Realme च्या नव्या 5G फोनने उडवली सर्वांची झोप… 7,000mAh बॅटरी आणि तगड्या प्रोसेसरने सुसज्ज, किंमत 11,499 रुपयांहून कमी

Realme P4 Lite 5G Launched: कंपनीने लाँच केलेल्या नवीन डिव्हाईसमध्ये 144Hz पर्यंत डिस्प्ले आहे, ज्याची पीक ब्राइटनेस 900 निट्सपर्यंत आहे. 7,000mAh बॅटरीसह हा स्मार्टफोन लाँच करण्यात आला आहे. याची किंमत जाणून घेऊया.

• Realme P4 Lite 5G भारतात लाँच
• नवीन डिव्हाईसमध्ये चांगल्या हिट सिंकसाठी एअरफ्लो व्हेपर चेम्बर
• बेस व्हेरिअंटची सुरुवातीची किंमत 12,999 रुपये

Realme Smartphone Launched: टेक कंपनी Realme गुढीपाडव्याच्या मूहूर्तावर भारतात एक नवीन स्मार्टफोन लाँच केला आहे. अनेक प्रिमियम फीचर्सने सुसज्ज असलेला हा स्मार्टफोन बजेट सेगमेंटमध्ये लाँच करण्यात आला आहे. हा नवीन स्मार्टफोन कंपनीने Realme P4 Lite 5G या नावाने लाँच केला आहे. कंपनीने हा स्मार्टफोन त्यांच्या P4 लाइनअपमध्ये सर्वात लेटेस्ट मॉडेलच्या स्वरुपात लाँच केला आहे. यापूर्वी या स्मार्टफोन लाईनअपमध्ये कंपनीने P4, P4x आणि P4 Pro 5G मॉडेल्स समाविष्ट केले आहेत. आता यामध्ये एक नवीन स्मार्टफोन मॉडेल जोडण्यात आले आहे. Realme च्या या नवीन हँडसेटमध्ये मीडियाटेक डेमेन्सिटी 6300 5G चिपसेट पाहायला मिळत आहे. एवढंच नाही तर या नवीन डिव्हाईसमध्ये चांगल्या हिट सिंकसाठी एअरफ्लो व्हेपर चेम्बर देण्यात आला आहे.

BGMI 4.3 Update: प्लेअर्ससाठी आनंदाची बातमी! भारतात रोलआऊट झाले नवे अपडेट, APK डाऊनलोड करण्यासाठी फॉलो करा या स्टेप्स

Realme P4 Lite 5G ची किंमत आणि उपलब्धता

नवीन लाँच झालेल्या स्मार्टफोनबद्दल बोलायचं झालं तर Realme P4 Lite 5G च्या 4GB रॅम आणि 64GB इंटरनल स्टोरेज या बेस व्हेरिअंटची सुरुवातीची किंमत 12,999 रुपये आहे. तर डिव्हाईसच्या 4GB + 128GB व्हेरिअंटची किंमत 13,999 रुपये आणि 6GB + 128GB व्हेरिअंटची किंमत 15,999 रुपये आहे. हा फोन मोझॅक निळा आणि मोझॅक हिरवा कलर ऑप्शनमध्ये खरेदीसाठी उपलब्ध आहे. हा फोन ग्राहक फ्लिपकार्ट, रियलमी इंडियाच्या वेबसाईटवरून आणि देशभरातील ऑफलाईन स्टोअरवरून खरेदी करू शकणार आहेत. लाँच ऑफरचा भाग म्हणून, कंपनी स्मार्टफोनच्या खरेदीवर फ्लॅट 1 हजार रुपयांची आणि 500 रुपयांपर्यंतची बँक सूट देत आहे. या ऑफरनंतर, फोनची सुरुवातीची किंमत 11,499 रुपये होईल. फोनची पहिली विक्री 25 मार्च रोजी सुरू होईल.  (फोटो सौजन्य – X)  

Realme P4 Lite 5G चे स्पेसिफिकेशन्स आणि फीचर्स

स्पेसिफिकेशन्सबद्दल बोलायचं झालं तर Realme ने लाँच केलेल्या या नवीन स्मार्टफोनमध्ये 6.8-इंच HD+ (720 x 1,570 पिक्सेल) LCD डिस्प्ले देण्यात आला आहे. यासोबतच या डिव्हाईसमध्ये 144Hz पर्यंत रिफ्रेश रेट सपोर्ट देखील मिळणार आहे. कंपनीने लाँच केलेल्या या डिव्हासईमध्ये 180Hz टच सँपलिंग रेट आणि 900 निट्स पीक ब्राइटनेस देखील मिळणार आहे.

या नवीन डिव्हाईसमध्ये लेटेस्ट अँड्रॉईड 16 वर बेस्ड Realme UI 7.0 देखील मिळणार आहे. डिव्हाईसमध्ये दोन वर्षांचे OS अपडेट आणि तीन वर्षांचे सिक्योरिटी अपडेट मिळणार आहे. यासोबतच कंपनीने लाँच केलेल्या या लेटेस्ट स्मार्टफोनमध्ये मीडियाटेक डेमेन्सिटी 6300 5G चिपसेट मिळणार आहे. या फोनमध्ये 6GB पर्यंत एलपीडीडीआर4एक्स रॅम आणि 128GB पर्यंत UFS 2.2 स्टोरेज देखील आहे.

Tech Tips: अरेच्चा… डाव्या बाजूलाच का असते मोबाईलचे पावर बटन? कारण वाचून तुम्हाही व्हाल चकित

Realme P4 Lite 5G कॅमेरा आणि बॅटरी

फोटोग्राफीसाठी या नवीन स्मार्टफोनमध्ये डुअल रियर कॅमेरा सेटअप देण्यात आला आहे. या स्मार्टफोनमध्ये 13-मेगापिक्सेलचा प्रायमरी कॅमेरा आहे आणि याचा अपर्चर f/2.2 आहे. डिव्हाईसमध्ये समोरील बाजूला 5-मेगापिक्सेलचा सेल्फी कॅमेरा देण्यात आला आहे. या स्मार्टफोनमध्ये कनेक्टिविटीसाठी 5जी, 4जी एलटीई, वाई-फाई 5, ब्लूटूथ 5.3, 3.5 मिमी हेडफोन जॅक देखील देण्यात आला आहे. हा स्मार्टफोन 7,000mAh बॅटरीने सुसज्ज असून यामध्ये 15W वायर्ड चार्जिंग सपोर्ट दिला आहे.