
देशी कंपनीची कमाल! 7,000mAh बॅटरी अन् जबरदस्त फीचर्ससह नवा स्मार्टफोन लाँच, किंमत खिशाला परवडणारी
नुकताच लाँच करण्यात आलेला लावा स्मार्ट 4 प्रो हा कंपनीच्या लावा स्मार्ट 4 सीरीजमधील तिसरा स्मार्टफोन आहे. यापूर्वी या सिरीजअंतर्गत कंपनीने लावा स्मार्ट 4 आणि लावा स्मार्ट 4 प्लस हे दोन स्मार्टफोन्स लाँच केले आहेत. लावा स्मार्ट 4 प्रो मध्ये कंपनीने स्क्वेअर कॅमेरा मॉड्यूल दिला आहे. (फोटो सौजन्य: Lava)
नवा लावा स्मार्ट 4 प्रो स्मार्टफोन 4 जीबी रॅम आणि 64 जीबी स्टोरेज पर्यायांत लाँच करण्यात आला आहे. या डिव्हाईसची किंमत कंपनीने 10,999 रुपये ठेवली आहे. कंपनीचा हा नवीन स्मार्टफोन लावाच्या ऑफलाईन रिटेल चॅनेलमध्ये विक्रीसाठी उपलब्ध असणार आहे. इतर लावा स्मार्टफोनप्रमाणेच कंपनी या स्मार्टफोनवर देखील मोफत डोरस्टेप सर्विस ऑफर करणार आहे. लावा स्मार्ट 4 प्रो स्मार्टफोन दोन रंगांच्या पर्यायांत लाँच करण्यात आला आहे. ज्यामध्ये कोणार्क गोल्ड आणि नीलम ब्लू यांचा समावेश आहे.
नुकत्याच लाँच करण्यात आलेल्या लावा स्मार्ट 4 प्रो स्मार्टफोनमध्ये डुअल सिम सपोर्ट देण्यात आला आहे. कंपनीने हा स्मार्टफोन अँड्रॉईड 16 सह लाँच केला आहे. स्मार्टफोनमध्ये 6.75-इंच HD+ (720 x 1,570 पिक्सेल) एलसीडी टचस्क्रीन देण्यात आली आहे. याचा रिफ्रेश रेट 90Hz पर्यंत आहे. हा लावा फोन पडण्यापासून आणि धक्क्यांपासून सुरक्षित राहण्यासाठी MIL-STD-810H मिलिटरी-ग्रेड प्रमाणपत्रासह येतो.
लावा स्मार्ट 4 प्रो स्मार्टफोनमध्ये ऑक्टा-कोर Unisoc T610 चिपसेट देण्यात आला आहे. हा प्रोसेसर 12nm प्रोसेसवर तयार करण्यात आला आहे. यामध्ये 6 एफिसिएंसी कोर आणि 2 परफॉर्मेंस कोर देण्यात आले आहेत. या प्रोसेसरची पीक क्लॉक स्पीड 1.8GHz पर्यंत आहे. या फोनमध्ये 4GB रॅमसह 4 जीबीपर्यंत वर्चुअल रॅम सपोर्ट देण्यात आला आहे. फोनमध्ये 64GB चे ऑनबोर्ड स्टोरेज दिले आहे, ज्याला माइक्रोएसडी कार्डच्या मदतीने 512GB पर्यंत वाढवले जाऊ शकते.
नव्या लावा स्मार्ट 4 प्रो स्मार्टफोनमध्ये 13 मेगापिक्सेलचा रियर कॅमेरा दिला आहे, ज्यासोबत एलईडी फ्लॅश दिले आहे. या फोनमध्ये 5-मेगापिक्सेलचा सेल्फी कॅमेरा मिळणार आहे. नव्या लावा स्मार्ट 4 प्रो स्मार्टफोनमध्ये 18W वायर्ड फास्ट चार्जिंग सपोर्टसह 7,000mAh बॅटरी दिली आहे. यामध्ये चार्जिंगसाठी यूएसबी टाइप-सी पोर्ट देण्यात आला आहे. फोनमध्ये सुरक्षेसाठी साइड माउंटेड फिंगरप्रिंट सेंसर मिळणार आहे.
Ans: Lava Smart 4 Pro स्मार्टफोनची भारतातील किंमत 10,999 रुपये आहे. हा स्मार्टफोन 4GB रॅम आणि 64GB स्टोरेज व्हेरिअंटमध्ये उपलब्ध आहे.
Ans: या स्मार्टफोनमध्ये 7,000mAh क्षमतेची दमदार बॅटरी देण्यात आली आहे. यासोबत 18W वायर्ड फास्ट चार्जिंग सपोर्ट मिळतो.
Ans: या स्मार्टफोनमध्ये Unisoc T610 ऑक्टा-कोर चिपसेट देण्यात आला आहे. याची पीक क्लॉक स्पीड 1.8GHz पर्यंत आहे.