कॅमेरा लव्हर्ससाठी Vivo चा नवा फोन! जबरदस्त झूम फीचरसह मिळणार प्रीमियम अनुभव, यूजर्सची उत्सुकता शिगेला

Vivo लवकरच एक नवीन स्मार्टफोन लाँच करणार आहे. या आगामी स्मार्टफोनबाबत काही डिटेल्स समोर आले आहेत. हा आगामी स्मार्टफोन नोव्हेंबर महिन्यात लाँच केला जाण्याची शक्यता आहे.

• कंपनी S70 लाइनअपची तयारी करत आहे
• स्मार्टफोन चीनमध्ये नोव्हेंबर महिन्यात लाँच केला जाऊ शकतो
• विवोच्या आगामी स्मार्टफोनमध्ये लार्ज सेंसर पेरिस्कोप कॅमेरा मिळणार आहे

टेक कंपनी Vivo सहसा चीनमध्ये दरवर्षी S-सीरीजच्या दोन जनरेशन लाँच करते. कंपनीने यावर्षी मे महिन्यात Vivo S60 सीरीज लाँच केली होती. आता कंपनी S70 लाइनअपची तयारी करत आहे. या आगामी स्मार्टफोन सिरीजबाबत काही माहिती समोर आली आहे. वीवोच्या अपकमिंग स्मार्टफोन सीरीजबाबत टिपस्टर Smart Pikachu ने माहिती शेअर केली आहे. यामध्ये एस 70 सिरीजबाबत काही डिटेल्स आणि लाँच टाईमबाबत माहिती शेअर करण्यात आली आहे.

Apple पुन्हा सज्ज! महिनाअखेरीस आयोजित केला नवा ईव्हेंट, कोणते डिव्हाईस करणार धमाका? चाहत्यांची उत्सुकता वाढली

विवो एस70 स्मार्टफोन

टिपस्टर स्मार्ट पिकाचूने शेअर केलेल्या माहितीनुसार, पुढील महिन्यात मिड-रेंज सेगमेंटमध्ये अनेक स्मार्टफोन्स लाँच केले जाणार आहेत. यामधील एक स्मार्टफोन म्हणजेच विवो एस70 असणार आहे. हा स्मार्टफोन चीनमध्ये नोव्हेंबर महिन्यात लाँच केला जाऊ शकतो. तसेच, टिपस्टरने दावा केला आहे की, विवोच्या या आगामी स्मार्टफोनमध्ये लार्ज सेंसर पेरिस्कोप कॅमेरा मिळणार आहे, ज्याला टेलीकन्वर्टर सपोर्ट मिळू शकतो. नोव्हेंबर महिन्यात चीनमध्ये या स्मार्टफोन सीरीजसह Honor 700 सीरीज आणि Oppo Reno 17 लाइनअप देखील लाँच होणार असल्याची शक्यता आहे. (फोटो सौजन्य – Pinterest) 

विवो स्मार्टफोनबाबत असं सांगितलं जात आहे की, कंपनी त्यांच्या अपकमिंग S70 स्मार्टफोनमध्ये S60 च्या 50-मेगापिक्सेल पेरिस्कोप लेंसपेक्षा मोठा टेलीफोटो सेंसर ऑफर करणार आहे, जो कन्वर्टेबल असू शकतो. म्हणजेच यूजर्सना मिड रेंजमध्ये अटॅचेबल टेलीकन्वर्टर लेंससह फ्लॅगशिप सारखा एक्स्ट्रा झूम सपोर्ट मिळणार आहे. कंपनी सध्या त्यांच्या प्रीमियम एक्स-सीरीजसह ही अटॅचेबल कॅमेरा लेंस ऑफर करत आहे.

विवो एस 60चे फीचर्स आणि स्पेसिफिकेशन्स

विवो एस 60च्या फीचर्स आणि स्पेसिफिकेशन्सबद्दल बोलायचं झालं तर, यामध्ये 6.59-इंच अमोलेड डिस्प्ले मिळणार आहे, ज्याचे रेजोल्यूशन 2750 x 1260 पिक्सेल, रिफ्रेश रेट 144Hz आणि पीक ब्राइटनेस 5,000 निट्सची आहे. या फोनमध्ये स्नॅपड्रॅगन 8एस जेन 3 चिप, 16GB पर्यंत रॅम आणि 512GB पर्यंत स्टोरेजचा सपोर्ट मिळणार आहे. हा फोन अँड्रॉईड 16 वर आधारित ओरिजिनओएस 6 वर चालतो.

Tech Tips: स्मार्टफोन चार्ज करताना निष्काळजीपणा पडेल महागात! या चुकांमुळे USB Type-C पोर्ट होऊ शकतं खराब

यासोबतच विवो स्मार्टफोनमध्ये 50-मेगापिक्सेलचा प्रायमरी कॅमेरा देण्यात आला आहे. यासोबतच 3x ऑप्टिकल झूमवाला 50 मेगापिक्सेल पेरिस्कोप टेलीफोटो लेंस आणि 8 मेगापिक्सेल अल्ट्रावाइड कॅमेरा देण्यात आला आहे. या फोनमध्ये 50 मेगापिक्सेलचा फ्रंट कॅमेरा देखील आहे. फोनमध्ये 90W फास्ट चार्जिंगसह 7200mAh बॅटरी मिळणार आहे.