पावरफुल बॅटरी बॅकअप अन् दमदार फीचर्स… Honor Turbo 5G ची दणक्यात एंट्री, किंमत ठरली खास

Honor Turbo 5G Launched: हॉनरने एका नव्या स्मार्टफोनसह पुन्हा एकदा सर्वांना आश्चर्याचा धक्का दिला आहे. कंपनीने पावरफुल बॅटरी बॅकअपसह एक नवीन स्मार्टफोन लाँच केला आहे, ज्याची किंमत 40 हजार रुपयांहून कमी आहे.

• 8,560mAh बॅटरी आणि 80W फास्ट चार्जिंगमुळे दमदार बॅटरी बॅकअप मिळतो.
• 6.79-इंच 120Hz ॲमोलेड डिस्प्ले आणि स्नॅपड्रॅगन 6 जेन 4 प्रोसेसर देण्यात आला आहे.
• 50MP कॅमेरा, IP69 रेटिंग आणि 8GB+256GB स्टोरेज अशी फीचर्स मिळतात.

Honor Smartphone Launched: टेक कंपनी हॉनरने मिड-रेंज प्राईज सेगमेंटमध्ये एक नवीन स्मार्टफान लाँच केला आहे. कंपनीचा हा नवीन स्मार्टफोन Honor Turbo 5G या नावाने सादर करण्यात आला आहे. तीन रंगांच्या पर्यायांत लाँच करण्यात आलेल्या या स्मार्टफोनची किंमती 40 हजार रुपयांहून कमी आहे. ज्या यूजर्सना पावरफुल बॅटरी बॅकअप आणि टिकाऊ स्मार्टफोन पाहिजे आहे, अशा यूजर्ससाठी कंपनीने त्यांचा हा नवीन स्मार्टफोन डिझाईन केला आहे. सध्या हा फोन युरेशिया क्षेत्रात लाँच करण्यात आला आहे. कंपनी लवकरच इतर देशांमध्ये देखील हा स्मार्टफोन लाँच करू शकते. हॉनर टर्बो 5G ची किंमत, फीचर्स आणि स्पेसिफिकेशन्स आता सविस्तर जाणून घेऊया.

Aadhaar App ने रचला नवा विक्रम! 5 कोटी डाउनलोडचा टप्पा पार, घरबसल्या मिळतात ‘या’ महत्त्वाच्या सुविधा

हॉनर टर्बो 5G ची किंमत आणि रंग पर्याय

कंपनीने त्यांचा नवीन स्मार्टफोन एका सिंगल रॅम आणि स्टोरेज व्हेरिअंटमध्ये लाँच केला असल्याची माहिती समोर आली आहे. ज्यामध्ये 8GB + 256GB याचा समावेश आहे. कंपनीच्या या स्मार्टफोन व्हेरिअंटची किंमत 33,990 रूबल म्हणजेच सुमारे 39,300 रुपये ठेवण्यात आली आहे. ग्राहक हा नवीन स्मार्टफोन ब्लॅक, ग्रीन आणि ऑरेंज कलर ऑप्शनमध्ये खरेदी करू शकतात.  (फोटो सौजन्य: Pinterest) 

हॉनर टर्बो 5G चे स्पेसिफिकेशन्स आणि फीचर्स

डिस्प्ले

नव्या स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, हॉनर टर्बो 5G मध्ये 6.79 इंच ॲमोलेड डिस्प्ले देण्यात आला आहे, जो फुल एचडी + रेजोल्यूशन आणि 120Hz रिफ्रेश रेटला सपोर्ट करतो. हाय रिफ्रेश रेटमुळे स्मूथ स्क्रोलिंग आणि ॲनिमेशन्सची खात्री मिळते.

प्रोसेसर

परफॉर्मंससाठी कंपनीच्या या नवीन फोनमध्ये क्वालकॉमचा स्नॅपड्रॅगन 6 जेन 4 चिपसेट देण्यात आला आहे. गीकबेंच 6 वर या फोनने सिंगल-कोर स्कोअर सुमारे 1,070 आणि मल्टी-कोर स्कोअर सुमारे 3,060 मिळवला आहे. हा प्रोसेसर रोजच्या वापरासाठी, सोशल मीडिया, व्हिडीओ स्ट्रिमिंग आणि सामान्य गेमिंगसाठी अतिशय चांगला मानला जात आहे. या फोनमध्ये 8GB रॅम आणि 256GB स्टोरेज मिळणार आहे. पाणी आणि धुळीपासून संरक्षण करण्यासाठी स्मार्टफोनला IP69 रेटिंग मिळाली आहे. हा स्मार्टफोन अँड्रॉईड 16 वर आधारित मॅजिकओएस 10 वर चालतो.

कॅमेरा सेटअप

फोटोग्राफीसाठी कंपनीच्या या नवीन फोनमध्ये मागील बाजूला डुअल कॅमेरा सेटअप देण्यात आला आहे. फोनचा प्रायमरी कॅमेरा 50 मेगापिक्सेलचा आहे आणि यासोबतच 5 मेगापिक्सेलचा अल्ट्रावाइड कॅमेरा देखील आहे. या डिव्हाईसमध्ये सेल्फी आणि व्हिडीओ कॉलिंगसाठी 16 मेगापिक्सेलचा फ्रंट कॅमेरा दिला आहे.

Smartphone Technology: फोनच्या स्क्रीनला कसा समजतो बोटांचा स्पर्श? काय आहे Touchscreen टेक्नॉलॉजी? वाचून तुम्हीही व्हाल चकित

बॅटरी

कंपनीने हॉनर टर्बो 5G मध्ये 8,560mAh बॅटरी दिली आहे, जी 80W वायर्ड फास्ट चार्जिंगला सपोर्ट करते. या स्मार्टफोनची वजन केवळ 196 ग्रॅम आहे. त्यामुळे हे डिव्हाईस वापरण्यासाठी अतिशय हलके आहे.