नव्या Redmi 17 5G ची सर्वत्र चर्चा! बजेट किंमतीत मिळणार तगडा स्मार्टफोन, फीचर्स पाहून व्हाल खुश

Redmi 17 5G Launched: 6.9-इंच एचडी+ डिस्प्ले आणि 7,900mAh बॅटरीसह रेडमीने एक नवीन स्मार्टफोन लाँच केला आहे. या स्मार्टफोनची सुरुवातीची किंमत 23,999 रुपये ठेवण्यात आली आहे. जर तुम्ही बजेट सेगमेंटमध्ये स्मार्टफोन शोधत असाल तर हे डिव्हाईस एक चांगला पर्याय ठरू शकते.

• किंमत ₹23,999 पासून: रेडमी 17 5G च्या 6GB+128GB व्हेरिएंटची किंमत ₹23,999, तर 8GB+128GB मॉडेलची किंमत ₹26,999 आहे.
• 7,900mAh बॅटरीचा पॉवर: फोनमध्ये 45W फास्ट चार्जिंग आणि 22.5W रिव्हर्स चार्जिंग सपोर्टसह मोठी 7,900mAh बॅटरी देण्यात आली आहे.
• 10 सप्टेंबरपासून विक्री: रेडमी 17 5G ची पहिली विक्री 10 सप्टेंबरपासून ॲमेझॉन आणि शाओमी च्या ऑनलाइन स्टोअरवर सुरू होणार आहे.

Redmi Smartphone Launched:  लोकप्रिय टेक कंपनी आणि स्मार्टफोन ब्रँड असलेल्या शाओमीच्या सबब्रँड रेडमीने त्यांचा एक नवीन बजेट फ्रेंडली 5G स्मार्टफोन लाँच केला आहे. कंपनीचा हा नवीन स्मार्टफोन Redmi 17 5G या नावाने सादर करण्यात आला आहे. या स्मार्टफोनची विक्री लवकरच ई-कॉमर्स प्लॅटफॉर्म ॲमेझॉमनवर सुरु होणार आहे. ग्राहक हा स्मार्टफोन तीन रंगांच्या पर्यायांत खरेदी करू शकतात. बजेट फ्रेंडली सेगमेंटमध्ये लाँच करण्यात आलेल्या या स्मार्टफोनमध्ये अनेक पावरफुल फीचर्स देण्यात आले आहेत.

अरेरे, नंबर चुकला अन् रिचार्जचा खेळ बिघडला! पैसे परत मिळणार कसे? Jio, Airtel, Vi यूजर्ससाठी लागू आहेत ‘हे’ नियम

रेडमी 17 5G ची किंमत आणि उपलब्धता

कंपनीने त्यांचा नवीन बजेट फ्रेंडली स्मार्टफोन 6GB + 128GB आणि 8GB + 128GB या रॅम आणि स्टोरेज व्हेरिअंट्समध्ये लाँच केला आहे. स्मार्टफोनच्या 6GB + 128GB असलेल्या बेस व्हेरिअंटची किंमत 23,999 रुपये आहे. तर, 8GB + 128GB व्हेरिअंटची किंमत 26,999 रुपये ठेवण्यात आली आहे. स्मार्टफोनची पहिली विक्री 10 सप्टेंबरपासून ॲमेझॉन आणि शाओमीच्या ऑनलाईन स्टोअरद्वारे भारतात सुरु होणार आहे. ग्राहक हा स्मार्टफोन एब्सोल्यूट ब्लॅक, एंडलेस ब्लू आणि इटरनल ऑरेंज या तीन रंगांच्या पर्यायांत खरेदी करू शकतात.  (फोटो सौजन्य: Redmi) 

रेडमी 17 5G चे फीचर्स आणि स्पेसिफिकेशन्स

डिस्प्ले

कंपनीने लांच केलेल्या नवीन रेडमी स्मार्टफोनच्या फीचर्स आणि स्पेसिफिकेशन्सबद्दल जाणून घेऊया. या स्मार्टफोनमध्ये 6.9-इंच एचडी+ डिस्प्ले देण्यात आला आहे, ज्यामध्ये 120Hz पर्यंत रिफ्रेश रेट, 825 निट्सपर्यंत पीक ब्राइटनेस आणि कॉर्निंग गोरिल्ला ग्लास 7i प्रोटेक्शन मिळणार आहे. हे डिव्हाईस TÜV राइनलँड लो ब्लू लाइट, सर्कैडियन फ्रेंडली आणि फ्लिकर-फ्री सर्टिफिकेशन्ससह लाँच करण्यात आले आहे.

प्रोसेसर

रेडमीच्या लेटेस्ट लाँच डिव्हाईसमध्ये क्वालकॉमचा ऑक्टा-कोर स्नॅपड्रॅगन 4 जेन 5 प्रोसेसर देखील मिळणार आहे, जो 4nm प्रोसेसवर तयार करण्यात आला आहे. या डिव्हाईसमध्ये 2.4GHz पर्यंत पीक क्लॉक स्पीड दिली आहे. यामध्ये ॲड्रेनो जीपीयू, 8GB पर्यंत एलपीडीडीआर4एक्स रॅम आणि यूएफएस 2.2 ऑनबोर्ड स्टोरेज मिळणार आहे. धूळ आणि पाण्यापासून सुरक्षेसाठी या स्मार्टफोनमध्ये IP64 रेटिंग दिली आहे.

कॅमेरा

रेडमी 17 5G मध्ये ड्युअल रिअर कॅमेरा दिला आहे, ज्यामध्ये f/1.8 अपर्चर वाला 50-मेगापिक्सेलचा प्रायमरी कॅमेरा आहे. यासोबतच फोनमध्ये आणखी एक कॅमेरा देखील मिळणार आहे. सेल्फी आणि व्हिडीओ कॉलिंगसाठी या स्मार्टफोनमध्ये f/2.05 अपर्चरवाला 8-मेगापिक्सेलचा फ्रंट कॅमेरा दिला आहे.

भारतीय मनोरंजनाला ग्लोबल प्लॅटफॉर्म! JioHotstar ची यूके, कॅनडा आणि सिंगापूरमध्ये एंट्री; प्रेक्षकांना मिळणार नवा अनुभव

बॅटरी

याशिवाय, या लेटेस्ट लाँच स्मार्टफोनमध्ये 45W वायर्ड फास्ट चार्जिंग आणि 22.5W रिवर्स वायर्ड चार्जिंग सपोर्टसह 7,900mAh बॅटरी दिली आहे. कनेक्टिविटीसाठी या स्मार्टफोनमध्ये 5G, 4G एलटीई, डुअल-बँड वाय-फाय, ब्लूटूथ, एनएफसी, यूएसबी टाइप-सी पोर्ट, 3.5mm ऑडियो जॅक आणि जीपीएसची सुविधा देखील मिळणार आहे. या डिव्हाईसमध्ये साइड-माउंटेड फिंगरप्रिंट स्कॅनर देण्यात आला आहे.