Jio आणि T-Mobile ची पार्टनरशिप बदलणार इंटरनेट वापराचा अनुभव, सुरु होणार जगातील पहिली 5G रोमिंग कनेक्टिविटी! असा होणार फायदा

Jio and T-Mobile Partnership: टेलिकॉम कंपनी जिओ आणि अमेरिकेच्या टी-मोबाईलने भागिदारीची घोषणा केली आहे. दोन्ही कंपन्यांनी केलेल्या या घोषणेनंतर आता भारत आणि अमेरिकेत प्रवास करणाऱ्या यूजर्सना 5G स्टँडअलोन नेटवर्कचा वापर करता येणार आहे.

• भारतातील जिओ यूजर्सना अमेरिकेत टी-मोबाईलच्या 5G स्टँडअलोन नेटवर्कवर सीमलेस रोमिंगचा फायदा मिळणार आहे.
• अमेरिकेतून भारतात येणाऱ्या टी-मोबाईल ग्राहकांना जिओच्या 5G स्टँडअलोन नेटवर्कचा वापर करता येणार आहे.
• जिओ आणि टी-मोबाईलचे नेटवर्क जोडण्यासाठी सिनिव्हर्सच्या प्लॅटफॉर्मने महत्त्वाची भूमिका बजावली आहे.

भारतातील आघाडीची टेलिकॉम कंपनी जिओ आणि अमेरिकेतील टी-मोबाईल यांनी पार्टनरशिप केली आहे. दोन्ही कंपन्यांनी घेतलेल्या या निर्णयामुळे आता अमेरिकेत जाणाऱ्या भारतीय जिओ यूजर्सचा मोबाईल रोमिंग अनुभव पूर्णपणे बदलणार आहे. भारतातून अमेरिकेत पोहोचल्यानंतर जिओ यूजर्स टी-मोबाईलच्या नेटवर्कवर 5G स्टँडअलोनवर सीमलेस रोमिंगचा फायदा घेऊ शकणार आहेत. याचप्रमाणे, अमेरिकेतून भारतात येणारे टी-मोबाईलचे ग्राहक जिओच्या 5G स्टँडअलोन नेटवर्कचा वापर करू शकणार आहेत. दोन्ही कंपन्यांनी दिलेल्या माहितीनुसार, दोन देशांचे 5G स्टँडअलोन नेटवर्क रोमिंगद्वारे अशा पद्धतीने जोडण्याचे हे पहिलेच प्रकरण असणार आहे.

Wi-Fi Not Working? Wi-Fi कनेक्ट होत नाहीये? फक्त 5 मिनिटांत समस्या सोडवा, ‘या’ 10 ट्रिक्स नक्की करून पाहा

5जीच्या नव्या नेटवर्कवर रोमिंगचा फायदा

जिओ आणि टी-मोबाईल यांनी केलेल्या या पार्टनरशिपनंतर देश बदलल्यानंतर देखील ग्राहकांना 5जीच्या नव्या नेटवर्कवर रोमिंगचा फायदा मिळणार आहे. यामुळे यूजर्सना केवळ वेगवान इंटरनेटच नाही तर लो-लेटेंसी आणि जास्त विश्वसनीय कनेक्शन देखील मिळणार आहे. यासोबतच, रोमिंगदरम्यान दोन्ही कंपन्यांचे ग्राहक व्हिडीओ स्ट्रिमिंगसह ऑफीसची काम देखील अगदी सहज पूर्ण करू शकणार आहेत. दोन्ही देशाचे यूजर्स रोमिंगदरम्यान अगदी सहज 5जी नेटवर्कचा वापर करू शकणार आहेत. (फोटो सौजन्य – AI Created) 

.@TMobile and Jio Achieve World’s First 5G Standalone Roaming https://t.co/7NBckWcNnZ — T-Mobile Newsroom (@tmobilenews) September 21, 2026

टी-मोबाईलचे प्रमुख नेटवर्क ऑफिसर अंकुर कपूर यांनी जिओ आणि टी-मोबाईलच्या पार्टनरशिपबद्दल म्हटलं आहे की, एका देशातून दुसऱ्या देशात पोहोचल्यानंतर देखील ग्राहक 5जी स्पीडचा वापर करू शकणार आहेत. ही तंत्रज्ञानाची फार मोठी शक्ती आहे.

जिओचे हेड-इंटरनेशन नेटवर्क, पार्टनरशिप अँड सर्विसेज मार्क यारकोस्की यांनी या पार्टनरशिपबद्दल म्हटलं आहे की, ही कामगिरी केवळ ‘रोमिंग’पुरतीच मर्यादित नाही. जिओ आणि टी-मोबाईल चे 5जी स्टँडअलोन नेटवर्क एकत्र आल्यामुळे ग्राहकांना आणि व्यवसायांसाठीच्या नवीन सेवांसोबतच ‘एआय’ वर आधारित सेवांचा मार्ग मोकळा होऊ शकतो.

Social Media: आली का पंचाईत! Facebook-Instagram झालं Down, अमेरिकेनंतर आता भारतातही युजर्सची वाढली डोकेदुखी

जिओ आणि टी-मोबाईलच्या 5G स्टँडअलोन रोमिंग कनेक्शनचा थेट फायदा भारत आणि अमेरिकेदरम्यान प्रवास करणाऱ्या ग्राहकांना होणार आहे. दोन्ही कंपन्यांचे हे रोमिंग कनेक्शन शक्य करण्यासाठी सिनिव्हर्सच्या (Syniverse) प्लॅटफॉर्मने महत्त्वपूर्ण भूमिका बजावली. या प्लॅटफॉर्मने जिओ आणि टी-मोबाइल यांची नेटवर्क्स सुरक्षितपणे एकमेकांशी जोडण्यास मदत केली.