शुक्रवार, 13 नोव्हेंबर 2026
बजेट रेंजमध्ये देशी कंपनीचा धमाका! 50MP कॅमेरा आणि 5000mAh बॅटरीसह नवा स्मार्टफोन लाँच, किंमत 8 हजारांहून कमी
कंपनीने लाँच केलेल्या नवीन स्मार्टफोनच्या किंमतीबद्दल बोलायचं झालं तर, Lava Bold N2 Pro स्मार्टफोन भारतात 7,999 रुपयांच्या किंमतीत लाँच करण्यात आला आहे. या नवीन स्मार्टफोनची विक्री ई-कॉमर्स साइट फ्लिपकार्टवर 6 एप्रिल, 2026 पासून दुपारी 12 वाजता सुरु होणार आहे. हा स्मार्टफोन ग्राहक अरोरा गोल्ड आणि इक्लिप्स ग्रे या रंगात खरेदी करू शकणार आहेत.
Lava Bold N2 Pro मध्ये 6.67 इंच LCD नॉच डिस्प्ले दिला आहे, ज्याचे HD+ रेजोल्यूशन आणि 120Hz रिफ्रेश रेट आहे. Bold N2 Pro 4G मध्ये 5,000mAh बॅटरी देण्यात आली आहे. जी 18W फास्ट चार्जिंगला सपोर्ट करते. हा नवीन स्मार्टफोन धूळ आणि पाण्यापासून संरक्षणासाठी IP54 रेटिंगने सुसज्ज आहे. हा स्मार्टफोन अँड्रॉईड 15 वर आधारित आहे. कंपनी 1 ऑपरेटिंग सिस्टम अपग्रेड आणि 2 वर्षांच्या सुरक्षा अपडेट्सचे आश्वासन देते.
कॅमेऱ्याबद्दल बोलायचं झालं तर Bold N2 Pro 4G च्या रियरमध्ये 50 मेगापिक्सेलचा AI प्रायमरी कॅमेरा दिला आहे. तर सेल्फी आणि व्हिडीओ कॉलिंगसाठी या स्मार्टफोनमध्ये 8 मेगापिक्सेलचा फ्रंट कॅमेरा दिला आहे. हा स्मार्टफोन यूनिसोक T7250 प्रोसेसरने सुसज्ज आहे. कंपनीचा हा स्मार्टफोन 4GB रॅम आणि 128GB इनबिल्ट स्टोरेजने सुसज्ज आहे. या फोनमध्ये ड्यूल सिम सपोर्ट, ब्लूटूथ, वाय-फाय आणि यूएसबी टाइप सी पोर्ट देण्यात आला आहे. कॉलिंगच्या वैशिष्ट्यांमध्ये कॉन्फरन्स कॉल, अनामिक कॉल आणि ऑटो कॉल रेकॉर्डिंग यांचा समावेश आहे. विक्रीपश्चात सेवेमध्ये मोफत घरगुती सेवेचा समावेश आहे.
