तुमच्या Induction Stove जवळ चुकूनही आणू नका ‘हे’ इलेक्ट्रिक गॅजेट्स, अन्यथा तुमच्या घराला…

सध्याच्या इस्राएल आणि इराण युद्धामुळे इंधन आणि LPG गॅसची टंचाई निर्माण झाली आहे. अशावेळी अनेक जण Induction Stove खरेदी करत आहे. मात्र, Induction Stove जवळ काही इलेक्ट्रिक उपकरणं आणणे टाळले पाहिजे.

LPG सिलेंडरची कमतरता जाणवत असताना अनेक घरांमध्ये इंडक्शन स्टोव्हचा वापर वाढला आहे. सिलेंडर मिळण्यात येणाऱ्या अडचणींमुळे लोक मोठ्या प्रमाणावर इंडक्शन कुकटॉप खरेदी करत आहेत. मात्र, इंडक्शन चुल्हा वापरताना काही इलेक्ट्रॉनिक गॅजेट्सपासून अंतर ठेवणे खूप महत्त्वाचे आहे. अन्यथा इलेक्ट्रोमॅग्नेटिक फील्डमुळे मोठे नुकसान होऊ शकते.

स्मार्टफोन दूर ठेवा

अनेक जण स्वयंपाक करताना रेसिपी पाहण्यासाठी किंवा व्हिडिओ बघण्यासाठी फोन चुल्ह्याजवळ ठेवतात. ही सवय टाळा. इंडक्शन स्टोव्हमुळे तयार होणाऱ्या इलेक्ट्रोमॅग्नेटिक फील्डचा परिणाम फोनमधील सेन्सर्स आणि नाजूक पार्ट्सवर होऊ शकतो. काही वेळा फोनचा मदरबोर्डही खराब होण्याचा धोका असतो.

Volkswagen Taigun Facelift सादर झाली होsss…’या’ बदलांमुळे कार मार्केट गाजवणार?

स्मार्टवॉचही काढून ठेवा

इंडक्शनवर स्वयंपाक करताना स्मार्टवॉच हातात घालून ठेवू नका. यातील सेन्सर्स आणि सर्किट्सवरही इलेक्ट्रोमॅग्नेटिक फील्डचा परिणाम होऊ शकतो, ज्यामुळे ती खराब होण्याची शक्यता असते.

पावर बँकपासूनही सावध रहा

फोन चार्ज करताना पावर बँक इंडक्शन स्टोव्हजवळ ठेवू नका. यातील सर्किट्सवरही परिणाम होऊ शकतो. विशेषतः वायरलेस चार्जिंग सपोर्ट असलेल्या पावर बँकसाठी धोका अधिक असतो. त्यामुळे ती स्टोव्हपासून दूर ठेवणे आवश्यक आहे.

ईयरबड्सचा वापर टाळा

स्वयंपाक करताना म्युझिक किंवा पॉडकास्ट ऐकण्याची सवय असल्यास इंडक्शन स्टोव्हजवळ वायरलेस ईयरबड्स वापरणे टाळा. यामुळे त्यातील अंतर्गत भाग खराब होऊ शकतात.

Samsung Galaxy A57 आणि A37 वर आकर्षक कॅशबॅक आणि EMI ऑफर्स

क्रेडिट/डेबिट कार्ड्स सुरक्षित ठेवा

इंडक्शन स्टोव्हमुळे क्रेडिट आणि डेबिट कार्ड्सनाही धोका असतो. या कार्ड्सवर असलेली मॅग्नेटिक स्ट्रिप इलेक्ट्रोमॅग्नेटिक फील्डच्या संपर्कात आल्यास खराब होऊ शकते. त्यामुळे कार्ड्स योग्यरित्या काम करणे बंद होऊ शकते. त्यामुळे, इंडक्शन स्टोव्ह वापरताना या सर्व गॅजेट्स आणि वस्तूंना सुरक्षित अंतरावर ठेवणे अत्यंत गरजेचे आहे, जेणेकरून कोणतेही नुकसान टाळता येईल.