iQOO यूजर्सना झटका! कंपनीने वाढवल्या ‘या’ स्मार्टफोनच्या किंमती, खरेदीसाठी मोजावे लागणार तब्बल इतके पैसे

iQOO Smartphone Price Hike: आयक्यूने त्यांच्या तीन स्मार्टफोनच्या किंमती वाढवल्या आहेत. त्यामुळे आता ग्राहकांना हे स्मार्टफोन खरेदी करण्यासाठी जास्तीचे पैसे खर्च करावे लागणार आहेत. कंपनीच्या आयक्यू 15 ची किंमत 13,000 रुपयांनी वाढवण्यात आली आहे.

• आयक्यू 15 च्या किमतीत सर्वाधिक 13,000 रुपयांची वाढ झाली असून, 12GB + 256GB व्हेरिअंट आता 85,999 रुपयांना मिळणार आहे.
• आयक्यू 15 आर च्या विविध व्हेरिअंटच्या किमतीत वाढ होऊन फोनची किंमत आता 53,999 ते 66,999 रुपये झाली आहे.
• आयक्यू निओ 10 च्या 8GB + 256GB व्हेरिअंटची किंमत वाढून 43,999 रुपये, तर 12GB + 256GB व्हेरिअंटची किंमत 48,999 रुपये झाली आहे.

टेक कंपनी iQOO ने त्यांच्या ग्राहकांना मोठा झटका दिला आहे. कंपनीने त्यांच्या 3 स्मार्टफोनच्या किंमती वाढवल्या आहेत. ज्यामध्ये iQOO 15, iQOO 15R, आणि iQOO Neo 10 या डिव्हाईसचा समावेश आहे. यापूर्वी, वनप्लस, विवो आणि ओप्पो सारख्या टेक कंपन्यांनी देखील त्यांच्या बजेट, मिड रेंज आणि फ्लॅगशिप स्मार्टफोनच्या किंमतीत वाढ करत ग्राहकांना मोठा झटका दिला होता. यानंतर आता टेक कंपनी आयक्यूने देखील त्यांच्या काही स्मार्टफोनच्या किंमती वाढवल्या आहेत. आयक्यूने त्यांच्या फ्लॅगशिप स्मार्टफोनच्या किंमतीत तब्बल 13 हजार रुपयांपर्यंत वाढ केली आहे. कंपनीच्या स्मार्टफोनच्या नव्या किंमती जाणून घेऊया.  (फोटो सौजन्य: iQOO) 

BSNL Recharge Plan: कंपनीचा 1 रुपयांचा प्लॅन पुन्हा सुरु! अनलिमिटेड कॉलिंग आणि डेटासह मिळणार हे फायदे… जाणून घ्या

आयक्यू 15 ची नवीन किंमत

विवोचा सब ब्रँड आयक्यूने त्यांच्या आयक्यू 15, आयक्यू 15 आर आणि आयक्यू निओ 10 स्मार्टफोनच्या किंमतीत वाढ केली आहे. कंपनीने त्यांच्या फ्लॅगशिप आयक्यू 15 स्मार्टफोनच्या किंमतीत सर्वाधिक वाढ केली आहे. या स्मार्टफोनचे 12 जीबी रॅम आणि 256 जीबी स्टोरेज असलेले व्हेरिअंट भारतात 72,999 रुपयांच्या किंमतीत लाँच करण्यात आले होते. मात्र आता या स्मार्टफोनची किंमत 13,000 रुपयांनी वाढवण्यात आली आहे. त्यामुळे आता ग्राहकांना स्मार्टफोनचे हे व्हेरिअंट खरेदी करण्यासाठी 85,999 रुपये खर्च करावे लागणार आहेत. तसेच कंपनीने डिव्हाईसचे 16 जीबी रॅम आणि 512 जीबी स्टोरेज असलेले टॉप व्हेरिअंट 79,999 रुपयांत लाँच केले होते. मात्र आता हे स्मार्टफोन व्हेरिअंट खरेदी करण्यासाठी ग्राहकांना 93,999 रुपये मोजावे लागणार आहेत.

आयक्यू 15 आर ची नवीन किंमत

कंपनीने आयक्यू 15 चे 8GB + 256GB व्हेरिअंट 44,999 रुपयांत लाँच करण्यात आले होते. मात्र आता हे स्मार्टफोन व्हेरिअंट खरेदी करण्यासाठी ग्राहकांना 53,999 रुपये मोजावे लागणार आहेत. तर डिव्हाईसचे 12GB + 256GB व्हेरिअंट 47,999 रुपयांत लाँच केले होते. मात्र आता या डिव्हाईसची किंमत 59,999 रुपये झाली आहे. तर स्मार्टफोनचे 12GB + 512GB व्हेरिअंट 52,999 रुपयांच्या किंमतीत लाँच केले होते. मात्र आता या स्मार्टफोनची किंमत 66,999 रुपये झाली आहे.

7000mAh बॅटरी अन् पावरफुल प्रोसेसर! Motorola च्या नव्या स्मार्टफोनने केला धमाका… जाणून घ्या किंमत

आयक्यू निओ 10 ची नवीन किंमत

आयक्यू निओ 10 स्मार्टफोनचे 8 जीबी रॅम आणि 256 जीबी स्टोरेज व्हेरिअंट 33,999 रुपयांच्या किंमतीत लाँच केले होते. मात्र दरवाढीनंतर आता या स्मार्टफोन व्हेरिअंटची किंमत 43,999 रुपये झाली आहे. तसेच, 12GB + 256GB व्हेरिअंट 35,999 रुपयांत लाँच केले होते. मात्र आता या स्मार्टफोन व्हेरिअंटची किंमत 48,999 रुपये झाली आहे. तर या डिव्हाईसचे 8 जीबी रॅम आणि 128 जीबी स्टोरेज व्हेरिअंट 31,999 रुपयांत लाँच केले होते. मात्र आता कंपनीने हे व्हेरिअंट बंद केले आहे.