अरे देवा! ‘या’ Samsung स्मार्टफोन्सच्या वाढल्या किंंमती, Xiaomi नेही ग्राहकांना दिला धक्का… बजेटवर होणार थेट परिणाम

Samsung And Xiaomi Price Hike: स्मार्टफोनच्या किमतींनी पुन्हा उडवली ग्राहकांची झोप! सॅमसंग आणि शाओमीने पुन्हा एकदा त्यांच्या काही डिव्हाईसच्या किंमतीत वाढ करण्याचा निर्णय घेतला आहे. कंपनीने घेतलेल्या या निर्णयामुळे आता ग्राहकांनी नाराजी व्यक्त केली आहे.

• सॅमसंग गॅलेक्सी एम 17 5G च्या वेगवेगळ्या RAM व्हेरिअंट्सच्या किमतीत ₹1,000 ते ₹3,000 पर्यंत वाढ करण्यात आली आहे.
• गॅलेक्सी एफ 17 5G, एफ 70e 5G आणि एम 17e 5G च्या काही व्हेरिअंट्सच्या किमतीतही ₹1,000 ते ₹2,000 पर्यंत वाढ झाली आहे.
• शाओमी पॅड 8 च्या 8GB+128GB आणि 12GB+256GB व्हेरिअंट्सची किंमत अनुक्रमे ₹3,000 आणि ₹5,000 ने वाढली आहे.

अलीकडेच टेक कंपनी सॅमसंगने भारतात सॅमसंग गॅलेक्सी एम 17 5G, गॅलेक्सी एफ 17 5G, गॅलेक्सी एफ 70 ई 5G आणि दूसरे मिड-रेंज स्मार्टफोन्स लाँच केले होते. तसेच, शाओमीमे यावर्षी मे महिन्यात शाओमी पॅड 8 एका फ्लॅगशिप टॅब्लेट स्वरुपात लाँच केला होता. लाँचिंगनंतर अगदी काही महिन्यांतच कंपनीने या डिव्हाईसची किंमत वाढवण्याचा निर्णय घेतला आहे. ज्यामुळे ग्राहकांना मोठा झटका बसला आहे. कंपनीने पहिल्यांदाच त्यांच्या डिव्हाईसच्या किंमती वाढवल्या नाहीत. गेल्या दोन महिन्यांत शाओमी पॅड 8 च्या किमतीत झालेली ही दुसरी दरवाढ आहे, तर सॅमसंग गॅलेक्सी एफ आणि गॅलेक्सी एम सिरीजच्या फोन्सच्या किमतीत झालेली ही गेल्या सहा महिन्यांतील दुसरी दरवाढ आहे.

लिक्विड कूलिंग सिस्टिमसह नवा iQOO स्मार्टफोन लाँच! स्टायलिश डिझाईन जिंकणार यूजर्सचं मन, किंमत ऐकून व्हाल थक्क

सॅमसंग गॅलेक्सी एफ आणि एम सिरीजच्या किंमती वाढल्या

टिप्स्टर देबायन रॉय (@Gadgetsdata) ने दावा केला आहे की, सॅमसंग गॅलेक्सी एम 17 5G च्या 4GB मॉडेलची किंमत 1 हजार रुपयांनी, 6GB मॉडेलची किंमत 2 हजार रुपयांनी आणि 8GB मॉडेलची किंमत 3 हजार रुपयांनी वाढवली आहे. तर गॅलेक्सी एफ 17 5G च्या 6GB मॉडेलची किंमत 1 हजार रुपयांनी आणि 8GB मॉडेलची किंमत 2 हजार रुपयांनी वाढवण्याचा निर्णय घेण्यात आला आहे.

टिप्स्टरने दावा केला आहे की, सॅमसंग गॅलेक्सी एफ 70 ई 5G आणि गॅलेक्सी एम 17 ई 5G स्मार्टफोनच्या 4GB मॉडेलची किंमत 1 हजार रुपयांनी आणि 6GB मॉडेलची किंमत 2 हजार रुपयांनी वाढवली आहे. यामुळे आता या दोन्ही स्मार्टफोनची सुरुवातीची किंमत 17,499 रुपये झाली आहे. तर याची लाँच किंमत 13,999 रुपये होती. (फोटो सौजन्य: Samsung And Xiaomi)

After Vivo, iQOO, OPPO, OnePlus, Redmi & Poco Now, Xiaomi (pad), realme & Samsung hikes the prices of their smartphones by upto ₹4000‼️ Xiaomi Pad 8 price hiked by upto ₹3000 , now ,
• 8+128GB costs ₹38,999
• 12+256GB costs ₹43,999
• 12+256GB nano texture display… pic.twitter.com/4WWO5vfq6j — Debayan Roy (Gadgetsdata) (@Gadgetsdata) August 18, 2026

सरकारची सोशल मीडियावर नजर! पाच महिन्यांत तब्बल 1.95 लाख पोस्ट ब्लॉक करण्याचे आदेश, वाचा सविस्तर

शाओमी पॅड 8 च्या किंमती वाढल्या

भारतातील ‘शाओमी पॅड 8 ची ऑनलाइन लिस्टिंग अपडेट करण्यात आली असून, त्यात कंपनीच्या या फ्लॅगशिप टॅब्लेटची नवीन किंमत दर्शवण्यात आली आहे. या टॅब्लेटच्या 8GB रॅम आणि 128GB ऑनबोर्ड स्टोरेजवाल्या बेस व्हेरिअंटची किंमत 38,999 रुपयांपासून सुरु होते. तर 12GB + 256GB रॅम आणि स्टोरेज असलेल्या टॉप एंड व्हेरिअंटची किंमत आता 43,999 रुपयांपासून सुरु होते. कंपनीने जूनमध्ये या दोन्ही व्हेरिअंटच्या किंमतीत वाढ केली होती. त्यावेळी 8GB + 128GB व्हेरिअंटची किंमत 35,999 रुपये आणि 12GB + 256GB व्हेरिअंटची किंमत 38,999 रुपये ठेवण्यात आली होती. यानंतर आता या व्हेरिंअंट्सच्या किंमतीत अनुक्रमे 3,000 रुपये आणि 5,000 रुपयांची वाढ करण्यात आली आहे.