OnePlus चा मोठा निर्णय! भारतात सेवा केंद्रांचा होणार विस्तार, 500 शहरांतील ग्राहकांना मिळणार जलद सुविधा

वनप्लसने त्यांच्या भारतातील ग्राहकांसाठी एक मोठा निर्णय घेतला आहे. या निर्णयाचा परिणाम भारतातील यूजर्सवर सकारात्मक पद्धतीने होणार आहे. कंपनीने आफ्टर सेल्स सर्विस इन्फ्रास्ट्रक्चर 50% पर्यंत वाढवण्याची घोषणा केली आहे.

• OnePlus युजर्ससाठी मोठी खुशखबर! कंपनीने 50% ने वाढवली सर्विस सेंटर्सची संख्या
• OnePlus ची मोठी घोषणा! आता देशभरात मिळणार जलद आफ्टर सेल्स सर्विस
• OnePlus ने वाढवले सर्विस नेटवर्क; आता 500 शहरांमध्ये मिळणार सुविधा

टेक कंपनी वनप्लसने आता एक मोठी घोषणा केली आहे. कंपनीने केलेले या घोषणेचा सकारात्मक परिणाम सर्व युजर्सवर होणार आहे. कंपनीने आफ्टर सेल्स सर्विस इन्फ्रास्ट्रक्चर 50% पर्यंत वाढवण्याची घोषणा केली आहे. कंपनीने सांगितले आहे की, ग्राहकांना अधिक चांगली आफ्टर सेल सर्विस मिळावी यासाठी कंपनीने हा निर्णय घेतला आहे. एप्रिल 2026 पासून हा नवीन निर्णय लागू केला जाणार आहे. तसेच यूजर ओप्पो इंडियाच्या ऑथोराइज सर्विस नेटवर्कद्वारे प्रीमियम सर्विसचा अनुभव घेऊ शकणार आहेत. सर्विस विस्तार व्यतिरिक्त कंपनीने भारतात डायरेक्ट कन्सुमर चॅनेलला देखील प्राधान्य दिले आहे.

Free Fire MAX: डायमंड्स खरेदीवर मिळवा प्रीमियम रिवॉर्ड्स, नवीन इव्हेंटमध्ये जबरदस्त ऑफर्स उपलब्ध

वनप्लसने एक्सपांड केली सर्विस

या विस्तारामुळे वनप्लसचे ऑथराईज सर्विस नेटवर्क 400 हुन वाढून 600 पेक्षा जास्त सेंटर्सपर्यंत पोहोचणार आहे. ज्यामुळे देशभरात 500 शहरांपर्यंत कव्हरेज मिळणार आहे. यामध्ये टीआर टू आणि टीआर थ्री मार्केट देखील समाविष्ट आहे. (फोटो सौजन्य – Pinterest)

युजरसाठी याचा फायदा कसा होणार?

कंपनीने घेतलेल्या या निर्णयामुळे युजर्सना अगदी सहज सपोर्ट मिळणार आहे, त्यांना कमी प्रवास करावा लागणार आहे आणि सर्विस मिळण्याची वेग देखील वाढणार आहे. तर दुसरीकडे कंपनी प्रतिसाद देण्याची आपली वचनबद्धता अस्सल स्पेअर पार्ट्स आणि प्रशिक्षण तंत्रज्ञ पुरवणे सुरूच ठेवणार आहे. यासोबतच वनप्लस डायरेक्ट टू कन्सुमर रणनीतीवर देखील विश्वास ठेवत आहे. या रणनीतीने यापूर्वी कंपनीला भारतीय बाजारात आपले वेगळे स्थान निर्माण करण्यासाठी मदत केली होती. डायरेक्ट टू कन्सुमर स्ट्रॅटेजीला प्राधान्य देऊन कंपनी तंत्रज्ञान प्रेमी आणि डिजिटल फर्स्ट ग्राहकांसोबत आपले संबंध अधिक मजबूत करण्यासाठी प्रयत्न करणार आहे. तसेच कंपनी भारतीय अनुभव आणि बाजारपेठेनुसार स्पर्धात्मक किंमत आणि नाविन्यपूर्णता टिकवून ठेवण्याचे हे उद्दिष्ट डोळ्यासमोर ठेवते.

कंपनीने भारताप्रती असलेली त्यांची वचनबद्धता पुन्हा एकदा सांगितली आहे. यावर कोणत्याही प्रकारचा परिणाम झालेला नाही. प्रॉडक्ट डेव्हलपमेंट आणि कम्युनिटीसंबंधी इनिशिएटिव्ह देखील पूर्वीप्रमाणे जारी केले जाणार आहेत. कंपनीने दावा केला आहे की सध्याची वॉरंटी सॉफ्टवेअर अपडेट्स आणि दिलेले आश्वासन यावर कोणताही परिणाम होणार नाही.

मेसेजिंगचा अनुभव बदलणार! आता थेट चॅटमधून करा व्हिडिओ कॉल, RCS मध्ये लवकरच येणार भन्नाट नवे फीचर्स

थोडक्यात सांगायाचं झालं तर, OnePlus ने भारतातील आफ्टर सेल सर्विस 50 टक्क्यांनी वाढवण्याचा निर्णय घेतला असून सेवा केंद्रांची संख्या 400 वरून 600 पेक्षा जास्त होणार आहे. याचा फायदा यूजर्सना मोठ्या प्रमाणात होणार आहे. एप्रिल 2026 पासून या विस्तारामुळे 500 शहरांतील ग्राहकांना अधिक जलद सेवा, कमी प्रवास आणि अधिक चांगला दुरुस्ती अनुभव मिळणार आहे.