागरीचा भाग आणि अतिशय पातळ काचेचा वापर यांचा समावेश आहे.

चिपसेट

फोल्डेबल आयफोनमध्ये ॲपलचा A20 Pro चिपसेट दिला जाऊ शकतो. हा TSMC च्या 2nm प्रोसेसवर तयार करण्यात आला आहे. हा चिपसेट आयफोन 18 प्रो आणि आयफोन 18 प्रो मॅक्समध्ये वापरला जाऊ शकतो. हे पावर एफिशिएंट होण्यासोबतच दमदार परफॉर्मंस देखील ऑफर करणार आहे. हा चिपसेट 12GB रॅमसह जोडला जाऊ शकतो. यामध्ये एआय पावर्ड सिरीसह ॲपलचा इंटेलीजेंसचे अनेक फीचर्स ऑफर केले जाण्याची शक्यता आहे. हा आयओएस 27 वर चालणार आहे, ज्याला ॲपलने फोल्डेबल आयफोनसाठी ऑप्टिमाइझ केले आहे.

कॅमेरा आणि बॅटरी

कॅमेऱ्याच्या बाबतीत फोल्डेबल आयफोन हा आयफोन 18 प्रो मॉडेल्सच्या तुलनेत मागे पडणार आहे. आयफोन 18 प्रो मॉडेल्समध्ये ट्रिपल रियर कॅमेरा सेटअप दिला जाऊ शकतो. तर आयफोन अल्ट्रा म्हणजेच फोल्डेबल आयफोनमध्ये 48 मेगापिक्सेलच्या प्रायमरी कॅमेऱ्यासह 48 मेगापिक्सेलचा अल्ट्रा वाइड सेंसर दिला जाऊ शकतो. आयफोनच्या समोरील बाजूला दोन्ही डिस्प्लेवर एक – एक सेल्फी कॅमेरा असणार आहे. या आयफोनमध्ये ॲपलने फेसआईडीला टचआईडीसोबत रिप्लेस केले आहे.

Tech Tips: Earbuds अचानक बंद पडले? नवीन खरेदी करण्याचा प्लॅन करताय? थांबा, आधी ‘या’ गोष्टी तपासा

फोनच्या पावर बटनवर टचआईडी सेंसर मिळण्याची शक्यता आहे. जर बॅटरीबाबत बोलायचं झालं तर, कंपनी यामध्ये 5,000mAh बॅटरी देण्याची श्कयात आहे. अधिक चांगला एफिशिएंसीसाठी कंपनी यामध्ये हाय-डेन्सिटी बॅटरी टेक्नोलॉजीचा वापर करू शकते.

किती असू शकते किंमत?

कंपनीने अद्याप त्यांच्या आगामी फोल्ड आयफोनच्या किंमतीबाबत कोणतीही माहिती शेअर केली नाही. मात्र काही लीक्स आणि रिपोर्ट्सवर विश्वास ठेवला तर असा अंदाज वर्तवला जात आहे की, फोल्डेबल आयफोनची किंमत सुमारे 2 लाख रुपयांपासून सुरु होऊ शकते. या किंमतीमुळे हा आतापर्यंतचा कंपनीचा सर्वात महागडा आयफोन असू शकतो. कंपनी त्यांचा आगामी आयफोन 9 सप्टेंबर रोजी लाँच करण्याची शक्यता आहे.