स्टाईल आणि किंमतीचा परफेक्ट कॉम्बो! Oppo ने गुपचूप लाँच केला 6,500mAh बॅटरीवाला स्वस्त 5G फोन, फीचर्स आणि स्पेसिफिकेशन्स वाचा

Oppo A6s 5G Launched: कंपनीने मिड रेंज आणखी एक नवीन स्मार्टफोन लाँच केला आहे. कंपनीने लाँच केलेल्या य नवीन स्मार्टफोनची डिझाईन अतिशय आकर्षक आहे. याचे फीचर्स आणि स्पेसिफिकेशन्स जाणून घेऊया.

• Oppo A6s 5G स्मार्टफोन दोन रॅम+ स्टोरेज व्हेरिअंटमध्ये लाँच
• डिव्हाईस ऑरोरा गोल्ड आणि प्लम पर्पल या रंगात खरेदीसाठी उपलब्ध
• Oppo A6s 5G मध्ये ColorOS 15 सह मीडियाटेक डाइमेंसिटी 6300 चिपसेट

Oppo Smartphone Launched: स्मार्टफोन कंपनी ओप्पोने भारतात आणखी एक नवीन स्मार्टफोन लाँच केला आहे. ओप्पोचा नवीन 5G फोन मिड रेंज सेगमेंटमध्ये लाँच करण्यात आला आहे. या नवीन स्मार्टफोनचे नाव Oppo A6s 5G असे आहे. कंपनीने दोन वेगवेगळ्या रंगात आणि दोन रॅम+ स्टोरेज व्हेरिअंटमध्ये नवीन स्मार्टफोन लाँच केला आहे. स्मार्टफोनची किंमत कमी असली तरी यामधील फीचर्स तगडे आणि दमदार आहेत. या डिव्हाईसमध्ये पावरफुल मीडियाटेक डाइमेंसिटी 6300 चिपसेट पाहायला मिळत आहे.

Realme च्या नव्या 5G फोनने उडवली सर्वांची झोप… 7,000mAh बॅटरी आणि तगड्या प्रोसेसरने सुसज्ज, किंमत 11,499 रुपयांहून कमी

Oppo A6s 5G ची भारतात किंमत आणि उपलब्धता

मिळालेल्या माहितीनुसार, ओप्पो कंपनीचा नवीन Oppo A6s 5G स्मार्टफोन दोन रॅम+ स्टोरेज व्हेरिअंटमध्ये लाँच करण्यात आला आहे. ज्यामध्ये 4GB रॅम आणि 128GB स्टोरेज आणि 6GB रॅम आणि 128GB स्टोरेज यांचा समावेश आहे. या स्मार्टफोनच्या 4GB रॅम आणि 128GB स्टोरेज या बेस व्हेरिअंटची किंमत 18,999 रुपयांपासून सुरु होते आणि 6GB रॅम आणि 128GB स्टोरेज या व्हेरिअंटची किंमत 20,999 रुपये ठेवण्यात आली आहे. हे डिव्हाईस ऑरोरा गोल्ड आणि प्लम पर्पल या रंगात खरेदीसाठी उपलब्ध आहे. यास्मार्टफोनच्या खरेदीवर 1 हजार रुपयांचे इंस्टेंट कॅशबॅक देखील ऑफर केले जाणार आहे. कंपनी एसबीआय कार्ड्स, कोटक महिंद्रा बँक, आयडीएफसी फर्स्ट बँक, बीओबी कार्ड्स, येस बँक, फेडरल बँक, डीबीएस आणि इतर बँकांच्या क्रेडिट कार्डवर 3 महिन्यांची नो कॉस्ट ईएमआय सुविधा देखील देत आहे. हे नवीन डिव्हाइस ॲमेझॉन, फ्लिपकार्ट आणि ओप्पो इंडियाच्या वेबसाइटवर खरेदीसाठी उपलब्ध असेल.  (फोटो सौजन्य – Oppo ) 

Oppo A6s 5G चे स्पेसिफिकेशन्स आणि फिचर्स

ओप्पोने लाँच केलेल्या नवीन स्मार्टफोनच्या स्पेसिफिकेशन्सबद्दल बोलायचं झालं तर Oppo A6s 5G मध्ये ColorOS 15 सह मीडियाटेक डाइमेंसिटी 6300 चिपसेट देण्यात आला आहे. या स्मार्टफोनमध्ये 6GB पर्यंत रॅम आणि 128GB स्टोरेज आहे. गेमिंग एक्सपीरियंस अधिक चांगला व्हावा यासाठी या स्मार्टफोनमध्ये एआई गेमबूस्ट फीचर आणि हेवी टास्क कमी नेटवर्क असलेल्या ठिकाणी अधिक चांगली कनेक्टिविटी मिळावी, यासाठी AI LinkBoost 3.0 फीचर देखील देण्यात आले आहे.

BGMI 4.3 Update: प्लेअर्ससाठी आनंदाची बातमी! भारतात रोलआऊट झाले नवे अपडेट, APK डाऊनलोड करण्यासाठी फॉलो करा या स्टेप्स

Oppo A6s 5G चे कॅमेरा फीचर्स आणि बॅटरी

फोटोग्राफीसाठी ओप्पोच्या या नवीन स्मार्टफोनमध्ये डुअल रियर कॅमेरा सेटअप देण्यात आला आहे, ज्यामध्ये 50-मेगापिक्सेलचा प्रायमरी सेंसर आणि 2-मेगापिक्सेलचा कॅमेरा समाविष्ट आहे. स्मार्टफोनच्या समोरील बाजूला 5-मेगापिक्सेलचा कॅमेरा देण्यात आला आहे. ओप्पोच्या या डिव्हाईसमध्ये 44W फास्ट चार्जिंग सपोर्टसह 6,500mAh बॅटरी देण्यात आली आहे. असा दावा करण्यात आला आहे की, बॅटरी एकूण 882.1 तासांपर्यंतचा स्टँडबाय टाईम मिळतो, तर व्हिडिओ प्लेबॅक टाईम 22.4 तासांपर्यंत असू शकतो.