Smart TV सुद्धा करतोय तुमची जासूसी? डेटा होऊ शकतो लीक? धक्कादायक माहिती आली समोर

Smart TV Tips: स्मार्ट टिव्ही वापरणं जितकं सोयीचं आहे, तितकंच ते तुमच्या प्रायव्हसीसाठी धोकादायक ठरू शकतं, कारण काही फीचर्समुळे तुमची वैयक्तिक माहिती नकळत शेअर होऊ शकते. कसं? जाणून घ्या

• स्मार्ट TV मधील व्हॉईस कमांड फीचरमुळे तुमचे संभाषण आणि वैयक्तिक माहिती सर्व्हरवर पाठवली जाण्याची शक्यता असते.
• लोकेशन आणि अ‍ॅप परवानग्या दिल्यास तुमची माहिती आणि लोकेशन ऑनलाइन शेअर होऊ शकते, ज्यामुळे प्रायव्हसीला धोका निर्माण होतो.
• अनावश्यक परवानग्या बंद ठेवणे, TV न वापरताना बंद करणे आणि वैयक्तिक संभाषण टाळणे यामुळे तुमचा डेटा सुरक्षित ठेवता येतो.

तंत्रज्ञान जसे वेगाने प्रगत होत आहे, त्या वेगाने आपल्या गोपनीयतेलाही धोका निर्माण होत आहे. स्मार्टफोन आणि स्मार्टवॉच या गॅझेट्समुळे आपले आयुष्य पूर्वीपेक्षा अधिक सोपे आणि सोयीस्कर झाले आहे. कॉलिंग, मेसेजिंग, ऑफिस मीटिंग, फोटोग्राफी अशी अनेक काम आपण स्मार्टफोनच्या मदतीने पूर्ण करू शकतो. तर स्मार्टवॉच कॉलिंग आणि मेसेजिंगसह हेल्थ मॉनिटर करते. यामुळे तुम्हाला तुमच्या आरोग्याविषयी अपडेट्स सतत मिळत असतात. पण तुम्हाला माहिती असेल या गॅझेट्समुळे तुमच्या प्रायव्हसीला धोका निर्माण होऊ शकतो. या डिव्हाईसोबत स्मार्ट टिव्ही देखील असे एक गॅझेट आहे, ज्याचा तुमच्या प्रायव्हसीवर परिणाम होतो. असं सांगितलं जात आहे की, स्मार्ट टिव्ही तुमचे संभाषण ऐकू शकते. इतकंच नाही तर तुमचं लोकेशन देखील शेअर करू शकते.

Redmi गुपचूप लाँच केले दोन नवे स्मार्टफोन्स! मोठी बॅटरी आणि पावरफुल फीचर्सने सुसज्ज, किती आहे डिव्हाईसची किंमत? जाणून घ्या

टेक कंपन्या सध्या अपग्रेड आणि अपडेट असणाऱ्या स्मार्ट टीव्हीवर जास्त फोकस करतात. सध्याच्या स्मार्ट टीव्हीमध्ये व्हॉईस कंट्रोल फीचरवाला रिमोट देखील दिला जातो. हा रिमोट तुमचे संभाषण शेअर करू शकतो. आपण स्मार्ट टीव्हीचा वापर करताना रिमोटला व्हॉईस कमांडची परवानगी देतो. यामुळे ओटीटी आणि युट्यूबवर सारख्या प्लॅटफॉर्मवर तुमचा आवडता कंटेट सर्च करणं अधिक सोप होतं. (फोटो सौजन्य – Pinterest) 

तुमची ही एक परवानगी किती धोकादायक असू शकते याची तुम्हाला कल्पना देखील नाही. नुकत्याच समोर आलेल्या एका रिपोर्टमध्ये असं सांगितलं आहे की रिमोटमधील व्हॉईस कमांड फीचर तुमचे संभाषण आणि तुमच्या वैयक्तिक गोष्टी गुगल किंवा ॲमेझॉन सर्वरपर्यंत पोहोचवतो. याशिवाय स्मार्ट टीव्हीमध्ये लोकेशन परवानगी देखील असते गुगल होम किंवा इतर ऑपरेटिंग सिस्टीमच्या अ‍ॅप्सद्वारे लोकेशन अ‍ॅक्सेस केले जाऊ शकते. यामुळे तुमचे लोकेशन अगदी सहज ऑनलाइन शेअर केले जाऊ शकतो.

Tech Tips: कोण वापरतंय तुमच्या iPhone चा हॉटस्पॉट डेटा? क्षणार्धात लावा शोध, फॉलो करा ही सोपी प्रोसेस

स्मार्ट टिव्ही वापरताना या गोष्टींची काळजी घ्या

• स्मार्ट टिव्हीटचा वापर करताना सर्वात पहिली गोष्ट लक्षात ठेवा की, जर टिव्हीवर कोणी कंटेट पाहत नसेल तर टिव्ही बंद करा. टीवी स्वीच ऑफ असेल तर त्याचा रिमोट इंटरनेटसोबत कनेक्ट होणार नाही आणि तुमच्या वैयक्तिक गोष्टी ऑनलाई शेअर केल्या जाणार नाहीत.
• स्मार्ट टिव्हीच्या अ‍ॅपला लोकेशनची परवानगी देऊ नका, यामुळे तुमच्या घराचे लोकेशन कोणासोबत शेअर केले जाणार नाही.
• जर गरज नसेल तर टिव्हीमध्ये अ‍ॅप इंस्टॉल करताना त्याला कोणतीही परवानगी देऊ नका. ज्यामुळे तुमच्या गोपनीयतेचे उल्लंघन होऊ नये.
• टिव्ही चालू असेल तर कोणत्याही वैयक्तिक गोष्टींवर संभाषण करणं टाळा.
• असे केल्याने तुमचा स्मार्ट टीव्ही खाजगी संभाषणे ऐकू शकणार नाही आणि ती माहिती ऑनलाइन शेअर करू शकणार नाही.