नेटवर्क नसतानाही करू शकता कॉल अन् मेसेज! अल्ट्रा लिंक फीचरसह Infinix Smart 20 HDची भारतात एंट्री, जाणून घ्या डिटेल्स

Infinix Smart 20 HD Launched: टेक कंपनीने भारतात नवीन बजेट फ्रेंडली स्मार्टफोन लाँच केला आहे. या स्मार्टफोनमध्ये अल्ट्रा लिंक फीचर देण्यात आले आहे, ज्याच्या मदतीने नेटवर्क नसतानाही 200 मीटरपर्यंत कॉल, मेसेज केला जाऊ शकतो.

• स्मार्ट 20 सिरीजमध्ये सहभागी होणार इन्फिनिक्स स्मार्ट 20 एचडी
• स्मार्टफोन सनलाइक ऑरेंज, सिल्व्हर डान्सर आणि नाईट पल्स या रंगांच्या पर्यायांत उपलब्ध
• नव्या स्मार्टफोनमध्ये अल्ट्रा लिंक फीचर

Infinix Smartphone Launched: भारतीय स्मार्टफोन बाजारात टेक कंपन्या सध्या बजेट स्मार्टफोन्स लाँच करण्यावर अधिक भर देत असल्याचे पाहायला मिळत आहे. कारण वाढत्या महागाईच्या काळात ग्राहक अशा स्मार्टफोनच्या शोधात असतात, जो कमी किंमतीत दमदार फीचर्स ऑफर करेल. तुम्ही देखील अशाच एखाद्या स्मार्टफोनच्या शोधात आहात का? टेक कंपनी Infinix ने Infinix Smart 20 HD हा नवा बजेट फ्रेंडली स्मार्टफोन भारतात लाँच केला आहे. कंपनीच्या स्मार्ट 20 सिरीजमध्ये सहभागी होणारा हा एक नवीन स्मार्टफोन आहे. (फोटो सौजन्य: X) 

अरे देवा! तब्बल 6 हजार रुपयांनी वाढली Google Pixel 10a ची किंमत, आता खरेदीसाठी मोजावे लागणार इतके पैसे

इन्फिनिक्स स्मार्ट 20 एचडी ची किंमत

सर्व ऑफर्सनंतर या नव्या इन्फिनिक्स स्मार्ट 20 एचडी स्मार्टफोनची किंमत 10,999 रुपये होणार आहे. स्मार्टफोनची ही किंमत 3GB रॅम आणि 64GB स्टोरेज या व्हेरिअंटसाठी आहे. कंपनी या स्मार्टफोनच्या खरेदीवर 6 महिन्यांचा नो-कॉस्ट ईएआय पर्याय देखील देणार आहे. हा स्मार्टफोन सनलाइक ऑरेंज, सिल्व्हर डान्सर आणि नाईट पल्स या रंगांच्या पर्यायांत उपलब्ध आहे.

Infinix Smart 20 HD Launched in India With 120Hz Display, 5,000mAh Battery. Price : Infinix Smart 20 HD is priced at Rs. 10,999 in India, inclusive of all offers, for its sole 3GB + 64GB. https://t.co/Ct78MuSNmu — 𝑺𝒂𝒎𝒂𝒓𝒕𝒉 𝑨𝒓𝒐𝒓𝒂 (@techfryerr) October 6, 2026

इन्फिनिक्स स्मार्ट 20 एचडी चे स्पेसिफिकेशन्स आणि फीचर्स

डिस्प्ले

इन्फिनिक्स स्मार्ट 20 एचडीमध्ये 6.67 इंच एचडी प्लस पंच-होल डिस्प्ले दिला आहे. तसेच या स्मार्टफोनमध्ये 120Hz पर्यंत रिफ्रेश रेट सपोर्ट देखील मिळणार आहे. डिस्प्लेची पीक एचबीएम ब्राइटनेस 700 निट्सपर्यंत आहे. परफॉर्मंससाठी या स्मार्टफोनमध्ये यूनिसॉक टी 7250 ऑक्टा-कोर प्रोसेसर मिळणार आहे. तसेच, या स्मार्टफोनमध्ये 3GB रॅम आणि 64GB इंटरनल स्टोरेज आहे. फोनचे रॅम वर्चुअल रॅमच्या मदतीने 6GB पर्यंत वाढवली जाऊ शकते. तर, स्टोरेज मायक्रोएसडी कार्डच्या मदतीने वाढवले जाऊ शकते. डिव्हाईसमध्ये अँड्रॉईड 15 वर आधारित एक्सओएस 15.1 मिळणार आहे.

कॅमेरा

स्मार्टफोनच्या मागील बाजूला आणि समोरील बाजूला दोन्हीकडे 8 मेगापिक्सेलचा कॅमेरा मिळणार आहे. रिअर कॅमेऱ्यामध्ये ऑटोफोकस देखील मिळणार आहे आणि 2K रिजॉल्यूशनमध्ये 30fps पर्यंत व्हिडीओ रेकॉर्ड करण्यासाठी सक्षम आहे. फोनच्या कॅमेऱ्याने सुपर नाईट, ड्युअल व्हिडिओ, व्लॉग, डॉक्युमेंट्स, प्रो, पॅनोरमा आणि टाईम-लॅप्ससारख्या मोडमध्ये रेकॉर्ड केले जाऊ शकते.

बॅटरी

नव्या स्मार्टफोनमध्ये 15W चार्जिंग सपोर्टसह 5000mAh बॅटरी मिळणार आहे. बॉक्समध्ये 10W चार्जर मिळणार आहे. फोनमधील डुअल स्पीकर 300 टक्क्यांपर्यंत अल्ट्रा व्हॉल्यूम मोड आणि डीटीएस ऑडिओला सपोर्ट करतो.

Second Hand iPhone: सेकंड हँड किंवा रिफर्बिशड आयफोन खरेदी करण्याचा प्लॅन करताय? थांबा, खरेदीपूर्वी असा तपासा वॉरंटी स्टेटस

अल्ट्रा लिंक फीचर

इन्फिनिक्सने लाँच केलेल्या या नव्या स्मार्टफोनमध्ये अल्ट्रा लिंक फीचर देण्यात आले आहे, जे ब्लूटूथ बेस्ड कनेक्टिविटीचा वापर करते. याद्वारे तुम्ही मोबाईल नेटवर्कशिवाय सुमारे 200 मीटरपर्यंत कॉल, मेसेज, व्हॉईस नोट आणि फोटो पाठवू शकणार आहात. याशिवाय यामध्ये प्युअर व्हॉईस टेक्नोलॉजीसह तीन नॉइज कँसलेशन मोड देखील मिळणार आहेत.