Oppo ग्राहकांना पुन्हा झटका! कंपनीने वाढवल्या स्मार्टफोन्सच्या किंमती, जाणून घ्या नवीन दर

Oppo Smartphone Price Hike: ओप्पोने भारतात त्यांच्या काही स्मार्टफोन्सच्या किंमतीत वाढ केली आहे. त्यामुळे आता हे स्मार्टफोन व्हेरिअंट खरेदी करण्यासाठी ग्राहकांना पूर्वीपेक्षा जास्त पैसे मोजावे लागणार आहेत. स्मार्टफोन्सच्या नवीन किंमती जाणून घेऊया.

• चार Oppo स्मार्टफोन्सच्या किंमतीत वाढ
• नवीन किंमती कंपनीच्या अधिकृत वेबसाईटवर लागू
• स्मार्टफोन्सच्या वाढत्या किंमतींमुळे ग्राहकांना मोठा धक्का

टेक कंपनी Oppo ने भारतातील ग्राहकांना झटका देत त्यांच्या चार स्मार्टफोन्सच्या किंमतीत वाढ केली आहे. यामध्ये Reno 16c, A6 5G, A6x 5G आणि A6c यांचा समावेश आहे. नवीन किंमती कंपनीच्या अधिकृत वेबसाईटवर दिसत आहेत. कंपनीने स्मार्टफोनच्या किंमतीत 1 ते 4 हजार रुपयांपर्यंत वाढ केली आहे. अद्याप कंपनीने अधिकृतपणे याबाबत घोषणा केली नसली तरी देखील वेबसाईटवर नवीन किंमती दिसू लागल्या आहेत.

Airtelचा धमाका! ₹999 च्या फॅमिली पोस्टपेड प्लॅनमध्ये आयक्लाउड+सह मिळणार ॲपल टीव्ही आणि ॲपल आर्केडचाही लाभ, जाणून घ्या

ओप्पो स्मार्टफोन्सच्या नवीन किंमतींबाबत एक टिप्स्टरने माहिती शेअर केली आहे. रेनो 16 सी आणि ए 6 5G च्या किंमतीत सर्वाधिक वाढ झाली आहे, तर A6c च्या दोन्ही व्हेरिअंट्समध्ये 1 हजार रुपयांपर्यंत वाढ करण्यात आली आहे. स्मार्टफोन्सच्या सततच्या वाढत्या किंमतींमुळे ग्राहकांना मोठा धक्का बसला आहे. कंपनीने भारतात Oppo Reno 16c च्या किंमतीत 4 हजार रुपयांपर्यंत वाढ केली असल्याचे सांगितलं जात आहे.  (फोटो सौजन्य: Oppo) 

ओप्पो रेनो 16 सी

ओप्पो रेनो 16 सी च्या 8GB + 128GB व्हेरिअंटची किंमत आता 52,999 रुपये झाली आहे. तर या व्हेरिअंटची किंमत यापूर्वी 49,999 रुपये होती. तसेच, स्मार्टफोनचे 8GB + 256GB व्हेरिअंट खरेदी करण्यासाठी आता 53,999 रुपयांऐवजी 57,999 रुपये खर्च करावे लागणार आहेत. तर, 12GB + 256GB व्हेरिअंटची किंमत आता 59,999 रुपयांऐवजी 62,999 रुपये झाली आहे.

ओप्पो ए 6 5G

ओप्पो ए 6 5G स्मार्टफोनच्या 3 व्हेरिअंट्सच्या किंमतीत वाढ करण्यात आली आहे. 4GB + 128GB व्हेरिअंटची किंमत 28,999 रुपयांऐवजी 29,999 रुपये झाली आहे. तर 6GB + 128GB व्हेरिअंटची किंमत 31,999 रुपये झाली आहे. 6GB + 256GB व्हेरिअंट खरेदी करण्यासाठी आता 31,999 रुपयांऐवजी 35,999 रुपये खर्च करावे लागणार आहेत.

ओप्पो ए 6 एक्स 5G

ओप्पो ए 6 एक्स 5G चे 4GB + 64GB व्हेरिअंट खरेदी करण्यासाठी आता 18,999 रुपयांऐवजी 19,999 रुपये खर्च करावे लागणार आहेत. 4GB + 128GB व्हेरिअंट खरेदी करण्यासाठी आता 21,999 रुपयांऐवजी 23,999 रुपये खर्च करावे लागणार आहेत. 6GB + 128GB व्हेरिअंटची किंमत 26,999 रुपये झाली आहे. ही किंमत पूर्वी 24,999 रुपये होती.

DSLR सारखा दमदार कॅमेरा अन् पावरफुल परफॉर्मंस… Vivo ने लाँच केले तगडे फ्लॅगशिप स्मार्टफोन्स, जाणून घ्या किंमत

ओप्पो ए 6 सी

ओप्पो ए 6 सी च्या दोन्ही व्हेरिअंट्सच्या किंमतीत 1 हजार रुपयांची वाढ करण्यात आली आहे. 4GB + 64GB व्हेरिअंटची किंमत 17,999 रुपये आणि 4GB + 128GB व्हेरिअंटची किंमत 19,999 रुपये झाली आहे.