Second Hand iPhone: सेकंड हँड किंवा रिफर्बिशड आयफोन खरेदी करण्याचा प्लॅन करताय? थांबा, खरेदीपूर्वी असा तपासा वॉरंटी स्टेटस

iPhone Buying Tips: तुम्ही देखील कमी बजेटमुळे सेकंड हँड किंवा रिफर्बिशड आयफोन खरेदी करण्याचा विचार करत आहात का? सेकंड हँड किंवा रिफर्बिशड आयफोन खरेदी करताना काही महत्त्वाच्या गोष्टी लक्षात ठेवणं अत्यंत गरजेचे आहे, अन्यथा तुमचे नुकसान होऊ शकते.

• वॉरंटी स्टेटस न बघता सेकंड हँड किंवा रिफर्बिशड आयफोन खरेदी करताय?
• आयफोनचा वॉरंटी स्टेटस तपासण्यासाठी फॉलो करा सोप्या स्टेप्स
• कमी किंमतीत आणि बजेटमध्ये सेकंड हँड किंवा रिफर्बिशड आयफोन खरेदी करणं ठरू शकतं फायदेशीर

Second Hand iPhone Buying Tips: सध्या अनेकजण महागडे आयफोन खरेदी करण्यापेक्षा सेकंड हँड किंवा रिफर्बिशड आयफोनला अधिक प्राधान्य देतात. कारण नवीन आयफोन खरेदी करण्यासाठी जास्तीचे पैसे खर्च करावे लागतात. मात्र सेकंड हँड किंवा रिफर्बिशड आयफोन तुम्ही कमी किंमतीत आणि तुमच्या बजेटमध्ये खरेदी करू शकता. तुम्ही देखील सेकंड हँड किंवा रिफर्बिशड आयफोन खरेदी करण्याचा विचार करत असाल तर ही बातमी तुमच्यासाठी फायद्याची ठरणार आहे. कारण सेकंड हँड किंवा रिफर्बिशड आयफोन खरेदी करताना डिव्हाईस वॉरंटीमध्ये आहे की नाही हे तपासणं अत्यंत गरजेचं आहे.

महागाईच्या काळातही iPhone ने मारली बाजी! या डिव्हाईसची झाली सर्वाधिक विक्री, काय आहे कारण? जाणून घ्या

सेकंड हँड किंवा रिफर्बिशड आयफोनमध्ये वॉरंटी तपासणं गरजेचं

अनेकजण वॉरंटी स्टेटस न बघता सेकंड हँड किंवा रिफर्बिशड आयफोन खरेदी करतात आणि नंतर डिव्हाईसच्या हार्डवेअर समस्येसाठी आपल्याला मोठ्या प्रमाणात खर्च करावा लागतो. त्यामुळे सेकंड हँड किंवा रिफर्बिशड आयफोन खरेदी करताना डिव्हाईसची वॉरंटी आणि ॲपल केअर स्टेटस योग्य पद्धतीने तपासणं गरजेचं आहे. जेणेकरून तुम्हाला नंतर कोणताही पश्चाताप होणार नाही. आयफोनची वॉरंटी कशी तपासायची, याबाबत जाणून घेऊया.  (फोटो सौजन्य: Pinterest) 

वॉरंटी तपासण्यासाठी वापरा ही पद्धत

आयफोनचा वॉरंटी स्टेटस तपासण्याची सर्वात सोपी पद्धत जाणून घेऊया. सर्वात आधी आयफोनची सेटिंग ओपन करा. यानंतर खाली स्क्रोल करा आणि जनरल पर्याय निवडा. इथे तुम्हाला ॲपलकेयर अँड वॉरंटी ऑप्शन दिसेल, त्यावर क्लिक करा. आता तुमच्या समोर स्क्रीनवर डिव्हाईसचे सर्व डिटेल्स दिसतील. तुम्ही किंवा जुन्या यूजरने आयफोनमध्ये ॲपल अकाऊंटद्वारे साईन ईन केलं असेल तर स्क्रीनवर तुम्हाला फोनची अधिकृत वॉरंटी किंवा एक्सटेंडेड प्लॅन कधीपर्यंत व्हॅलिड आहे, हे डिटेल्स दिसतील. सेकंड हँड किंवा रिफर्बिशड आयफोन खरेदी करताना डिव्हाईसची वॉरंटी तपासण्याची ही सर्वात सोपी पद्धत आहे.

सिरीअल नंबरचा वापर करून तपासा वॉरंटी स्टेटस

अनेकदा असं घडतं की, तुम्हाला आयफोनची सेटिंग ओपन करून वॉरंटी स्टेटस तपासण्याची संधीच मिळत नाही. अशा परिस्थितीत तुम्ही सिरीअल नंबरचा वापर करून आयफोनचा वॉरंटी स्टेटस तपासू शकता. यासाठी तुम्हाला ब्राऊझरमध्ये ॲपलच्या अधिकृत चेक कव्हरेज वेबसाईटवर जावे लागेल. इथे तुम्हाला एक बॉक्स दिसेल, जिथे तुम्हाला आयफोनचा यूनिक सीरियल नंबर पेस्ट करावा लागणार आहे. हा यूनिक सीरियल नंबर तुम्हाला आयफोनच्या अबाऊट सेक्शनमध्ये दिसणार आहे.

स्मार्टफोन की बॅटरीचा पॉवरहाऊस? नव्या Vivo स्मार्टफोनची चीनमध्ये एंट्री, 90W चार्जिंग अन् 5000 निट्स डिस्प्लेसह मिळणार तगडे फीचर्स

बॉक्समध्ये यूनिक सीरियल नंबर एंटर केल्यानंतर स्क्रीनवर दिसणारा कॅप्चा कोड भरा आणि सबमिट करा. यानंतर ॲपल तुम्हाला माहिती देणार आहे की, डिव्हाईस वॉरंटीमध्ये आहे की नाही. ही पद्धत अशा लोकांसाठी फायदेशीर ठरणार आहे, जे ऑनलाइन मार्केटप्लेसमधून सामान ऑर्डर करतात आणि पेमेंट करण्यापूर्वी त्यांना डिव्हाईसची वॉरंटी तपासायची असते.