पैशांची बचत अन् फीचर्सही भारी! बजेट फ्रेंडली Honor X5ds ने वेधलं सर्वांचं लक्ष, जाणून घ्या काय आहे खास

Honor X5ds Launched: बजेट फ्रेंडली स्मार्टफोन सेगमेंटमध्ये नवा धमाका करत टेक कंपनीने ऑनर एक्स5डीएस लाँच केला आहे. या स्मार्टफोनची किंमत 15 हजार रुपयांहून कमी असल्याचे सांगितलं जात आहे. या स्मार्टफोनमधील फीचर्स दमदार आहेत.

• सेल्फीसाठी स्मार्टफोनच्या समोरील बाजूला 5MP चा फ्रंट कॅमेरा
• ऑनर एक्स5डीएस स्मार्टफोनमध्ये 15W वायर्ड चार्जिंग सपोर्टसह 6000mAh बॅटरी
• ऑनर एक्स5डीएस मध्ये प्रायमरी स्क्रीन 6.78 इंचाचा एलसीडी डिस्प्ले

Honor Smartphone Launched: टेक कंपनी Honor ने त्यांचा नवा बजेट फ्रेंडली स्मार्टफोन लाँच केला आहे. हा नवा स्मार्टफोन कंपनीने Honor X5ds या नावाने साऊथ आफ्रीकेमध्ये सादर केला आहे. या स्मार्टफोनमधील सर्वात विशेष गोष्ट म्हणजेच यामध्ये रियर डिस्प्ले मिळणार आहे, ज्यामुळे हा स्मार्टफोन या प्राईज सेगमेंटमधील सर्वात वेगळे डिव्हाईस ठरणार आहे. कंपनीने फोनच्या बॅक पॅनलवर 2.01 इंच सेकेंडरी डिस्प्ले दिला आहे, ज्याचा वापर केवळ सेल्फी क्लिक करण्यासाठी नाही तर कॉल अलर्ट पाहण्यासाठी आणि मीडिया कंट्रोल करण्यासाठी देखील केला जाऊ शकतो.

5G स्मार्टफोनच्या दुनियेत नव्या खेळाडूची एंट्री! अखेर Vivo S60t चीनमध्ये लाँच; जाणून घ्या फीचर्स, स्पेसिफिकेशन्स अन् किंमत

ऑनर एक्स5डीएस ची किंमत आणि उपलब्धता

नवा ऑनर एक्स5डीएस 4GB+64GB या सिंगल रॅम आणि स्टोरेज व्हेरिअंटमध्ये उपलब्ध असणार आहे. स्मार्टफोनच्या या व्हेरिअंटची किंमत ZAR 2,499 म्हणजेच सुमारे 150 डॉलर म्हणजेच सुमारे 13 हजार रुपये असणार आहे. हा स्मार्टफोन फॉरेस्ट ग्रीन आणि मिडनाइट ब्लॅक या दोन रंगांच्या पर्यायांत खरेदीसाठी उपलब्ध असणार आहे. हा स्मार्टफोन इतर बाजारात कधी लाँच केला जाणार, याबाबत अद्याप कंपनीने कोणतीही माहिती शेअर केली नाही.  (फोटो सौजन्य: Honor) 

ऑनर एक्स5डीएस चे स्पेसिफिकेशन्स आणि फीचर्स

डिस्प्ले

ऑनर एक्स5डीएस मध्ये प्रायमरी स्क्रीन 6.78 इंचाचा एलसीडी डिस्प्ले आहे. यासोबतच या स्मार्टफोनमध्ये 120Hz पर्यंत रिफ्रेश रेट सपोर्ट आणि 600 निट्सची नॉर्मल ब्राइटनेस देखील मिळणार आहे. स्मार्टफोनच्या मागील बाजूला 2.01 इंच सेकेंडरी एलसीडी डिस्प्ले मिळणार आहे. या स्क्रीनच्या मदतीने तुम्ही रिअर कॅमेऱ्याने वन-टॅप सेल्फी क्लिक करू शकता. तसेच या डिस्प्लेवर तुम्हाला कॉल अलर्टपासून म्युझिकपर्यंत आणि इतर मीडिया कंट्रोल करण्याचा पर्याय देखील मिळणार आहे. या डिस्प्लेमध्ये टच सपोर्ट देखील मिळणार आहे, ज्यामुळे यूजर्सचा अनुभव आणखी खास होणार आहे.

रॅम आणि स्टोरेज

तसेच, या स्मार्टफोनमध्ये युनिसॉक टी 610 चिपसेटसह 4GB रॅम आणि 64GB स्टोरेज मिळणार आहे. फोनमध्ये 4GB वर्चुअल रॅमचा सपोर्ट देखील देण्यात आला आहे. स्टोरेज डेडिकेटेड थ्री-कार्ड स्लॉटद्वारे 1TB पर्यंत वाढवले जाऊ शकते.

कॅमेरा

कंपनीने लाँच केलेल्या नव्या स्मार्टफोनमध्ये 50MP चा रिअर कॅमेरा आहे, ज्याचा अपर्चर f/1.8 आहे. या फोनमध्ये 4x डिजिटल झूम आणि सिंगल एलईडी फ्लॅश देखील मिळणार आहे. फोनच्या रिअर कॅमेऱ्याने 1080p पर्यंत व्हिडीओ रेकॉर्ड केला जाऊ शकतो. तर सेल्फीसाठी या स्मार्टफोनच्या समोरील बाजूला 5MP चा फ्रंट कॅमेरा दिला आहे, जो 1080p पर्यंत व्हिडीओ रेकॉर्डिंगला सपोर्ट करतो.

WhatsApp घेऊन येतोय नवं Restricted Chat फीचर! लिंक्ड डिव्हाईस आणि चॅट एक्सपोर्टवर येणार निर्बंध, यूजर्सची सुरक्षा वाढणार

बॅटरी

नव्या ऑनर एक्स5डीएस स्मार्टफोनमध्ये 15W वायर्ड चार्जिंग सपोर्टसह 6000mAh बॅटरी मिळणार आहे. तसेच, या डिव्हाईसमध्ये साइड-माउंटेड फिंगरप्रिंट सेंसर, 4G एलटीई, डुअल सिम, वायफाय, ब्लूटूथ 5.0, जीपीएस, यूएसबी टाइप-सी आणि 3.5mm हेडफोन जॅक देखील मिळणार आहे.