India vs New Zealand T20 Live Streaming: क्रिकेटचा थरार आता TikTok वर! भारत-न्यूझीलंड सामना LIVE पाहता येणार? जाणून घ्या

India vs New Zealand T20 Live Streaming: भारत आणि न्यूझीलंड यांच्यातील T20 मालिकेत क्रिकेटप्रेमींसाठी एक वेगळा प्रयोग करण्यात येत आहे. न्यूझीलंड क्रिकेट बोर्ड आणि Sky Sports यांच्या सहकार्याने सामन्यातील पहिले 6 षटके TikTok वर व्हर्टिकल फॉरमॅटमध्ये दाखवण्याची योजना आहे.

• IND vs NZ T20 सीरिजला आजपासून सुरुवात
• TikTok वर पहिले 6 ओव्हर्स LIVE दाखवण्याचा प्रयोग
• भारतात सामना SonyLIV आणि Sony Sports वर पाहता येणार

भारत आणि न्यूझीलंड यांच्यातील T20 सीरिजचा धमाका आजपासून सुरू होत आहे. पण यावेळी क्रिकेटच्या दुनियेत एक वेगळाच प्रयोग होत आहे. न्यूझीलंड क्रिकेट बोर्डाने पहिल्यांदाच हा सामना TikTok वर लाईव्ह दाखवण्याचा निर्णय घेतला आहे. पण इथेच भारतीय चाहत्यांसाठी मोठा प्रॉब्लेम आहे, कारण भारतात TikTok बंद आहे. मग आता सामना पाहायचा कसा? टेन्शन घेऊ नका, आम्ही तुम्हाला त्याचा सोपा उपाय सांगतो. India vs New Zealand T20 Live Streaming:

काय आहे नवीन प्रयोग?

क्रिकेटच्या इतिहासात असं पहिल्यांदाच घडतंय. न्यूझीलंड बोर्ड आणि Sky Sports यांनी मिळून ठरवलंय की भारत विरुद्ध न्यूझीलंडच्या T20 मधले पहिले 6 ओव्हर्स, म्हणजे पॉवरप्ले, ते TikTok वर व्हर्टिकल फॉरमॅटमध्ये दाखवतील. म्हणजे जसं आपण रील बघतो, तसाच सामना मोबाईलवर उभा दिसणार.

India Today च्या रिपोर्टनुसार, तरुण पिढीला, ज्यांना सतत रील्स पाहायची सवय आहे, त्यांना क्रिकेटकडे खेचण्यासाठी हा प्रयोग केला जात आहे.

भारतीय फॅन्ससाठी अडचण काय?

जगभरात याची चर्चा सुरू आहे, पण भारतात TikTok वर बंदी आहे. सुरक्षेच्या कारणामुळे सरकारने काही वर्षांपूर्वीच TikTok भारतात बंद केलंय. त्यामुळे भारतीय लोक सरळ TikTok वर जाऊन सामना पाहू शकत नाहीत. काही लोक VPN वापरून पाहण्याचा प्रयत्न करतील, पण तो मार्ग सुरक्षित नाही आणि त्यात अडचणी येऊ शकतात.

फोन वारंवार चार्ज करण्याची कटकट संपणार? Redmi K100 मध्ये मिळणार तब्बल 10,000mAh बॅटरी, लाँचपूर्वीच चर्चा सुरु

त्यात पण TikTok वर फक्त पहिले 6 ओव्हर्सच दिसणार आहेत. पूर्ण सामना तिथे दिसणार नाहीये. त्यामुळे फक्त 6 ओव्हरसाठी एवढा खटाटोप करण्यापेक्षा पूर्ण सामना पाहण्यासाठी एकदम सोपा आणि अधिकृत मार्ग उपलब्ध आहे.

भारतात सामना कुठे पाहायचा?

भारतासाठी न्यूझीलंड क्रिकेटचे सगळे हक्क Sony Pictures कडे आहेत. 2024 ते 2031 पर्यंतचे TV आणि ऑनलाईन हक्क त्यांच्याकडेच आहेत. त्यामुळे तुम्हाला कोणतंही टेन्शन न घेता सामना इथे पाहता येईल.

6700mAh बॅटरीसह नवा Poco 5G स्मार्टफोन लाँच! 50MP कॅमेरा अन् 120Hz OLED डिस्प्लेसह मिळणार तगडे फीचर्स, वाचा सविस्तर

तुमच्याकडे दोन ऑप्शन आहेत:

1. मोबाईलवर किंवा लॅपटॉपवर: तुम्हाला ऑनलाईन सामना पाहायचा असेल तर Sony LIV App डाउनलोड करा. त्याच्या वेबसाईटवर पण तुम्ही लॉगिन करून सामना पाहू शकता.

2. टीव्हीवर: तुम्हाला मोठ्या स्क्रीनवर सामना पाहायचा असेल तर Sony Sports Ten 1, Ten 3 आणि Ten 5 या चॅनेलवर सामना थेट दाखवला जाईल.श्रेयस अय्यरच्या कॅप्टन्सीमध्ये भारतीय टीम हा सामना खेळत आहे. सगळे T20 सामने भारतीय वेळेनुसार दुपारी 12:30 वाजता सुरू होतील. त्यामुळे TikTok च्या भानगडीत न पडता Sony LIV हाच सगळ्यात सुरक्षित आणि बेस्ट ऑप्शन आहे. कोणताही अडथळा नाही, एकदम क्लिअर मध्ये तुम्हाला पूर्ण मॅच पाहता येईल.