स्पॅम कॉल्स आणि मेसेज करणाऱ्यांनो सावधान! TRAI ने उचलले मोठे पाऊल, 1.24 लाख नंबरवर कारवाई
जाहिरातींचे कॉल आणि महत्त्वाचे सेवा संदेश यातील फरक ग्राहकांना समजावा, यासाठी ट्रायने स्वतंत्र क्रमांक मालिका निश्चित केली आहे. जाहिरातींच्या कॉलसाठी १४०, तर बँकिग, वित्तीय सेवा, विमा आणि सरकारी सेवांसाठी १६०० क्रमांक मालिका वापरली जाते. १० ऑगस्टपासून लॉजिस्टिक्स, डिलिव्हरी आणि सार्वजनिक सेवा पुरवठादारांसाठी १६०१ ही स्वतंत्र मालिका सुरू करण्यात आली आहे. (फोटो सौजन्य: Pinterest)
जुलै ते सप्टेंबरदरम्यान ट्रायकडे अनावश्यक व्यावसायिक संदेश आणि कॉल्सबाबत १५.२९ लाख तक्रारी दाखल झाल्या. त्यापैकी ७.२३ लाख तक्रारी कारवाईस पात्र ठरल्या. यातील ९२.९ टक्के म्हणजेच १४.२१ लाख तक्रारी ट्रायच्या ‘डू नॉट डिस्टर्ब’ (डीएनडी) ॲपद्वारे प्राप्त झाल्या. सप्टेंबरअखेर या ॲपचे ४२.३६ लाख डाउनलोड झाले होते.
Samsung यूजर्सना मोठा धक्का! Galaxy Tab A11+ टॅबलेट पुन्हा महागला, किती आहे नवीन किंमत?
दूरसंचार कंपन्यांनी कृत्रिम बुद्धिमत्तेवर आधारित यंत्रणांच्या मदतीने १९.९ अब्ज संशयास्पद कॉल आणि संदेश ओळखले. यामध्ये १८.२८ अब्ज कॉल्स आणि १.६२ अब्ज एसएमएसचा समावेश आहे. स्पॅम पाठविण्याचा संशय असलेल्या संस्थांना ४५.९ लाखांहून अधिक इशारे देण्यात आले. केवायसी पडताळणीत अपयशी ठरलेल्या ९,९७७ कनेक्शनवरही कारवाई करण्यात आली.
Ans: TRAI ने जुलै ते सप्टेंबर २०२६ या तीन महिन्यांत १.२४ लाखांहून अधिक टेलिकॉम संसाधनांवर कारवाई केली आहे. तसेच ३७४ संस्थांना एका वर्षासाठी ब्लॅकलिस्ट केले आहे.
Ans: पहिल्यांदा नियमांचे उल्लंघन करणाऱ्या १,१०,३२५ मोबाइल नंबरवरील आउटगोइंग सेवा १५ दिवसांसाठी बंद करण्यात आली आहे. वारंवार नियम मोडणाऱ्या १३,७७७ नंबरचे कनेक्शन एका वर्षासाठी बंद करण्यात आले आहे.
Ans: १४० नंबर सिरीजचा वापर जाहिराती आणि प्रमोशनल कॉल्ससाठी केला जातो.






