Jio Recharge Plan: 3 नव्या रिचार्ज प्लॅन्ससह जिओचा धमाका! वर्षभराच्या व्हॅलिडीटीसह मिळणार जबरदस्त फायदे, जाणून घ्या किंमत

Jio ने त्यांच्या यूजर्ससाठी एक नवीन रिचार्ज प्लॅन लाँच केला आहे. या प्लॅनमध्ये यूजर्सना ओटीटीसह डेटा फायदे देखील मिळणार आहेत. कंपनीने एक 365 दिवसांच्या व्हॅलिडिटीसह देखील एक रिचार्ज प्लॅन लाँच केला आहे.

• जिओने 200, 550 आणि 2,000 रुपयांचे तीन नवीन ओटीटी -केंद्रित रिचार्ज प्लॅन लॉन्च केले असून, 1,000 हून अधिक लाईव्ह टिव्ही चॅनेल्सचा ॲक्सेस मिळणार आहे.
• 200 रुपयांच्या प्लॅनमध्ये 28 दिवसांसाठी 30GB डेटा, तर 550 रुपयांच्या प्लॅनमध्ये 84 दिवसांसाठी 90GB डेटा आणि दोन्हीमध्ये अनलिमिटेड 5G डेटा मिळणार आहे.
• 2,000 रुपयांच्या वार्षिक प्लॅनमध्ये 365 दिवसांची वैधता, 365GB डेटा, अनलिमिटेड 5G आणि 15 ओटीटी ॲप्सचा ॲक्सेस मिळणार आहे.

देशातील आघाडीची टेलिकॉम कंपनी असलेल्या Jio ने त्यांच्या यूजर्ससाठी तीन नवीन रिचार्ज प्लॅन लाँच केले आहेत. हे तिन्ही रिचार्ज प्लॅन्स ओटीटी आणि डेटा बेनिफिट्सने सुसज्ज आहे. यासोबतच, या प्लॅन्समध्ये यूजर्सना 1 हजारहून अधिक लाईव्ह टिव्ही चॅनेल्सचा ॲक्सेस मिळणार आहे. जिओचे हे रिचार्ज प्लॅन्स अशा यूजर्ससाठी फायद्याचा ठरणार आहे, ज्यांना कमी खर्चात ओटीटी ॲप्स आणि लाईव्ह टिव्ही चॅनेल्सचा ॲक्सेस पाहिजे आहे. यासोबतच, यूजर्सना हाय स्पीड डेटा देखील मिळणार आहे. कंपनीच्या या तिन्ही प्लॅन्सबाबत जाणून घेऊया.

Vi Recharge Plan: काय सांगता! आता यूजर्सच्या हिशोबाने सेट होणार इंटरनेट डेटा लिमिट; कंपनीने लाँच केले दोन नवे प्लॅन्स

28 दिवसांचा रिचार्ज प्लॅन

रिलायंस जियोचा हा रिचार्ज प्लॅन 200 रुपयांत लाँच करण्यात आला आहे. या प्लॅनमध्ये यूजर्सना ओटीटी ॲप्ससह 1000 हून अधिक लाईव्ह टिव्ही चॅनेल्सचा ॲक्सेस मिळणार आहे. या प्लॅनमध्ये यूजर्सना 28 दिवसांची व्हॅलिडीटी ऑफर केली जाणार आहे. कंपनी यूजर्सना या प्लॅनमध्ये 30GB हाय स्पीड डेटा कोणत्याही डेली लिमिटशिवाय ऑफर करणार आहे. या प्लॅनमध्ये मिळणाऱ्या इतर फायद्यांबद्दल बोलायचं झालं तर, यामध्ये अनलिमिटेड 5G डेटा मिळणार आहे. या प्लॅनमध्ये कॉलिंगचा लाभ मिळणार नाही. यूजर्स त्यांच्या कोणत्याही ॲक्टिव प्लॅनसोबत हे ‘ॲड-ऑन पॅक’ म्हणून रिचार्ज करू शकतात.

84 दिवसांचा रिचार्ज प्लॅन

जिओच्या या प्लॅनची किंमत 550 रुपये आहे. या प्लॅनमध्ये यूजर्सना ओटीटी ॲप्स आणि 1000 हून अधिक लाईव्ह टिव्ही चॅनेल्सचा ॲक्सेस मिळणार आहे. या प्लॅनची व्हॅलिडीटी 84 दिवसांची आहे. या प्लॅनमध्ये एकूण 90GB हाय स्पीड डेटा आणि अनलिमिटेड 5G डेटा मिळणार आहे. यूजर्स त्यांच्या कोणत्याही विद्यमान सक्रिय पॅकसोबतच या योजनेचाही लाभ घेऊ शकतात.

365 दिवसांचा रिचार्ज प्लॅन

जिओ त्यांच्या या प्लॅनमध्ये संपूर्ण वर्षभराची म्हणजेच 365 दिवसांची व्हॅलिडीटी ऑफर करत आहे. या रिचार्ज प्लॅनची किंमत 2 हजार रुपये आहे. यामध्ये देखील यूजर्सना 15 ओटीटी ॲप्सचा ॲक्सेस मिळणार आहे. यामध्ये, 1 हजारहून अधिक टिव्ही चॅनेल्स आणि 365GB हाय स्पीड डेटा आणि अनलिमिटेड 5G डेटाचा लाभ मिळणार आहे. हा प्रीपेड प्लॅन आधीच सक्रिय असलेल्या प्लॅनसोबतही खरेदी केला जाऊ शकतो.

BSNL Recharge Plan: सरकारी कंपनीचा नवा प्लॅन! 1 महिन्याची व्हॅलिडिटी अन् डेटा-कॉलिंगसह मिळणार भरपूर फायदे, किंमत केवळ इतकी

यूजर्सना मिळणार या ओटीटी ॲप्सचा ॲक्सेस

जिओच्या या तीन प्लॅन्समध्ये जिओ टीव्ही, जिओ एआय क्लाउडसह जिओ हॉटस्टार, यूट्यूब प्रीमियम, ॲमेझॉन प्राइम, सोनीलिव्ह, झी5, लायन्सगेट प्ले, डिस्कव्हरी+, सनएनएक्सटी, फॅनकोड, होईचोई, चौपाल, प्लॅनेट मराठी, कच्चा लंका, टाइम्सप्ले आणि तरंग प्लस या ओटीटीचा ॲक्सेस मिळणार आहे.