Apple Store Noida: iPhone चाहत्यांसाठी खुशखबर! नोएडामध्ये सुरु होणार नवं रिटेल स्टोअर, या दिवशी होणार ओपनिंग

Apple Store: कंपनीने 11 डिसेंबर रोजी नोएडामध्ये एक नवीन स्टोअर उघडण्याची घोषणा केली आहे. हे Apple चे भारतातील पाचवे आणि या वर्षी (2025) उघडणारे तिसरे स्टोअर असेल. याबाबत अधिक जाणून घेऊया.

• नोएडामध्ये 11 डिसेंबरला उघडणार नवं Apple स्टोअर
• भारतातील आणखी एक प्रीमियम Apple स्टोअर
• नोएडामध्ये होणार Apple स्टोअरची धडाकेबाज एन्ट्री!

टेक जायंट कंपनी Apple पुढील महिन्यात भारतात आणखी एक नवीन स्टोअर ओपन करणार आहे. कंपनीने याबाबत अधिकृतपणे घोषणा देखील केली आहे. नवीन Apple स्टोअर मुंबई किंवा पुण्यात नाही तर नोएडामध्ये ओपन केलं जाणार आहे. 11 डिसेंबर रोजी दुपारी 1 वाजता या स्टोअरचे ओपनिंग होणार आहे. असं सांगितलं जात आहे की, Apple Saket नंतर दिल्ली-एनसीआरमध्ये Apple चे दुसरे स्टोअर ओपन होणार आहे. एका रिपोर्टनुसार, Apple मुंबईत देखील पुन्हा एकदा नवीन Apple स्टोअर ओपन करण्याची योजना आखत आहे.

TRAI Report October 2025: Jio ने मारली बाजी, 20 लाख नवीन यूजर्स जोडले! Airtel नेही दाखवली आपली ताकद

नोएडामध्ये ओपन होणार नवीन Apple स्टोअर

अपकमिंग Apple स्टोअर, ज्याला Apple Noida असं देखील म्हटलं जात आहे. याची ओपनिंग 11 डिसेंबर रोजी दुपारी 1 वाजता होणार आहे. नोएडाच्या सेक्टर 18 मध्ये DLF मॉल ऑफ इंडियामध्ये नवीन Apple स्टोअर ओपन होणार आहे. कंपनीने शुक्रवारी स्टोअरच्या बॅरिकेडिंगचे अनावरण केले. ज्यामध्ये भारताचा राष्ट्रिय पक्षी मोरापासून प्रेरित असलेले रंगीत पंखांचे डिझाईन पाहायला मिळत आहे. भारतातील हे तिसरे Apple स्टोअर असणार आहे, ज्यामध्ये मोर-प्रेरित लाँच कँपेन आहे. सप्टेंबरच्या सुरुवातीला, बेंगळुरूमधील Apple हेब्बल आणि पुण्यातील Apple कोरेगाव पार्क येथे अशाच प्रकारच्या मोहिमा पाहिल्या गेल्या.  (फोटो सौजन्य – Pinterest)

भारतातील इतर ऑफिशियल Apple स्टोअर्सप्रमाणेच, Apple Noida मध्ये देखील iPhone, iPad, Mac आणि दूसरे Apple प्रोडक्ट्स खरेदी करू शकणार आहेत. प्रोडक्ट लाइनअपमध्ये कंपनीची लेटेस्ट iPhone 17 सीरीज, Apple Watch Series 11, AirPods Pro (3rd जनरेशन) आणि नवीन iPad, iMac आणि MacBook डिव्हाईस समाविष्ट असणार आहेत.

कंपनी Apple Creatives रिटेल स्टोरवर फ्री ‘Today at Apple’ सेशन होस्ट करणार आहे. ज्यामुळे ग्राहकांना आर्ट, कोडिंग, म्यूजिक आणि फोटोग्राफी सारख्या वेगवेगळ्या विषयावर माहिती दिली जाऊ शकेल. हे सेशन पूर्णपणे मोफत असणार आहे. Apple नोएडामध्ये Genius Bar देखील असू शकतो. ग्राहक Apple पार्ट्स आणि इतर अ‍ॅक्सेसरीज वापरून त्यांचे डिव्हाईस अपडेट करण्यासाठी आणि दुरुस्त करण्यासाठी Apple-सर्टिफाइड टेक्नीशियनकडून अपॉइंटमेंट शेड्यूल करू शकतात.

Samsung Green Lines Issue: यूजर्सची डोकेदुखी वाढली! स्मार्टफोन्समध्ये पुन्हा आली ‘ग्रीन लाईन’ समस्या, सर्व्हिस सेंटरवर वाढली गर्दी

याशिवाय कंपनी ग्राहकांना ‘शॉप विथ अ स्पेसिएलिस्ट ओवर व्हिडीओ’ सर्विस देखील ऑफर करणार आहे. याच्या मदतीने ग्राहक व्हिडीओ कॉलवर एक्सपर्ट Apple स्पेशलिस्टसोबत संवाद साधू शकता, पर्सनलाइज्ड शॉपिंगसाठी सल्ला घेऊ शकतात आणि वेगवेगळ्या मॉडेल्सची तुलना देखील करू शकणार आहेत. तुम्ही खरेदीसाठी पर्याय देखील पाहू शकता आणि Apple डिव्हाइसेसबद्दल अधिक जाणून घेऊ शकता.