
Jio चा मेसेज पाहताच वाढली यूजर्सची चिंता! रिचार्ज संपताच बंद होणार इनकमिंग कॉल? नेमकं काय आहे प्रकरण? वाचा सविस्तर
Oppo Reno 17 सीरिजची एंट्री! 8,000mAh बॅटरीसह मिळणार तगडे फीचर्स, 200MP कॅमेऱ्याने वाढवली उत्सुकता
अभिषेक यादव या टिपस्टरने एक्स अकाऊंटवर एक पोस्ट शेअर केली आहे. या पोस्टमध्ये जिओकडून आलेल्या मेसेजचा स्क्रीनशॉट शेअर करण्यात आला आहे. या मेसेजमध्ये असं म्हटलं आहे की, ‘Your Jio recharge plan has expired. Incoming calls may stop anytime soon. Recharge now to stay connected.’ याचा अर्थ असा आहे की, तुमचा जिओ रिचार्ज प्लॅन संपला आहे. इनकमिंग कॉल कोणत्याही क्षणी बंद होऊ शकतात. कनेक्टेड राहण्यासाठी आत्ताच रिचार्ज करा. ही पोस्ट शेअर करत अभिषेक यादवने म्हटलं आहे की, तुमचा रिचार्ज प्लॅन संपल्यानंतर जिओ एसएमएस आणि इनकमिंग कॉल्स बंद करणार आहे. याबाबत यूजर्सना एसएमएसद्वारे कळविण्यात आले आहे. (फोटो सौजन्य: Pinterest)
BIG: Jio will stop incoming calls and SMS after your recharge ends, users informed via SMS. 📞 #Jio #RelianceJio #TRAI — Abhishek Yadav (@yabhishekhd) November 15, 2026
कंपनीच्या नावाने आलेल्या मेसेजमध्ये इनकमिंग कॉल्स बंद होण्यासाठी कोणतीही टाईमलाईन देण्यात आली नाही. त्यामुळे रिचार्ज प्लॅन संपल्यानंतर इनकमिंग कॉल नेमके कधीपासून बंद होणार, याबाबत संभ्रम आहे. या मेसेज अलर्टबाबत अद्याप कंपनीकडून कोणतेही अधिकृत वक्तव्य जारी करण्यात आले नाही.
अभिषेक यादवने एक्सवर शेअर केलेल्या पोस्टवर अनेक यूजर्सनी कमेंट्स केल्या आहेत. एका यूजरने म्हटलं आहे की, लोक जिओ वापरत असण्याचे एकमेव कारण हे होते की, रिचार्ज संपल्यानंतरही जिओवर इनकमिंग कॉल्स सुरू राहत असत; परंतु आता जिओनेही इतर टेलिकॉम कंपन्यांप्रमाणेच वागायला सुरुवात केली आहे. दुसऱ्या जिओ यूजरने म्हटलं आहे की, जर तुम्हाला इनकमिंग कॉल्स सुरू ठेवायचे असतील, तर तुम्हाला 99 रुपयांचा रिचार्ज प्लॅन करावा लागेल, जो एक वर्षासाठी किंवा काही ठराविक दिवसांसाठी वैध असेल. अशी चर्चा जिओच्या काही अधिकृत कर्मचाऱ्यांकडून पसरवली जात आहे.
स्पॅम कॉल्स आणि मेसेज करणाऱ्यांनो सावधान! TRAI ने उचलले मोठे पाऊल, 1.24 लाख नंबरवर कारवाई
सहसा, कोणत्याही टेलिकॉम कंपनीचा प्रीपेड संपल्यानंतर सर्वात आधी केवळ आउटगोइंग कॉल आणि एसएमएस सुविधा बंद केल्या जातात. तर, यूजर्स काही काळापर्यंत इनकमिंग कॉल आणि एसएमएस रिसीव्ह करू शकतात. अशाच प्रकारे, जिओच्या वेबसाईटवर देखील प्लॅन संपल्यानंतर इनकमिंग कॉल बंद होण्यासाठी कोणतीही टाईमलाईन जाहीर करण्यात आलेली नाही. त्यामुळे सध्या यूजर्सना आलेल्या मेसेजमध्ये आता अनेक प्रश्न उपस्थित केले जात आहे.
Ans: जिओच्या काही प्रीपेड यूजर्सना रिचार्ज प्लॅन संपल्याचा आणि इनकमिंग कॉल कधीही बंद होऊ शकतात, असा अलर्ट मेसेज मिळाल्याचा दावा करण्यात आला आहे.
Ans: व्हायरल मेसेजनुसार इनकमिंग कॉल बंद होऊ शकतात. मात्र, नेमक्या कोणत्या वेळेनंतर कॉल बंद होतील, याची माहिती देण्यात आलेली नाही.
Ans: 'तुमचा जिओ रिचार्ज प्लॅन संपला आहे. इनकमिंग कॉल कधीही बंद होऊ शकतात. सेवा सुरू ठेवण्यासाठी त्वरित रिचार्ज करा,' असा मेसेज पाठवण्यात आल्याचा दावा आहे.