OnePlus स्मार्टफोन्स महागले! तब्बल 4 हजार रुपयांनी वाढली किंमत, ग्राहकांना बसणार महागाईचा फटका

Smartphones Price Hike: टेक कंपन्या सतत त्यांच्या स्मार्टफोन्सच्या किंमतीत वाढ करत आहेत. याचा परिणाम सामान्य ग्राहकांवर होत आहे. सामान्य ग्राहकांना नवीन स्मार्टफोन खरेदी करण्यासाठी आता पूर्वीपेक्षा जास्त पैसे खर्च करावे लागत आहेत.

• वनप्लस नॉर्ड सीई 6 लाइट च्या 8GB + 256GB व्हेरिएंटच्या किमतीत सर्वाधिक ₹4,000 ची वाढ झाली आहे.
• वनप्लस नॉर्ड 6 आणि नॉर्ड सीई 6 च्या विविध व्हेरिएंट्सच्या किमतीत ₹2,000 ते ₹3,000 पर्यंत वाढ करण्यात आली आहे.
• वनप्लस एन 6 आणि एन 6 एक्स च्या किमतीतही ₹2,000 ची वाढ झाली असून नवीन दर वनप्लस इंडिया वेबसाइटवर अपडेट झाल्याचे रिपोर्ट्समध्ये नमूद आहे.

तुम्ही देखील नवीन वनप्लस स्मार्टफोन खरेदी करण्याचा विचार करत आहा का? तर तुमच्यासाठी एक महत्त्वाची बातमी आहे. कंपनीने भारतात त्यांच्या अनेक स्मार्टफोन्सच्या किंमती वाढवण्याचा निर्णय घेतला आहे. वनप्लस नॉर्ड 6, नॉर्ड सीई 6, नॉर्ड सीई 6 लाइट, वनप्लस एन 6 आणि अलीकडेच लाँच करण्यात आलेल्या वनप्लस एन 6 एक्सची किंमत देखील आता वाढणार असल्याची माहिती काही रिपोर्ट्समध्ये समोर आली आहे. कंपनीने काही स्मार्टफोन्सच्या किंमतीत तब्बल 4 हजार रुपयांपर्यंत वाढ केली आहे.

Tech Tips: Cyber Attack झालाय? घाबरू नका! तुमचा डेटा आणि पैसे वाचवण्यासाठी सर्वात आधी करा ‘ही’ महत्त्वाची कामं

वनप्लस नॉर्ड सीई 6 लाइट

वनप्लसने नॉर्ड सीई 6 लाइट स्मार्टफोनची किंमत वाढवण्याचा निर्णय घेतला आहे. या स्मार्टफोनच्या 6GB + 128GB व्हेरिअंंटची किंमत 25,999 रुपये होती. मात्र आता ग्राहकांना हे स्मार्टफोन व्हेरिअंट खरेदी करण्यासाठी 28,999 रुपये खर्च करावे लागणार आहेत. तसेच, डिव्हाईसच्या 8GB + 128GB व्हेरिअंटची किंमत 30,999 झाली आहे, जी यापूर्वी 27,999 रुपये होती. तसेच, 8GB + 256GB व्हेरिअंट खरेदी करण्यासाठी आता ग्राहकांना 30,999 रुपयांऐवजी 34,999 रुपये खर्च करावे लागणार आहेत.  (फोटो सौजन्य: OnePlus) 

वनप्लस नॉर्ड 6

या स्मार्टफोन व्हेरिअंटच्या किंमतीत 2 हजार रुपयांची वाढ करण्यात आली आहे. स्मार्टफोनचे 8GB + 256GB व्हेरिअंट खरेदी करण्यासाठी आता ग्राहकांना 44,999 रुपयांऐवजी 46,999 रुपये खर्च करावे लागणार आहेत. 12GB + 256GB व्हेरिअंटची किंमत यापूर्वी 50,999 रुपये होती. मात्र आता हे व्हेरिअंट खरेदी करण्यासाठी ग्राहकांना 52,999 रुपये मोजावे लागणार आहेत.

नॉर्ड सीई 6

वनप्लसच्या या स्मार्टफोनच्या 6GB + 128GB व्हेरिअंटची किंमत 25,999 रुपये होती. मात्र आता कंपनीच्या निर्णयानंतर या व्हेरिअंटची किंमत 28,999 रुपये झाली आहे. तसेच, स्मार्टफोनचे 8GB + 128GB व्हेरिअंट आता 27,999 रुपयांऐवजी 30,999 रुपयांत आणि 8GB + 256GB व्हेरिअंट 30,999 रुपयांऐवजी 34,999 रुपयांत खरेदीसाठी उपलब्ध असणार आहे.

Tech Tips: तुम्हीही Digital Wallet वापरताय? सायबर फ्रॉडपासून बचावासाठी लक्षात ठेवा ‘या’ गोष्टी

वनप्लस एन 6 आणि वनप्लस एन 6 एक्स

अलीकडेच लाँच करण्यात आलेल्या वनप्लस एन 6 स्मार्टफोनच्या 4GB + 128GB मॉडेलची किंमत यापूर्वी 22,999 रुपये होती. मात्र आता हे व्हेरिअंट खरेदी करण्यासाठी 24,999 रुपये खर्च करावे लागणार आहेत. तसेच, 6GB + 128GB व्हेरअंट खरेदी करण्यासाठी आता 24,999 रुपयांऐवजी 26,999 रुपये मोजावे लागणार आहेत. वनप्लस एन 6 एक्स स्मार्टफोनच्या 4GB + 64GB व्हेरिअंटची किंमत 20,999 आणि 4GB + 128GB व्हेरिअंटची किंमत 22,999 झाली आहे. या किंमती पूर्वी अनुक्रमे 18,999 रुपये आणि 20,999 रुपये होत्या.