6,500mAh बॅटरी अन् 50MP कॅमेरा… Pova च्या नव्या स्मार्टफोनचा धमाका, जाणून घ्या फीचर्स आणि किंमती

Pova 8 Pro 5G Launched: Pova ने भारतात नवीन स्मार्टफोन लाँच केला असून, हा फोन मिड-रेंज सेगमेंटमध्ये दमदार फीचर्ससह सादर करण्यात आला आहे.फोनमध्ये 144Hz ॲमोलेड डिस्प्ले, डायमेन्सिटी 7400 अल्टिमेट चिपसेट, 6,500mAh बॅटरी आणि 50MP कॅमेरा यांसारखे फीचर्स मिळतात.

6,500mAh बॅटरी अन् 50MP कॅमेरा... Pova च्या नव्या स्मार्टफोनचा धमाका, जाणून घ्या फीचर्स आणि किंमती

Follow Us:

Follow Us:

• Pova 8 Pro 5G ची सुरुवातीची किंमत ₹49,999 असून फोन 21 ऑगस्टपासून Flipkartवर उपलब्ध होणार आहे.
• फोनमध्ये 6.78-इंच 144Hz हायपरलक्स ॲमोलेड डिस्प्ले, डायमेन्सिटी 7400 अल्टिमेट चिपसेट आणि IP69K रेटिंग देण्यात आली आहे.
• 6,500mAh बॅटरी, 45W फास्ट चार्जिंग आणि OIS सपोर्टसह 50MP प्रायमरी कॅमेरा हा फोनच्या प्रमुख वैशिष्ट्यांपैकी एक आहे.

Tech Tips: Smart TV वापरताय? आत्ताच बदला या 5 सेटिंग्स! चित्रपट, गेमिंग आणि साउंडचा अनुभव होईल आणखी भन्नाट

Pova 8 Pro 5G ची किंमत आणि उपलब्धता

कंपनीने लाँच केलेल्या नवीन स्मार्टफोनची किंमत 49,999 रुपयांपासून सुरु होते. कंपनी फोनवर काही खास बँक ऑफर्स देखील देणार आहे. यामुळे ग्राहकांना निवडक क्रेडिट कार्ड, डेबिट कार्ड आणि यूपीआय ट्रांजेक्शनवर 3,000 रुपयांपर्यंत इंस्टंट कॅशबॅक देखील मिळणार आहे. नवीन Pova स्मार्टफोन भारतात 21 ऑगस्टपासून फ्लिपकार्टवर खरेदीसाठी उपलब्ध असणार आहे. ग्राहक हा स्मार्टफोन आर्क व्हाइट, ग्रेफाइट ब्लॅक आणि टुंड्रा ग्रीन रंगांच्या पर्यायांत खरेदी करू शकतात.  (फोटो सौजन्य: flipkart) 

Pova 8 Pro 5G चे स्पेसिफिकेशन्स आणि फीचर्स

डिस्प्ले

नव्या स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, यामध्ये 6.78-इंच हायपरलक्स ॲमोलेड डिस्प्ले देण्यात आला आहे, जो 144Hz पर्यंत रिफ्रेश रेटला सपोर्ट करतो. या डिव्हाईसमध्ये 4,500 निट्सपर्यंत पीक ब्राइटनेस देण्यात आली आहे. डिव्हाईस HiOS 16 वर चालते, जे अँड्रॉईड 16 वर आधारित आहे. टेक कंपनीने Pova 8 Pro 5G साठी दोन ओएस अपग्रेड्स आणि तीन वर्षांचे सिक्योरिटी अपडेट्स देण्याचे वचन दिले आहे.

प्रोसेसर

कंपनीच्या या नव्या हँडसेटमध्ये धूळ आणि पाण्यापासून सुरक्षेसाठी IP69K रेटिंग दिली आहे. हा स्मार्टफोन ऑक्टा-कोर मीडियाटेक डायमेन्सिटी 7400 अल्टिमेट चिपसेटने सुसज्ज आहे. यासोबतच या फोनमध्ये टेक्नो P1 ग्राफिक्स चिप देखील देण्यात आली आहे. या डिव्हाईसमध्ये एआरएम माली-जी615 एमसी2 जीपीयू देखील आहे. थर्मल मॅनेजमेंटसाठी फोनमध्ये वेपर चेंबर कूलिंग सॉल्यूशन मिळणार आहे, जे 5,000 चौरस मिमी उष्णता बाहेर टाकण्याचे क्षेत्र प्रदान करते. फोनच्या मागील बाजूला अलाइव मॅट्रिक्स डिस्प्ले देखील देण्यात आला आहे, ज्यामध्ये 177 मिनी LED आहे. कंपनीने असा दावा केला आहे की, हे 49 पेक्षा जास्त परिस्थितींसाठी ब्रीदिंग लाईट इफेक्ट्स तयार करते.

कॅमेरा सेटअप

कॅमेऱ्याबद्दल बोलायचं झालं तर फोनमध्ये डुअल रियर कॅमेरा सेटअप देण्यात आला आहे. फोनमध्ये ऑप्टिकल इमेज स्टेबिलाइजॅशनसह 50-मेगापिक्सेलचा प्रायमरी कॅमेरा आणि 8-मेगापिक्सेलचा अल्ट्रावाइड कॅमेरा देण्यात आला आहे. सेल्फी आणि व्हिडीओ कॉलिंगसाठी या फोनमध्ये 13-मेगापिक्सेलचा कॅमेरा दिला आहे.

Jio यूजर्ससाठी मोठी खुशखबर! कंपनी पुन्हा घेऊन आली Prime Membership… वर्षभरासाठी लॉक करा सध्याचा रिचार्ज प्लॅन

बॅटरी

कंपनीच्या लेटेस्ट लाँच स्मार्टफोनमध्ये 45W वायर्ड फास्ट चार्जिंग सपोर्टसह 6,500mAh बॅटरी दिली आहे. कनेक्टिविटीसाठी फोनमध्ये 5G, 4G एलटीई, वायफाय 6, ब्लूटूथ 5.4, यूएसबी टाइप-सी पोर्ट, एनएफसी, जीपीएस, ग्लोनास, बेईडू आणि गॅलिलिओ सपोर्ट देखील देण्यात आला आहे.

Web Title: Pova 8 pro 5g launched in india check price specifications features and availability tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com