184 मिलियनहून अधिक पासवर्ड आणि लॉगिन डेटा लीक! Apple, Facebook, Snapchat युजर्सचा समावेश

मोठ्या प्लॅटफॉर्मच्या युजर्सचा देखील समावेश

18 करोड 41 लाख 62 हजारहून अधिक पासवर्ड आणि लॉगिन डिटेल्स कोणत्याही सुरक्षिततेशिवाय इंटरनेटवर उघडपणे उपलब्ध असल्याचे आढळले आहे. सर्वात महत्त्वाची गोष्ट म्हणजे या लिक्समध्ये Apple, Facebook, Instagram, Snapchat आणि Roblox सारख्या प्लॅटफॉर्म्सच्या यूजर्सचा देखील समावेश आहे. त्यामुळे आता या युजर्सच्या सुरक्षिततेला धोका निर्माण झाला असल्याची चर्चा सुरु आहे. (फोटो सौजन्य – Pinterest)

कोणत्याही ऑनलाईन सुरक्षेशिवाय 47 GB हून अधिक डेटा बेस उपलब्ध

डार्क वेबवर चोरी झालेला डेटा मिळणं अगदी सामान्य गोष्ट आहे. पण जेव्हा इतक्या मोठ्या प्रमाणात पासवर्ड आणि यूजर लॉगिन वेब होस्टिंग प्लॅटफॉर्मवर उघडपणे साठवले जातात, तेव्हा प्रकरण अधिक गंभीर बनते. कारण यामुळे युजर्सची माहिती हॅकर्सपर्यंत पोहोचते आणि यूजर्सना मोठ्या प्रमाणात नुकसान सहन करावं लागतं.

Google I/O 2025: वारंवार ऑफर चेक करण्याची गरज नाही, किंमत कमी होताच येणार Alert! ग्राहकांच्या बचतीसाठी Google घेऊन येतोय नवीन फीचर

समोर आलेल्या घटनांमधील डेटाबेस 47.42 GB होता. यामध्ये 84,162,718 यूनिक लॉगिन्स आणि पासवर्ड्स होते. याचा उद्देश नेमका काय होता, याबाबत अद्याप माहिती समोर आली नाही. होस्टिंग कंपनीने मालकाची माहिती देखील सार्वजनिक केलेली नाही. पण ज्याने हे संपूर्ण प्रकरण उघडकीस आणलं आहे तो एक प्रसिद्ध सायबर सुरक्षा संशोधक जेरेमिया फाउलर आहे. त्याने सांगितले की हा डेटा कदाचित एखाद्या इन्फोस्टीलर मालवेअरने गोळा केला असेल. मात्र हा डेटा गोळा करण्याचे उद्देश अद्याप समोर आलेला नाही. Fowler ने असं देखील सांगितलं आहे की, केवळ सोशल मीडिया अकाउंट्स नाही तर बँकिंग, हेल्थ आणि सरकारी पोर्टल्ससंबंधित लॉगिन्स देखील यामध्ये सहभागी आहे. ज्यामुळे युजर्सच्या अडचणी मोठ्या प्रमाणात वाढू शकतात.

संबंधित बातम्या